अभिनाशले ६ विकेट चट्काएपछि माल्दिभ्सविरुद्ध पनि नेपालकाे विशाल जित

A+ A A-

चीनमा जारी १९औँ एसियाली खेलकुद अन्तर्गत क्रिकेट खेलकाे आफ्नाे दाेस्राे खेलमा पनि नेपालले विशाल जित निकालेकाे छ । नेपालले माल्दिभ्सलाई १ सय ३८ रनकाे फराकिलाे हार चखाएकाे हाे । याेसँगै नेपाल एसियाली खेलकुद अन्तर्गत पुरुष क्रिकेटको क्वाटरफाइनलमा प्रवेश गरेकाे छ । २ सय १३ रनकाे लक्ष्य पछ्याएकाे माल्दिभ्स १९.४ ओभरमा ७४ रन बनाएर अलआउट भयाे ।

खेलमा नेपालका अभिनाश बाेहाेरा हिराे बने । उनले ६ विकेट लिए । अविनाशले ३.४ ओभरमा मात्र ११ रन खर्चे ।यसैगरी गुल्सन झा, साेमपाल कामी, सन्दीप लामिछाने र कुशल भुर्तेलले समान एक/एक विकेट लिए । नेपालका बलरले १० ओभर नसकिँदै माल्दिभ्सका ६ खेलाडीलाई पेभेलियन फर्काएका थिए ।

यसअघि टस जितेर पहिले ब्याटिङ गरेकाे नेपालले निर्धारित २० ओभरमा ७ विकेट गुमाउँदै २ सय १२ रनकाे याेगफल खडा गरेकाे थियाे । नेपालका लागि कप्तान राेहितकुमार पाैडेलले अर्धशतक प्रहार गरे । २७ बलकाे सामना गरेका उनले ३ चाैका र ३ छक्काकाे मद्दतले ५२ रन बनाए ।

हार्डहिटर कुशल मल्लले आज पनि शानदार ब्याटिङ गरे । मात्र २० बलमा ४७ रन जाेडेका उनी अर्धशतक जाेड्न चुकेर नटआउट रहे । गुल्सन झाले २१ बलमा ३५ र कुशल भुर्तेलले १८ बलमा ३५ रन जाेडेर टिमलाई सम्हाले ।

विनाेद भण्डारीले १५ बलमा १३ रन बनाए । अरु ब्याटरले दाेहाेराे अंकमा रन छुन सकेनन् । पहिलाे बलमा छक्का हिर्काएका दीपेन्द्र दाेस्राे बलमा आउट भएका थिए ।

माल्दिभ्सका नाजवान इस्माइलले सर्वाधिक तीन विकेट लिए । नसीर नैल इस्माइल, मोहम्मद मिउवान र थोलाल मोहम्मद रायले समान एक/एक विकेट लिए । पहिलाे खेलमा नेपालले मंगाेलियालाई २ सय ७३ रनकाे विशाल अन्तरले हराउँदै कीर्तिमानी जित निकालेकाे थियाे । नेपालले अब क्वाटरफाइनलमा भारत, श्रीलंका, पाकिस्तान, बंगलादेश र अफगानिस्तानमध्ये एक टिमसँग खेल्नेछ ।

प्रकाशित मिति: आइतबार, असोज १४, २०८० ०९:५७