सूर्यज्योति लाइफ इन्स्योरेन्सको पहिलो कर्पोरेट मिट २०८० सम्पन्न

सूर्यज्योति लाइफ इन्स्योरेन्स कम्पनीले आफ्नो प्रधान कार्यालयमा कार्यरत कर्मचारीहरूको व्यक्तित्व विकास र उत्प्रेरणालाई मध्यनजर गर्दै धुलिखेलको होटल सारथीमा कर्पोरेट मिट २०८० सम्पन्न गरेको छ ।

कार्यक्रममा कम्पनीका सञ्चालकद्वय नन्दकिशोर शर्मा र हेमन्त नहाटा, कम्पनीका प्रमुख कार्यकारी अधिकृत प्रकाशविक्रम खत्री, वरिष्ठ नायब प्रमुख कार्यकारी अधिकृत पवनकुमार खड्कालगायत सम्पूर्ण कर्मचारीहरूको सहभागिता रहेको थियो ।

उक्त दुई दिने कार्यक्रमको पहिलो दिन कम्पनीका प्रमुख कार्यकारी अधिकृत प्रकाशविक्रम खत्रीले कम्पनीको आगामी योजनासम्बन्धी जानकारी गराउँदै यस वर्षको मूल रणनीति ‘गुड टु ग्रेट’ विषयमा प्रस्ट पार्दै सम्पूर्ण सहभागीहरूलाई विस्तृत रूपमा सबै कर्मचारीहरूले आफ्नो सोच, कार्यशैली, ग्राहकलाई पस्किने सेवा र सुशासनमा ल्याउनुपर्ने परिवर्तनसम्बन्धी मार्गनिर्देश गरेका थिए ।

कार्यक्रमको दोस्रो दिन मोटिभेसनल स्पिकर बीके रमण नेपालीले सम्पूर्ण सहभागीहरूलाई अन्तर्क्रियात्मक खेलहरूमार्फत व्यक्तित्व विकाससम्बन्धी तालिम दिएका थिए ।

प्रमुख कार्यकारी अधिकृत खत्रीले सूर्या लाइफ र ज्योति लाइफको ऐतिहासिक सफल मर्जरपश्चात् कम्पनी हरेक सूचकहरूमा अब्बल हुँदै आइरहेको बताउँदै कम्पनीको दूरगामी लक्ष्य प्राप्तिका लागि आफू कटिबद्ध रहेको, साथै बीमितको सहज सेवा सुविधालाई अझै चुस्त दुरुस्त बनाउनका लागि आवश्यक कार्यविधिमा तगारुकताका साथ परिमार्जित गर्दै लैजाने पनि जानकारी गराए ।

Suryajyoti life insurance-11696146584.jpg

साथै, कम्पनीका सञ्चालक नन्दकिशोर शर्माले कर्मचारीहरूको व्यक्तित्व विकास र हितका लागि सदैव सञ्चालक समितिको साथ रहेको र कम्पनीले संस्थागत सुशासनमा जोड दिँदै जाने र नियामक निकाय बीमा प्राधिकरणबाट जारी भएका नीतिनियमहरू अनिवार्य पालना गर्नुपर्नेमा ध्यानाकर्षण गराए ।

कार्यक्रममा सहभागी कर्मचारीहरूले दैनिक कार्यतालिकाबाट बाहिर निस्केर यस प्रकारको कार्यक्रममा सहभागी हुन पाउँदा उत्साहित बनेको र आफूलाई थप जोसजाँगर तथा आत्मविश्वास बढेको बताए ।

प्रकाशित मिति: आइतबार, असोज १४, २०८० १३:३९