जेष्ट आइडियोलोजी बचत तथा ऋण सहकारीको वार्षिक साधारणसभा, वित्तीय सन्तुलन कायम गरेको दाबी

जेष्ट आइडियोलोजी बचत तथा ऋण सहकारीको वार्षिक साधारणसभा, वित्तीय सन्तुलन कायम गरेको दाबी

A+ A A-

न्यूरोडमा मुख्य कार्यालय रहेको जेष्ट आइडियोलोजी बचत तथा ऋण सहकारी संस्थाको १४औं वार्षिक साधारणसभा सम्पन भएको छ ।

संस्थाका अध्यक्ष हेमबहादुर कार्कीको अध्यक्षता र नेपाल चेम्बर अफ कमर्सका अध्यक्ष राजेन्द्र मल्लको प्रमुख आतिथ्यतामा सम्पन्न उक्त सभा आर्थिक वर्ष २०७९/८० को वार्षिक प्रतिवेदन प्रस्तुत गर्दै सम्पन्न भएको हो ।

सो अवसरमा अध्यक्ष कार्कीले संस्थाले सहकारी मूल्य, मान्यता र सिद्धान्तलाई आत्मसात् गर्दै पर्ल्स अनुगमन प्रणालीअनुसार वित्तीय कारोबारलाई अगाडि बढाएकाले आर्थिक मन्दीका बीच पनि संस्थाले वित्तीय सन्तुलन कायम गर्न सकेको बताए ।

अध्यक्ष कार्कीले सदस्यहरूलाई सहज वित्तीय सेवा प्रदान गर्ने उद्देश्यले संस्थाले मोबाइल बैकिङ, ई–ट्रेलर, मिसकल सेवा, क्यूआर भुक्तानी, फन्ड ट्रान्सफरजस्ता थुप्रै सुविधा प्रयोगमा ल्याएको जानकारी दिए ।

आर्थिक वर्ष २०७९/०८० को वित्तीय विवरणअनुसार संस्थाको जगेडा तथा अन्य कोषमा २० करोड ७२ लाख ५५ हजार रहेको अध्यक्ष कार्कीको भनाइ छ । उनले गत असार मसान्तसम्म शेयर पुँजी १० करोड १४ लाख ५० हजार, बचत संकलन १ अर्ब ११ करोड ९० लाख ७० हजार र ऋण लगानी १ अर्ब ६६ करोड २४ लाख ५३ हजार रुपैयाँ र बाह्य ऋण ३७ करोड २३ लाख ७६ हजार रहेको जानकारी दिए ।

२ करोड ७६ लाख ३७ हजार ७८२ रुपैयाँ करअघिको नाफा रहेको संस्थाको कुल सम्पत्ति १ अर्ब ९२ करोड ८१ लाख २३ हजार ७२० रुपैयाँ रहेको र जोखिम कोषमा ९ करोड ३१ लाख ५६ हजार रहेको अध्यक्ष कार्कीले बताए ।

अध्यक्ष कार्कीका अनुसार मैतिदेवी र काँडाघारीमा सेवा केन्द्र रहेको संस्थाका ५ हजार ८५५ सदस्य रहेको संस्थाले गत आर्थिक वर्षमा १ करोड ५१ लाख १४ हजार रुपैयाँ सरकारलाई राजस्व तिरेको छ ।त्यसैगरी, संस्थाले यस वर्ष रक्तदान, विज्ञ सदस्य सम्मान, जेष्ठ सदस्य सम्मान तथा नि:शुल्क स्वास्थ्य परीक्षणजस्ता सामाजिक कार्य गरेको छ । सभामा संस्थाको लेखा समिति प्रतिवेदन संयोजक मोहनबहादुर बुढाथोकीले प्रस्तुत गरेका थिए ।

कार्यक्रममा जिल्ला सहकारी संघ, राष्ट्रिय सहकारी बैंक, नेफस्कुन र विभिन्न संघसंस्थाका प्रतिनिधिहरूको उपस्थिति थियो ।

प्रकाशित मिति: मंगलबार, असोज २३, २०८० १८:५१