आरुष, ब्रबिम, सायुरी र अक्क्षयनी बने ‘किड्डी फेस अफ द इयर इन्टरनेसनल २०२३’ का विजेता

आरुष, ब्रबिम, सायुरी र अक्क्षयनी बने ‘किड्डी फेस अफ द इयर इन्टरनेसनल २०२३’ का विजेता

A+ A A-

रेडियन्ट इभेन्ट म्यानेजमेन्ट एजेन्सीले सातौँ संस्करणअन्तर्गत आयोजना गरेको ‘किड्डी फेस अफ द इयर इन्टरनेसनल २०२३’ का विजेताहरूको घोषणा गरेको छ । शनिबार साँझ काठमाडौं राष्ट्रिय नाचघरमा सम्पन्न सिनियर र जुनियरअन्तर्गत केटा र केटी गरी चार विजेता चुनिएका छन् ।

चार विजेतामा आरुष भट्टराई, ब्रबिम बराल, सायुरी कँडेल र अक्क्षयनी दाहाल घोषित भएका छन् ।

प्रतियोगितामा सिनियर केटातर्फ आरुष भट्टराई र जुनियर केटातर्फ ब्रबिम बराल विजेता बने भने सिनियर केटीतर्फ अक्क्षयनी दाहाल र जुनियर केटीतर्फ सायुरी कँडेलले उपाधि प्राप्त गर्न सफल भए ।

त्यस्तै, प्रतियोगितामा जुनियर केटातर्फ सम्भव जैन फस्ट रनर अप, आर्देन सुवेदी सेकेन्ड रनर अप, सिनियर केटातर्फ भियोम गोयल फस्ट रनर अप र आरजय कोइराला सेकेन्ड रनर अप बन्न सफल भए ।

त्यसैगरी, प्रतियोगितामा सिनियर केटीतर्फ सावलिन महर्जन फस्ट रनर अप र दृष्टि शाह सेकेन्ड रनर अप बने भने जुनियर केटीतर्फ सदीक्षा जीसी फस्ट रनर अप र राधिका गोयल सेकेन्ड रनर अपको उपाधि प्राप्त गर्न सफल भए ।

Kids face of the year- 21696231608.jpg

विजेताहरूले अन्तर्राष्ट्रिय सौन्दर्य प्रतियोगितामा सहभागी हुने अवसर र दावा एचएमसी नेपाल प्रालिको तर्फबाट गिफ्ट ह्याम्पर प्राप्त गरेका छन् । दावा टेक्नोलोजी एचएमसी नेपाल प्रालिको मुख्य प्रायोजन रहेको प्रतियोगिताको फाइनल प्रतिस्पर्धामा माछापुच्छ्रे स्कुलका प्रिन्सिपल तथा एकेडेमिक निर्देशक सम्पूर्ण देवापाटे, सञ्चारककर्मी लव कार्की, अर्थ मन्त्रालयका अफिसर पुनम भट्ट, अभिनेता मुकुन भुसाल, मातृभूमि स्कुलका कोअर्डिनेटर जयराम अधिकारी, टिम नेपालका अध्यक्ष प्रदीप वज्राचार्यलगायत निर्णायकमण्डलमा रहेका थिए । हेयर एण्ड मेकअप पार्टनरको रूपमा मञ्जु मेकअप स्टुडियो रहेको थियो ।

Kids face of the year- 31696231631.jpg

विद्यालयमा अध्ययनरत ७ देखि १३ वर्षसम्मका बालबालिकाको सहभागिता रहेको प्रतियोगितामा डान्स कोरियोग्राफर संयुक्त स्थापित, कोरियोग्राफी अन्तर्राष्ट्रिय फेसन कोच राज फैजु, ड्रेस डिजाइन श्रीषा बैदारले गरेका थिए । विजेता घोषणा कार्यक्रममा चलचित्र कलाकार संघका निवर्तमान अध्यक्ष रवीन्द्र खड्का, चलचित्र सेन्सर बोर्डका पूर्वसदस्य राजेश महर्जनलगायत चलचित्रकर्मीहरूको पनि कार्यक्रममा उपस्थिति थियो ।

प्रकाशित मिति: सोमबार, असोज १५, २०८० १४:२०