एपेक्स कलेज र आईएनजीबीच साझेदारी, अब समयसापेक्ष र अन्तर्राष्ट्रिय अभ्याससहितको आईटी पाठ्यक्रम अध्यापन हुने

एपेक्स कलेज र आईएनजीबीच साझेदारी, अब समयसापेक्ष र अन्तर्राष्ट्रिय अभ्याससहितको आईटी पाठ्यक्रम अध्यापन हुने

A+ A A-

एपेक्स कलेजमा इन्नोभेट नेपाल ग्रुप (आईएनजी)को नेतृत्वमा अन्तर्राष्ट्रिय पद्धति र अभ्याससहितको नवीनतम व्यवस्थापन र आईटी पाठ्यक्रम सम्मिलित अध्यापन गराइने भएको छ । त्यसका लागि एपेक्स कलेजले आईएनजीसँग साझेदारी गरेको छ ।

नेपालमा गुणस्तरीय उच्च शिक्षा प्रदान गर्ने कार्यको नेतृत्व गर्दै आएका दुई संस्थाहरूबीचको यो साझेदारीले सिकाइ, प्रविधि, माध्यम र स्रोतसाधनको थप विस्तार हुने कलेजको विश्वास छ । यो साझेदारीपछिको अध्यापनले बजारसुहाउँदो, युवामैत्री र अविस्मरणीय कलेज अनुभव प्रदान गर्ने र नेपालमै उच्च शिक्षाको उन्नतिलाई सघाउ पुग्ने विश्वास गरिएको छ ।

सन् २००० मा डा. मिनेन्द्र रिजालको नेतृत्वमा रहेको समूहले मानव पुँजी विकास गर्ने उद्देश्य राखेर स्थापना गरेको एपेक्स कलेजले नेपालको व्यवस्थापन शिक्षाका साथै समग्र शैक्षिक क्षेत्रमै दीर्घकालीन छाप छोड्न सफल छ । २३ वर्षअघि पोखरा विश्वविद्यालयको सम्बन्धनमा बीबीए र बीसीआईएस कार्यक्रममार्फत आफ्नो सेवा आरम्भ गरेको थियो ।

कलेजले हाल समग्रमा १५ भन्दा बढी विशेषज्ञता सामेल स्नातक र स्नातकोत्तर दुवै तहका लागि मास्टर्स अफ बिजनेस एडमिनिस्ट्रेसन (एमबीए), एमबीए इभिनिङ, ब्याचलर अफ बिजनेस एडमिनिस्ट्रेसन (बीबीए), बीबीए इन बैंकिङ एन्ड इन्स्योरेन्स, बीबीए इन ट्राभल एन्ड टुरिज्म र ब्याचलर अफ कम्प्युटर सिस्टम एन्ड इन्फर्मेसन टेक्नोलोजी (बीसीएसआईटी) गरेर ६ प्रकारका विभिन्न शैक्षिक कार्यक्रमहरू सञ्चालन गर्दै आएको छ ।

देशमा व्यवस्थापनमै सूचना प्रविधिको मिश्रणसहितको शैक्षिक कार्यक्रम सञ्चालन गर्ने सबैभन्दा पहिलो कलेजको रूपमा चिनिएको एपेक्ससँग हाल विश्वभर छरिएका दक्ष व्यावसायिक व्यक्तित्वहरू, व्यवस्थापक तथा उद्यमीहरूको एक बलियो पूर्वविद्यार्थीको सञ्जाल छ । यसले यो कलेजलाई नेपालकै सबैभन्दा ठूलो मात्र नभई एक प्रमुख बिजनेस स्कुलको रूपमा स्थापित गराएको छ ।

आईएनजी अन्तर्राष्ट्रिय योग्यता र विश्वव्यापी विज्ञतालाई स्थानीय सन्दर्भसँग मिश्रण गर्दै नेपाललगायत केही एसियाली मुलुकहरूमा उच्च शिक्षामा नवीनतम प्रविधि भित्र्याउन लागिपरेको शिक्षा र प्रविधिमा काम गर्ने कम्पनी हो ।

आईएनजी समूहले गरेको अग्रणी कार्यहरूको सर्वत्र प्रशंसा भएको छ भने सन् २०१४ मा नेपाल सरकार शिक्षा मन्त्रालयले ती कार्यहरूलाई सम्मानितसमेत गरिसकेको छ । अहिले आईएनजी समूहसँग इस्लिङ्टन कलेजलगायत विभिन्न विभिन्न सात उच्च शिक्षा संस्थाहरू, माई सेकेन्ड टिचर नामक अन्तर्राष्ट्रिय शिक्षा प्रविधि प्लेटफर्म, इन्नोभेट टेकको रूपमा एक स्थापित आईटी कम्पनी र साइबर सुरक्षासम्बन्धी सेवा प्रदान गर्ने भैरव टेक्नोलोजिजलगायतका स्थापित व्यावसायिक संस्थाहरू आबद्ध छन् । जसले दक्षिणपूर्वी एसियाका विभिन्न देशमा शिक्षा प्रविधि क्षेत्रमा उल्लेख्य योगदान पुर्‍याउँदै आएका छन् ।

इन्नोभेट नेपाल ग्रुपका संस्थापक एवं अध्यक्ष सुलभ बुढाथोकी भन्छन्, 'आईटी र व्यवस्थापन दुवैतर्फ व्यावहारिक, व्यवसायलक्षित शिक्षामा जोड दिने संस्थाका रूपमा आईएनजी चिनिएको छ । हाम्रा संस्थाहरूले विशेष अध्ययन अनुभव प्रदान गर्दै आएका छन् । आईएनजी समूहका कुल १६०० कर्मचारीमध्ये ७० प्रतिशत हाम्रै पूर्वविद्यार्थी हुनुले पनि यहाँको व्यावहारिक र व्यवसायमैत्री शिक्षण पद्धतिबारे धेरै कुरा बोल्छ ।'

एपेक्स कलेजका निर्देशक सम्भव सिरोहिया भन्छन्, 'पछिल्ला दुई वर्षमा हामीले के महसुस गर्यौं भने एपेक्स र आईएनजीले नेपालमा मानव पुँजी विकास गर्ने समान उद्देश्य लिनुका साथै शैक्षिक विशिष्टता हासिल गर्ने र विद्यार्थीहरूलाई कक्षा कोठामा सीमित नराखी विविध प्लेटफर्महरू उपलब्ध गराउने साझा चाहना राखेका छन् ।' उनी थप्छन्, 'हाम्रा दुवै संस्थाहरूले विद्यार्थीहरूका पहल, कार्यक्रम र अतिरिक्त क्रियाकलापहरूलाई सक्रिय रूपमा हौसला प्रदान गर्दै आएका छन् । विद्यार्थीको क्षमता विकास र सफलताका लागि यो महत्त्वपूर्ण पाटो पनि हो ।'

उनका अनुसार, साझेदारीबाट एपेक्सका विद्यार्थीहरूले वास्तवमै अन्तर्राष्ट्रिय शिक्षण सिकाइ अभ्यास, उल्लासमय कलेज जीवन र विद्यार्थीको सन्तुष्टि प्राप्त हुने गरी विभिन्न अवसर, अनुभव र स्रोतहरूमा थप पहुँच प्राप्त गर्नेछन् ।

एपेक्स कलेजका अध्यक्ष डा मिनेन्द्र रिजालले 'एपेक्स र आईएनजी' साझेदारीले नेपालका शैक्षिक संस्थाका लागि कोसेढुङ्गाको काम गर्ने बताए । 'साझेदार दुइटै संस्थाले फरक प्रकृतिको र दुई दशकभन्दा बढीको उत्कृष्ट अनुभवसँगै आ-आफ्नो ख्यातिको प्रचुरता, असल अध्यापनका अभ्यासहरू, पूर्वविद्यार्थीहरूको बृहत् सञ्जाल, एकअर्काका परिपूरक पाठ्यक्रम, अद्यावधिक शिक्षण र सिकाइका साधनहरू, उत्कृष्ट प्राध्यापकहरू, प्रचुर साधनस्रोत, उद्योग र रोजगारदातासँगको उपयोगी सम्बन्धलाई एकसाथ ल्याएका छन्,' रिजालले भने ।

एपेक्स र आईएनजी दुवैले यो साझेदारीबाट दीर्घकालीन लाभ लिन सक्ने विश्वास पनि रिजालले व्यक्त गरे । एपेक्स कलेजको व्यवस्थापन समूहले यस साझेदारीसँगै संस्थामा आबद्ध विद्यार्थीहरूको सिकाइ र अनुभवमा उल्लेख्य सुधार हुनुका साथै १०० भन्दा बढी अध्यापक र कर्मचारीहरूले अझै ठूलो समूहको रूपमा अघि बढ्ने विश्वास व्यक्त गरेको छ । कलेजले नेपालकै उत्कृष्ट मानव पुँजी निर्माण गर्ने उद्देश्यलाई थप मजबुत बनाएको विश्वाससमेत व्यक्त गरेको छ ।

प्रकाशित मिति: शुक्रबार, कात्तिक ३, २०८० १४:४९

शिलापत्र संवाददाता

प्रतिक्रिया दिनुहोस्

भर्खरै

योगेश भट्टराईको टिप्पणी- सहकारी प्रकरणमा संसदीय छानबिन समितिको माग गरेर कांग्रेस फस्यो

कानुनमन्त्री गिरी भन्छन्- सरकार प्रतिपक्षी दलहरूलाई पेलेर अघि बढ्न चाहेको छैन

जलवायु परिवर्तन र हिमाल जोगाउने मुद्दालाई बिमस्टेकले गम्भीरतापूर्वक लेओस्: राष्ट्रपति पौडेल

पक्राउ पुर्जी जारी भएपछि सिराेहियाले भने– अनुसन्धानमा सघाउँछु, तर प्रतिशोध सहन्नँ

कांग्रेसले गर्‍यो वेल जाम, सभामुखको उस्तै काम

लोकप्रिय

छानबिन समिति बने गृहमन्त्रीबाट राजीनामा दिने तयारीमा रवि लामिछाने

'दल फुटाउने ओलीकाे षड्यन्त्रमा प्रचण्डकाे पनि संलग्नता देखियाे, विश्वासकाे मत लिने कुरामा सफा नियत छैन'

को हो गौशाला २६ ?

सन्दीपको मुद्दामा फैसला सुनाउनुअघि न्यायाधीशले सीसीटीभी फुटेज हेर्ने

रवि–गगन झगडामा झाँक्रीकाे इन्ट्री– आराेप प्रमाणित गर्न दिइन् चुनाैती

विचार

विश्वविद्यालय शिक्षाको गुणस्तरका सन्दर्भमा एमयूको नयाँ नेतृत्वको जिम्मेवारी

भारतीय विदेश नीतिका ६ रणनीतिक प्रवृत्ति

पत्रकारिता र विचारको लडाइँ

ब्लग

सम्पादक शिव डोटेललाई पत्र- साँच्चै ती दिन क्या दामी थिए है

रहस्यैरहस्यको चाङ नरवीर नेम्वाङ

गोसाइँकुण्ड यात्राले स्वस्थ छु, चुस्त छु भन्ने भ्रमबाट मुक्त गरायो

शिक्षा

ललितपुरको कुमारीपाटीमा राइटपाथले भोलि ‘ग्रान्ड एजुकेसन कन्क्लेभ’ गर्ने

बेनी नगरपालिकाले सुरु गर्‍यो ‘हामी सक्छौँ, हामी गर्छौं’ कार्यक्रम