चाडपर्वलाई लक्षित गर्दै लक्ष्मी सनराइज बैंकले ल्यायो विभिन्न प्रकारका अफर

चाडपर्वलाई लक्षित गर्दै लक्ष्मी सनराइज बैंकले ल्यायो विभिन्न प्रकारका अफर

A+ A A-

लक्ष्मी सनराइज बैंकले महान् चाड दसैँ तथा तिहारलाई लक्षित गरी विभिन्न अफरहरू ल्याएको छ । बैंकले १८ देखि कात्तिक ३० गतेसम्म लागू हुने गरी विभिन्न प्रकारका क्यासब्याक अफरहरू ल्याएको हो ।

बैंकका अनुसार ‘दसैँ आयो’ योजनाअन्तर्गत लक्ष्मी सनराइज बैंकको मोबाइल मनी, डेबिट कार्ड तथा क्रेडिट कार्ड प्रयोगमा विभिन्न प्रकारका क्यासब्याक प्राप्त गर्न सकिनेछ । परम्परागत रूपमा दसैँमा गरिने गतिविधिहरूलाई थप उत्साह प्रदान गर्न जस्तै; मिठो खान-पिन, भ्रमण, सपिङ तथा रमाइलोलाई ध्यानमा राखी सो योजना ल्याइएको हो ।

त्यसैगरी, 'घुम्न जाऊँला' योजनामा लक्ष्मी सनराइज बैंकको मोबाइल मनी प्रयोग गरी बस र हवाई टिकट खरिद गर्दा क्रमश: २५० र ५०० रुपैयाँको क्यासब्याक पाउन सकिनेछ । यो अफर असोज १८ देखि कात्तिक ९ गतेसम्म लागू हुनेछ भने क्यासब्याक प्राप्त गर्नका लागि मोबाइल मनीमार्फत टिकट काट्नुका साथै सो अवधिभित्र कुनै एक बिल भुक्तानी पनि गर्नुपर्नेछ ।

अर्को अफर 'सपिङ गरौँला' मा भाटभटेनी सुपरमार्केटमा सामान खरिद गरी क्रेडिट कार्डमार्फत भुक्तानी गर्दा १० प्रतिशत वा बढीमा १ हजार रुपैयाँसम्मको क्यासब्याक पाउन सकिनेछ । सो योजना असोज २७ गतेदेखि कात्तिक ३ गतेसम्म लागू रहनेछ ।

यसैगरी, ‘खाऊँला पिऊँला’ योजनामा असोज २८ गतेदेखि कात्तिक १२ गतेसम्म फुडमान्डु एपबाट अर्डर गरी लक्ष्मी सनराइज बैंकको डेबिट/ क्रेडिट कार्ड वा मोबाइल मनीबाट अनलाइन भुक्तानी गर्दा प्रतिदिन प्रतिव्यक्ति २० प्रतिशत वा बढीमा २०० रुपैयाँसम्म क्यासब्याक पाउन सकिनेछ । त्यसैगरी, यस अफरअन्तर्गत केएफसी तथा पिज्जा हटका कुनै पनि आउटलेटमा डेबिट कार्ड वा क्रेडिट कार्डको 'ट्याप एण्ड पे' फिचर प्रयोग गरी भुक्तानी गर्दा प्रतिदिन प्रतिव्यक्ति २० प्रतिशत वा बढीमा ५ सय रुपैयाँसम्म क्यासब्याक पाइनेछ ।

त्यसै गरी, 'रमाइलो गरौँला' अफरअन्तर्गत क्यूएफएक्स सिनेमा हलहरूमा टिकट खरिद गर्दा लक्ष्मी सनराइज बैंकको डेबिट/क्रेडिट कार्ड वा मोबाइल मनीमार्फत भुक्तानी गर्दा २५ प्रतिशत वा बढीमा ५ सय रुपैयाँसम्म एकपटक क्यासब्याक प्राप्त गर्न सकिनेछ । यो योजना कात्तिक महिनाभरि लागू हुनेछ ।

उल्लेखित क्यासब्याक अफरहरूबाहेक असोज २५ देखि कात्तिक २५ गतेसम्म विदेशबाट रेमिट्यान्स पठाउँदा ५०१ रुपैयाँ दक्षिणा प्राप्त गर्न सकिनेछ । यो योजना 'मेरो भूमि' रेमिट्यान्स खातावाला ग्राहकहरूका लागि ५० हजार रुपैयाँभन्दा बढी रेमिट्यान्स पठाउँदा मात्र मान्य हुनेछ । सबै योजनाहरूमा क्यासब्याक अफर सकिएपछि प्रदान गरिनेछ ।

लक्ष्मी सनराइज बैंकका सेवाग्राहीका लागि यो ‘दसैँ आयो’ योजना दसैँका विभिन्न खर्च तथा गतिविधिमा क्यासब्याकको लाभ लिई दसैँलाई अझ रमाइलो बनाउने सुनौलो अवसर रहेको बैंकको भनाइ छ ।

लक्ष्मी सनराइज बैंकका हाल देशभर रहेका २८४‌‍‌‌‌‍‌‍‍‍‍ वटा शाखाहरू तथा विभिन्न सञ्जालहरूमार्फत ग्राहकलाई बचत, कर्जा, रेमिट्यान्सजस्ता बैंकिङ सुविधाहरू उपलब्ध गराइरहेको छ ।

प्रकाशित मिति: बिहीबार, असोज २५, २०८० १३:०१