डब्लूडब्लूईमा किन देखिन छाेडे १४ पल्टका च्याम्पियन रेन्डी ?

A+ A A-

वर्ल्ड रेस्लिङ इन्टरटेन्मेन्ट (डब्लूडब्लूई)का पूर्वविजेता रेन्डी अर्टन हालै मात्र एक भिडियोमा 'पर्फर्मेन्स सेन्टर'काे बाहिर देखिए । यसपछि उनी डब्लुडब्लूईमा फर्किन लागेको चर्चा सुरु भयो ।

तर, डब्लूडब्लूईले रेन्डीका फ्यान्सका लागि खासै सुखद खबर ल्याएकाे छैन । खासमा रेन्डी एक वर्षभन्दा लामो समयदेखि डब्लूडब्लूईकाे रिङभन्दा बाहिर छन् । तत्काल उनी रिङभित्र देखिने कुनै सम्भावना पनि नरहेकाे डब्लूडब्लूईले जनाएकाे छ ।

रेन्डीले आफ्नो अन्तिम म्याच मे २०२२ मा स्माकडाउनमा मेट रिडल (आरके–ब्रो) सँग द उसोजविरुद्ध ट्याग टिम च्याप्यिनसिप युनिफिकेसनका लागि लडेका थिए । म्याचमा आरके–ब्रोले अक्सर हार्छन् । त्यसपछि रेन्डीको ढाडमा गम्भीर चोट लागेको थियो । यही कारण अहिलेसम्म उनी डब्लूडब्लुईमा नदेखिएका हुन् ।

एक रिपोर्टअनुसार, रेन्डी केही समययता पर्फर्मेन्स सेन्टरमा आइरहेकाचाहिँ छन् । ढाडकाे शल्यक्रिया गराएका उनको स्वास्थ्य अहिले निकै चुस्त भइसकेको छ ।

रेन्डी १४ पल्टका पूर्वविश्वविजेता हुन् । गत वर्ष उनी र मेट रिडलको जोडीलाई धेरैले रुचाएका थिए । केही समयअघिसम्म मेट पूर्व डब्लूडब्लू च्याम्पियन ड्रु मेकइन्टायरसँग ट्याग टिम रूपमा देखिइरहेका थिए तर अहिले उनी पनि डब्लूडब्लूई प्रोग्रामिङबाट टाढा गएका छन् ।

रेन्डी र ड्रु मेकइन्टायरबीच सन् २०२० मा दुश्मनी देखियो । यस क्रममा दुवै धेरैपल्ट आपसमा भिडे । समरस्लाम, क्लास अफ च्याम्पियन्स र रअको एपिसोडमा ड्रुले आर्टनलाई र हेल इन अ सेल २०२० मा वाइपरले स्कटिस वारियरलाई हराएका थिए । स्टोन कोल्ड स्टिभ अस्टिनको ब्रोकन स्कुल सेसन्स पोडकास्टमा रेन्डीले ड्रुसँग लड्न नचाहेको बताएका थिए । यद्यपि, पछि उनले आफ्नो मन परिवर्तन गरेका थिए ।

प्रकाशित मिति: शनिबार, असोज ६, २०८० ०६:१५