यूएईविरुद्ध नेपाललाई चौथो सफलता, गुल्सनले फेरि लिए विकेट

विकेट लिएपछिको खुसी साट्दै नेपाली क्रिकेटर । तस्वीर: सुशील श्रेष्ठ/शिलापत्र

A+ A A-

त्रिकोणात्मक टी-२० सिरिजमा यूएईविरुद्ध नेपालले चौथो सफलता हात पारेको छ ।

मूलपानी क्रिकेट मैदानमा नेपालले ८.४ ओभरमा यूएईको चौथो विकेट लिएको हो । नेपालका लागि गुल्सन झाले चौथो विकेट दिलाएका हुन् ।

८.४ ओभरमा गुल्सनले आसिफ खानलाई पभिलियन फर्काएका हुन् । यसअघि नेपाललाई तेस्रो सफलता गुल्सनले नै दिलाएका थिए । गुल्सनले ६.१ ओभरमा यूएईका कप्तान मोहम्मद वासिमलाई पभिलियन फर्काएका थिए ।

नेपालका लागि दोस्रो विकेट करण केसी र पहिलो विकेट सोमपाल कामीले दिलाएका थिए करणले यूएईका अलिसान सराफु र सोमपालले पहिलो ओभरको अन्तिम बलमा खालिद शाहलाई पेभिलियन फर्काएका थिए ।

यूएईविरुद्धको खेलमा नेपाल श्याम ढकालले डेब्यु गरेका छन् । श्यामसँगै कप्तान रोहित पौडैल, आसिफ शेख, कुशल भुर्तेल, कुशल मल्ल, दीपेन्द्रसिंह ऐरी, सन्दिप जोरा, गुल्सन झा, सोमपाल कामी, करण केसी र अभिनाश बोहरा प्लेइङ ११ मा परेका छन् ।

नेपाल, यूएई र हङकङ सम्मिलित त्रिकोणात्मक टी-२० शृंखला १० कात्तिकसम्म चल्नेछ । नेपालले दोस्रो खेल २ कात्तिकमा हङकङसँग खेल्नेछ । तेस्रो खेल कात्तिक ४ गते नेपालले हङकङसँग नै खेल्नेछ ।

चौथो खेल भने नेपालले ६ कात्तिकका दिन यूएईसँग खेल्नेछ । क्यानका अनुसार खेल डबल राउन्ड रोबिन लिगका आधारमा हुनेछ । शीर्ष स्थानमा रहने दुई टिम १० कात्तिकमा उपाधिका लागि भिड्नेछन् ।

प्रकाशित मिति: बुधबार, कात्तिक १, २०८० १४:०१