ह्वावे क्लाउडले एआईको साथमा मोडल र एप्लिकेसनको विशाल दायरा प्रस्तुत गर्दै

A+ A A-

ह्वावे कनेक्ट २०२३ मा ह्वावे क्लाउड ग्लोबल इकोसिस्टमका अध्यक्ष काङ निङले ह्वावे क्लाउड इकोसिस्टमका पछिल्ला प्रगति र उपलब्धिहरूबारे बताउँदै भरपर्दो, स्केलेबल एआई कम्प्युटिङ पावरका लागि एससेन्ड एआई क्लाउड सेवाको घोषणा गरेका छन् । एससेन्ड मोडल समुदाय र डेभलपर संस्थामा सामेल हुनासाथ साझेदार र विकासकर्ताहरूलाई सशक्तीकरण गर्न र इकोसिस्टमको थप वृद्धि गर्न प्रभावकारी हुने उनले बताए ।

'ह्वावे क्लाउडले सबै प्रकारका आधारभूत मोडलहरू अँगाल्न साथै विश्वव्यापी साझेदारहरू र डेभलपरहरूलाई संलग्न गराउन पूर्ण इकोसिस्टम निर्माण गरेको छ,' उनले भने, 'पंगु मोडलहरूमा नयाँ आविष्कार गरौँ र एआईको प्रयोग गर्दै उद्योगहरूलाई पुनः आकार दिऔँ । ५ लाख डेभलपर र ४२ हजार साझेदारहरू ह्वावे क्लाउड इकोसिस्टममा सामेल भएका छन् भने १० हजारभन्दा बढी एप्लिकेसनहरू ह्वावेको क्लाउड मार्केट प्लेस कूग्यालरीमा जारी गरिएका छन् । त्यस्तै, २१ हजारभन्दा बढी ग्राहकहरूले पंगु पिओसी परीक्षणका लागि आवेदन दिएका छन् ।'

उनका अनुसार, एससेन्ड एआई क्लाउड सेवाले ठोस कम्प्युटिङ आधारशिला बनाउँछ । यसले बहुमुखी पूर्वाधार, असाधारण प्रदर्शन र विविध स्रोतहरूसहित साझेदारहरू र डेभलपरहरूलाई मोडल माइग्रेसन र प्रशिक्षणमा सशक्त बनाउँछ । विशेष गरी यसमा मुख्य धाराका एआई इन्जिनहरू (जस्तै; माइन्डस्पोर, ह्वावेको गहिरो सिकाइ तालिम र अनुमान ढाँचा) सामेल गरिएको छ । त्यसैले डेभलपरहरूले आफ्ना अत्यधुनिक स्टेट अफ द आर्ट (यसओटीए) मोडेलहरू वा अन्य मोडलहरूलाई एससेन्डमा ट्रिलियन प्यारामिटका साथ प्रशिक्षित मोडेलहरूसहित स्थानान्तरण गर्न सक्छन् ।

ह्वावे क्लाउडले डेभलपरहरूमा ध्यान केन्द्रित गरी खुला ग्लोबल इकोसिस्टम निर्माण गर्ने लक्ष्य राखेको छ र ह्वावे क्लाउड मोडल कम्युनिटी यसको प्रमाण हो । यसमा डेभलपरहरूले गुणस्तर डेटासेटहरू, परिष्कृत स्टेट अफ द आर्ट मोडेलहरू, एआई क्षमताहरू, डेभलपर किटहरू, पाठ्यक्रम र प्राविधिक सहयोगमा पहुँच पाउँछन् । ह्वावे क्लाउडले डेभलपरहरूलाई पनि उच्च दक्षताको यात्रामा लैजान्छ । फाउन्डेशनमा मोडल र क्लाउड नेटिभ पाठ्यक्रमहरू ह्यान्ड–अन अनुभवका साथ प्रमाणित र मान्यता प्राप्त गर्ने मौकाको बनाइएका छन् ।

एक सम्पन्न इकोसिस्टम सिर्जना गर्न ग्राहकहरू र साझेदारहरूको संयुक्त प्रयास पनि आवश्यक छ । ह्वावे क्लाउडले १५० भन्दा बढी साझेदारहरू र २०० भन्दा बढी ग्राहकहरूसँग पंगु एलओे (Pangu LO) फाउन्डेसन मोडेलहरूमा २० भन्दा बढी उद्योग मोडेलहरू र ४ सयभन्दा बढी एआई एप्लिकेसनको विकास गरेको छ । यी उपलब्धिहरूले सबै उद्योगहरूमाथि सम्भावनाको सङ्केत गरिरहेका छन् ।

प्रकाशित मिति: मंगलबार, कात्तिक १४, २०८० १३:२१