टी-२० विश्वकप एसिया छनोटः सानदार सुरुवात गर्ने सोचसहित नेपाल मैदानमा उत्रँदै, आजै चार खेल

टी-२० विश्वकप एसिया छनोटः सानदार सुरुवात गर्ने सोचसहित नेपाल मैदानमा उत्रँदै, आजै चार खेल

A+ A A-

आईसीसी टी- २० विश्वकप एसिया फाइनल छनोटअन्तर्गत आज नेपाल सिंगापुरविरुद्ध खेल्दैछ । अहिले बिहान ९ बजेदेखि त्रिभुवन विश्वविद्यालय क्रिकेट मैदान कीर्तिपुरमा हुन लागेको खेलमा नेपाल र सिंगापुर भिड्न लागेका हुन् ।

यसमा नेपाललाई उपाधिको प्रमुख दाबेदारको रूपमा हेरिएको छ । जसका कारण आजको खेलमा सिंगापुरलाई हराउँदै सुखद सुरुवात गर्ने नेपालको लक्ष्य हुनेछ । सिंगापुर पनि नेपाललाई पराजित गर्ने मनसायसहित मैदानमा उत्रनेछ ।

नेपाल अहिले उच्च लयमा छ । हालै सम्पन्न त्रिदेशीय टी- २० सिरिजको फाइनलमा चुके पनि नेपालले समूह चरणमा उच्च प्रदर्शन गरेको थियो । खेलाडीहरू पनि लयमै देखिएका छन् ।

सन्दीप लामिछाने टोलीमा फर्किएका छन् । रोहित पौडेलको कप्तानीमा मैदानमा उत्रिने नेपालका लामिछानेसहित दीपेन्द्रसिंह ऐरी, गुल्सन झा, रोहित पौडेल, कुशल मल्ल, सोमपाल कामी, करण केसी तथा ललित राजवंशी म्याच विनर खेलाडी बन्न सक्छन् ।

नेपाली टिममा रोहित पौडेल (कप्तान), कुशल भुर्तेल, आसिफ शेख, कुशल मल्ल, दीपेन्द्रसिंह ऐरी, सन्दीप जोरा, गुलशन झा, सोमपाल कामी, करण केसी, अभिनाश बोहरा, प्रतिश जि.सी, विवेक यादव, सन्दीप लामिछाने, ललित राजवंशी र विनोद भण्डारी छन् ।

उता नेपाललाई हराउने मनसायसहति अरित्र दत्तको नेतृत्वमा सिंगापुर मैदानमा उत्रनेछ । सिंगापुरले सुरेन्द्रन चन्द्रमोहन, जनक प्रकाश, रोहन रंगराजनलगायत खेलाडीसँग राम्रो प्रदर्शनको अपेक्षा राख्नेछ ।