चक्रवर्ती ल कलेजमा लफडा: विश्वविद्यालयमा बुझाउन लागिएका परीक्षा फारम विद्यार्थी नेताले लगेकाे कलेज प्रशासनकाे आराेप

चक्रवर्ती ल कलेजमा लफडा: विश्वविद्यालयमा बुझाउन लागिएका परीक्षा फारम विद्यार्थी नेताले लगेकाे कलेज प्रशासनकाे आराेप

A+ A A-

काठमाडौंको बिजुलीबजारस्थित चक्रवर्ती हवी एजुकेसन एकेडेमी ल कलेजका विद्यार्थीका परीक्षा फारम एमालेनिकट अनेरास्ववियुले कब्जा गरेकाे आराेप लागेकाे छ ।

अनेरास्ववियुका अध्यक्ष समिक बडालको निर्देशनमा विद्यार्थी नेताहरूले कलेजमा तोडफोड गर्दै बीए एलएलबी प्रथम वर्षदेखि पाँचौँ वर्षसम्मका विद्यार्थीको परीक्षा फारम लगेकाे आराेप लागेकाे हाे ।

कलेजका प्रिन्सिपल देवेन्द्र भण्डारीले बडालकाे निर्देशनमा विश्वविद्यालय पठाउन लागिएका फारम लगेकाे बताएका छन् । शिलापत्रसँग कुरा गर्दै प्रिन्सिपल भण्डारीले भने, ‘समिक बडाल आफैँ आएर हाम्रो कलेजका विद्यार्थीका परीक्षाका भरिएका फारमहरू लगेका छन् । २४–२५ जना आएर गाडीमा हालेर लगेका हुन् । नरेश धामीले पहिलो वर्षदेखि नै कलेजमा शुल्क पनि नतिरेकाे र हाजिर पनि नहुने, उसैको पछि लागेर बडालले कलेजबाट फारमहरू लगेको हुन् । विद्यार्थीको जिम्मा उनीहरूलाई नै दिएको छु ।’

कलेजले पूर्वाञ्चाल विश्वविद्यालयलाई परीक्षा फारम असोज १८ गतेसम्म भरी पठाउनुपर्ने थियो । जसअनुसार कलेजले सबै तहका विद्यार्थीहरूको फारम भराइरहँदा १६ असोजमा कलेजबाट फारम लिएको प्रिन्सिपल भण्डारीकाे भनाइ छ ।

कलेजमा नै तास खेल्ने गरेपछि गालीगलौज गर्ने र अनुशासन नमानेपछि धामी, विश्व कार्कीलगायतलाई कलेजले असार ८ गतेबाट ६ महिनाका लागि निष्कासन गरेको भण्डारीले बताए । उक्त घटनापछि परीक्षा फारम लगिएकाे उनकाे दाबी छ ।

तर, विद्यार्थी भने उक्त आराेप स्वीकार गर्दैनन् । कलेजले मनमौजी शुल्क बढाउँदा आन्दोलन भएको र उक्त आन्दोलनमा आफ्नो खुट्टा भाँचिएको धामी बताउँछन् । उनले भने, ‘शुल्क बढाएपछि आन्दोलन भयो, आन्दोलनमा मेरो खुट्टा भाँचियो । पछि कलेजले उपचारमा लागेको खर्च तिर्ने भन्यो तर तिरेन । त्यसपछि दुई वर्षको शुल्क मैले तिरेको छैन । मलाई कलेजबाट निष्कासन गरेको छ ।’

धामीकाे भनाइमा चाहिँ चक्रवर्ती कलेजको शेयरमा बाबुछोराबीच समस्या आएकाे हाे । धामीले भने, ‘बाबुछोराको लडाइँले कलेजमा पढाइ नहुने अनि पूर्वाञ्चन विश्वविद्यालयले तोकेको कोटाभन्दा दोब्बर विद्यार्थी भर्ना गरी शुल्क मनोमानी रूपले उठाउँदा समस्या भएको हो ।’

उनका अनुसार, सय जनाको कोटा विश्वविद्यालयले दिएकोमा तर कलेजले २५० जना विद्यार्थी भर्ना गरेको छ । कलेजमा भएका बेथितिका बारेमा कुरा उठाउँदा नचाहिँदो आरोप लगाउने गरिएको छ ।

विश्वविद्यालयले ताेकेकाे काेटाभन्दा धेरै विद्यार्थी भर्ना गरेका कारण सधैँ विवाद भइरहेकाे हुन्छ । अनेरास्ववियुका अध्यक्ष समिक बडालले परीक्षा फारम नलिएकाे दाबी गरे । साथै, उनी विद्यार्थी काेटाकै विषयमा विश्वविद्यालय र कलेजबीच विवाद भइरहेको बताउँछन् । बडालले भने, ‘सय जनाको कोटामा ३७७ जना विद्यार्थी भर्ना गरिएको छ । ६ लाख शुल्क लिनुपर्नेमा ९ लाख लिइएको छ । अनि उसको कलेजको फारम मैले किन लिनु ? उसले के गर्छ मलाई केही थाहा छैन ।’

कलेजका सबै तहका करिब ४ सयभन्दा बढी विद्यार्थीले परीक्षा शुल्क बुझाई फारम भरेका थिए तर अनेरास्ववियुका विद्यार्थीले परीक्षा फारम लगेकाे दाबी प्रिन्सिपल भण्डारीकाे छ । उनले भने, ‘५ सयभन्दा बढीले फारम भरिसकेका थिए । अन्यले पनि फारम बुझाउँदै थिए । समिक बडालको निर्देशन र नेतृत्वमा परिक्षा फारम सबै लुटेर गाडीमा हालेर लगेका छन् ।’

धामीले कलेजमा प्रवेश गरेर प्रशासन विभागमा गई अभद्र व्यवहार गरेको आरोप कलेजले लगाएको छ भने धामी आफू साथीकाे फारम बुझाउन गएको तर बुझ्न नमानेपछि विवाद भएकाे बताउँछन् ।

कलेजले भरेका परीक्षा फारम कता छन् भनेर सोध्दा धामी आफूहरूलाई फारमका बारेमा केही जानकारी नभएको बताउँछन् । उनले भने, ‘हामीले परीक्षा फारम लगेका छैनौँ । प्रिन्सिपलले त्यत्तिकै आरोप लगाएका हुन् । त्यो उनले नै जानून् ।’ तर सार्वजनिक भएकाे कलेजकाे सीसीटीभीमा भने एक हुल विद्यार्थी फाइल बोकेर कलेजबाट बाहिर निस्केको प्रस्टै देखिन्छ ।

भिडियोमा एक हुलले गेटमा लात्ती हान्दै जबर्जस्ती गेट खोल्न थालेका छन् । उक्त भिडियाेमा भएका व्यक्ति आफूहरू नभएको धामी बताउँछन् । संगठनको नाममा असभ्य हर्कत गरेर अनुशासन नमानेको भण्डारीको दाबी छ । उनी भन्छन्, ‘तपाईंहरू नै हेर्नुस् न भिडियोमा गरेका हर्कतहरू, गेट तोडेको, परीक्षा फारम लुटेर लगेको स्पष्टै देखिन्छ । यसमा मैले केही भनिरनै पर्दैन, भिडियोले नै बताउँछ ।’

प्रकाशित मिति: मंगलबार, असोज २३, २०८० १७:२३

शिलापत्र संवाददाता

प्रतिक्रिया दिनुहोस्

भर्खरै

पत्रकार महासंघले भन्याे– सिराेहियाकाे गिरफ्तारी प्रतिशाेधपूर्ण

कैलाश सिराेहिया पक्राउ पर्दा जे देखियाे (तस्वीरहरू)

प्रलोभनमा पारेर हिंसा हुने गरेको छ, हिंसा शून्य पार्ने गरी काम गर्नुस् : मन्त्री चौधरी

कान्तिपुर मिडिया ग्रुपका अध्यक्ष कैलाश सिरोहिया पक्राउ, जनकपुर लगिँदै

शिक्षामन्त्री सुमनाको खातामा डेढ करोड रुपैयाँ, विदेशी श्रीमान्‌को बैंक खातामा डलरै-डलर

लोकप्रिय

छानबिन समिति बने गृहमन्त्रीबाट राजीनामा दिने तयारीमा रवि लामिछाने

'दल फुटाउने ओलीकाे षड्यन्त्रमा प्रचण्डकाे पनि संलग्नता देखियाे, विश्वासकाे मत लिने कुरामा सफा नियत छैन'

को हो गौशाला २६ ?

सन्दीपको मुद्दामा फैसला सुनाउनुअघि न्यायाधीशले सीसीटीभी फुटेज हेर्ने

रवि–गगन झगडामा झाँक्रीकाे इन्ट्री– आराेप प्रमाणित गर्न दिइन् चुनाैती

विचार

विश्वविद्यालय शिक्षाको गुणस्तरका सन्दर्भमा एमयूको नयाँ नेतृत्वको जिम्मेवारी

भारतीय विदेश नीतिका ६ रणनीतिक प्रवृत्ति

पत्रकारिता र विचारको लडाइँ

ब्लग

सम्पादक शिव डोटेललाई पत्र- साँच्चै ती दिन क्या दामी थिए है

रहस्यैरहस्यको चाङ नरवीर नेम्वाङ

गोसाइँकुण्ड यात्राले स्वस्थ छु, चुस्त छु भन्ने भ्रमबाट मुक्त गरायो

शिक्षा

ललितपुरको कुमारीपाटीमा राइटपाथले भोलि ‘ग्रान्ड एजुकेसन कन्क्लेभ’ गर्ने

बेनी नगरपालिकाले सुरु गर्‍यो ‘हामी सक्छौँ, हामी गर्छौं’ कार्यक्रम