सामसुङले ल्यायो चाडपर्व योजना, टेलिभिजन र होम अप्लायन्समा ४१ प्रतिशतसम्म छुट, ईएमआईको पनि व्यवस्था

सामसुङले ल्यायो चाडपर्व योजना, टेलिभिजन र होम अप्लायन्समा ४१ प्रतिशतसम्म छुट, ईएमआईको पनि व्यवस्था

A+ A A-

सामसुङ नेपालले नजिकिँदै गरेका चाडपर्वहरू दसैँ तथा तिहारलाई लक्षित गर्दै 'रमाइलो दसैँतिहार, मायाले भरौँ घरपरिवार' शीर्षकको नयाँ चाडपर्व योजना घोषणा गरेको छ । उक्त योजनाअन्तर्गत टेलिभिजन सेट र होम अप्लायन्सहरूको खरिदमा ग्राहकहरूले ४१ प्रतिशतसम्म छुट पाउने कम्पनीले जनाएको छ ।

यो अफरले सामसुङको टीभी, रेफ्रिजेरेटर र वासिङ मेसिनको आकर्षक रेन्जलाई समावेश गरेको छ, जसमा उत्तिकै आकर्षक क्यास ब्याक अफरका साथ सामसुङका नयाँ लन्चहरू पनि उपलब्ध रहेको कम्पनीले जनाएको छ । विश्वचर्चित ब्रान्ड सामसुङले नयाँ सी–सिरिज लाइन–अपहरू पनि उत्तिकै आकर्षक अफरका साथ खरिद गर्न सक्ने जनाएको छ । ग्राहकहरूले यस योजनाअन्तर्गत कुनै पनि सामसुङको नयाँ टीभी खरिद गर्दा ३ वर्षको वारेन्टीसमेत पाउनेछन् ।

त्यसैगरी, ग्राहकहरूले सामसुङका कुनै पनि नयाँ टीभीसँग टी४००, बी४५०, ए४५०, टी४२० र एमएक्स–टी५०लगायत जुनसुकै साउण्डबारको खरिद गर्दा बन्डल छुट पाउनेछन् । ग्राहकहरूले सामसुङको नवीनतम टीभी नियो क्यूएलईडी टीभी खरिद गर्दा ४१ हजार ६ सय ९० रुपैयाँबराबरको बी४५० साउण्डबार सित्तैँमा पाउने कम्पनीले जनाएको छ ।

त्यस्तै, एआई इकोबबलको फ्रन्ट–लोड र टप–लोडका वासिङ मेसिनहरू पनि आकर्षक अफरका साथ खरिद गरेर यसको इन्टेलिजेन्ट वास र पावरफुल क्लिनको कमाल ग्राहकहरूले आफ्नै आँखाले देख्न सक्नेछन् । कम्पनीले फ्रिजको डीआईटी कम्प्रेसर र वासिङ मेसिनको डीआईटी मोटरमा २० वर्षको वारेन्टी प्रदान गरेको छ ।

त्यस्तै, सामसुङले यो अफरअन्तर्गत झन्झटरहित शून्य प्रतिशत ब्याजदरमा ईएमआईको व्यवस्था र फ्रि इन्सटलेसनजस्ता सुविधा पनि प्रदान गरेको छ । साथै, ग्राहकहरूले सामसुङ प्लाजा गई कुनै पनि उत्पादनहरूमा अपग्रेड गर्दा बेस्ट भ्यालुएसन् अन एक्सचेन्ज सेवाको पनि फाइदा उठाउन सक्ने बताइएको छ । यो अफर आगामी मंसिर ४ गतेसम्म मात्र लागू गरिएको कम्पनीले जानकारी गराएको छ ।