विदेशिएका युवाहरूलाई ज्ञान र सीप लिएर फर्कने सन्देश बोकेको नबिल बैंकको दसैँ भिडियो सार्वजनिक

विदेशिएका युवाहरूलाई ज्ञान र सीप लिएर फर्कने सन्देश बोकेको नबिल बैंकको दसैँ भिडियो सार्वजनिक

A+ A A-

छोराछोरी विदेश भएका सम्पूर्ण आमाबुवाको मर्म समेटेर नबिल बैंकले एउटा सन्देशमूलक दसैँ भिडियो सार्वजनिक गरेको छ ।

विभिन्न समय परिस्थितिअनुसार देखिएको समस्यालाई सामना गर्ने गरी अभिप्रेरित गर्न र सामाजिक भावना दर्शाउनका लागि भिडियो सामग्री पस्कँदै आएको नबिल बैंकले बडादसैँको पूर्वसन्ध्यामा यो भिडियो सार्वजनिक गरेको हो ।

युवाहरूको वैदेशिक आकर्षण चाहे त्यो शैक्षिक छात्रवृत्तिमा होस् या वैदेशिक रोजगारीका लागि होस्, यो बढ्दो क्रममा छ । पढ्न गएका सन्तान नेपाल फर्कंदैनन् कि भन्ने अभिभावकको मनस्थिति अहिले देखिन थालेको छ ।

यस भिडियोमार्फत छात्रवृत्तिमा जानु वा वैदेशिक अध्ययनमा जानुको अर्थ विदेश पलायन भएको होइन भन्ने सन्देश समाज र अभिभावकलाई दिन खोजिएको छ ।

यस भिडियोमार्फत उच्च शिक्षापश्चात् आफ्ना सन्तानहरू घर फर्किन्छन् र आफूले सिकेको ज्ञान र सीप प्रयोग गरेर यही देशको माटोमै केही गर्न प्रयास गर्नेछन् भन्ने आमाबुवाको आशालाई दर्शाउन खोजिएको छ । साथै, भिडियोले वैदेशिक अध्ययनको छात्रवृत्ति निस्कँदा अभिभावकमा आउने खुसी, समाजले गर्ने आशंका र सन्तानले बुझेको बुवाआमाको भावना पनि देखाउन खोजिएको छ ।

नेपालको अग्रणी बैंकका रूपमा स्थापित नबिल बैंकले युवालाई केन्द्रित गर्दै विभिन्न किसिमका कार्यक्रमहरू सञ्चालन गरेको छ । शैक्षिक कर्जा, युवा उद्यमी कर्जालगायतका कार्यक्रमका साथमा बैंकले नबिल सामाजिक उद्यमशीलताअन्तर्गत नबिल एसएसई फेलोसिप तथा सर्टिफिकेट कार्यक्रमहरू पनि सञ्चालन गर्दै आएको छ ।

नबिल बैंक नेपालको अग्रणी वाणिज्य बैंकमध्ये एक हो । यस बैंकले देशभर २६६ शाखा सञ्जालसहित १९ वटा एक्सटेन्सन काउन्टर र ३१० एटीएम मेसिनबाट बैंकिङ सेवा प्रदान गर्दे आएकोे छ । नबिल बैंकले आफ्नो ग्राहक संख्या अहिले १८ लाखभन्दा बढी पुर्‍याएको छ ।

भिडियो: