सामसुङको 'सामसुङ मोबाइल च्याप्पै, स्कुटर झ्याप्पै' अफर, २५ दिनमा २५ जनाले टीभीएस एनटर्क पाउने

सामसुङको 'सामसुङ मोबाइल च्याप्पै, स्कुटर झ्याप्पै' अफर, २५ दिनमा २५ जनाले टीभीएस एनटर्क पाउने

A+ A A-

सामसुङ नेपालले आउँदै गरेको महान् चाड दसैँलाई लक्षित गर्दै 'सामसुङ मोबाइल च्याप्पै, स्कुटर झ्याप्पै' नामको उपहार योजना घोषणा गरेको छ । उक्त योजनामा २५ दिनमा २५ जनाले नै २ लाख ३३ हजार ९ सय रुपैयाँ मूल्य पर्ने टीभीएस एनटर्क १२५ जित्ने अवसर पाउने कम्पनीले जनाएको छ ।

कम्पनीका अनुसार कुनै पनि सामसुङ मोबाइल वा ट्याब्लेट खरिद गर्ने ग्राहकले त्यो उपकरण मात्र होइन, हरेक दिन उपहारस्वरुप टीभीएस एनटर्क १२५ सीसी जित्ने अवसरसमेत पाउनेछन् । २५ दिनसम्म सञ्चालन हुने यो योजनामा २५ जना विजेताहरूले स्कुटर उपहार प्राप्त गर्नेछन् ।

यस योजनामा सामसुङ स्मार्टफोन र सामसुङ ट्याब्लेट किन्ने ग्राहकहरू सहभागी बन्न सक्ने र शनिबारबाहेक हरेक दिन एउटा टीभीएस एनटर्कको विजेता बन्न सक्ने समासुङ नेपालले जनाएको छ । शनिबारको दिन प्रवर्द्धन योजनामा सहभागी हुने ग्राहकहरूको नाम आइतबार गरिने लक्की ड्रमा सामेल गरिने बताइएको छ ।

यो योजना यही असोज ५ गतेदेखि २०८० कात्तिक ३ गतेसम्म सञ्चालन हुने भए पनि असोज २ गतेदेखि नै यस योजनामा सहभागी बन्न सकिने र असोज २ देखि असोज ५ गतेसम्म प्राप्त भएका इन्ट्रीहरूलाई असोज ५ गते हुने लक्की ड्रमा समावेश गरिने बताइएको छ । लक्की ड्र सातामा दुईपटक इमेज च्यानलको म्युजिक अफ योर च्वाइस कार्यक्रममा प्रस्तुत गरिनेछ ।

'सामसुङ मोबाइल च्याप्पै, स्कुटर झ्याप्पै' योजनामा सहभागी हुन सामसुङ स्मार्टफोन वा ट्याब्लेट खरिद गर्नुर्नेछ । नयाँ खरिद गरिएको उपकरणको सिरियल नम्बर प्राप्त गर्न *#06# डायल गर्नुपर्नेछ । अनि SAMSUNG नम्बर टाइप गरेर ३१००१ मा एसएमएस गर्नुपर्नेछ ।

इन्ट्रीको पुष्टि तुरुन्तै पाइनेछ र परिणामको प्रतीक्षामा बस्नुपर्नेछ । विजेताहरूको घोषणा इमेज च्यानलमार्फत लाइभ लक्की ड्रमा गरिनेछ । यसको परिणाम भोलिपल्ट सामसुङको अफिसियल फेसबुक पेजमा पनि पोस्ट गरिनेछ ।

यति मात्र होइन, सामसुङले अर्को एक आकर्षक अफर पनि ल्याएको छ । सामसुङका स्मार्टफोन वा ट्याब्लेट खरिद गर्दा सुविधाजनक इन्स्टा फाइनान्स सुविधा पनि ल्याएको छ । यो सुविधा लिँदा मासिक किस्ता शून्य ब्याजदरमा पाइन्छ । देशभरमा रहेका ३०० भन्दा बढी सामसुङ इन्स्टा फाइनान्स सुविधा रहेका आउटलेटका साथै २२ वटा सामसुङ एक्सपिरिएन्स स्टोरहरूबाट सजिलैसँग इन्स्टा फाइनान्स सुविधा लिन सकिने सामसुङले जनाएको छ ।

प्रकाशित मिति: मंगलबार, असोज २, २०८० १६:४७