ट्रेक ट्रिक्स २०२३ प्रतियोगिता सम्पन्न, विजेताहरूले पाए १ लाख ८५ हजार नगद पुरस्कार

ट्रेक ट्रिक्स २०२३ प्रतियोगिता सम्पन्न, विजेताहरूले पाए १ लाख ८५ हजार नगद पुरस्कार

A+ A A-

शान्तिनगरस्थित न्यु समिट कलेज र ट्रेक ट्रिक्स नेपालद्वारा आयोजित ट्रेक ट्रिक्स २०२३ प्रतियोगिता सम्पन्न भएको छ । प्रतियोगितामा विभिन्न विधाका विजेतालाई नगद पुरस्कार तथा प्रमाणपत्र वितरण गरियो । प्रमुख अतिथि प्रा.डा. अर्यालले १ लाख ८५ हजार नगद पुरस्कार र प्रमाणपत्र विजेताहरूलाई वितरण गरे ।

प्रतियोगितामा आईटी क्विजमा सेन्ट लरेन्स कलेजले प्रथम स्थान हासिल गरेको थियो भने द्वितीय स्थान क्याथफोर्ड कलेजले प्राप्त गर्‍यो । त्यस्तै, क्लास रायली सञ्जय गौतमले जितेका थिए भने सुजन गौतम दोस्रो भएका थिए । पब्जीको विजेता भने केएफए कलेजका शुभम चित्रकारको समूह भएको थियो ।

सुनील गिरीको टिम हाइपी उपविजेता बन्दा टप फ्रागरको उपाधि विशेष खड्कालाई गएको थियो । फिफा २३ विजेता जगदिज पाण्डे भएका थिए भने उपविजेताको उपाधि समिर गुरुङले पाए ।

कार्यक्रम आगामी वर्ष चौथो संस्करण आयोजना गर्ने प्रतिबद्धताका साथ समापन भएको हो । कलेजका प्रिन्सिपल चोकराज दवाडीको सभापतित्वमा भएको सो कार्यक्रममा स्वागत मन्तव्य कलेजका सञ्चालक समिति अध्यक्ष अजयप्रसाद ढकालले राखेका थिए । समारोहमा त्रिवि आईओएसटीका डिन प्रा.डा. विनिल अर्याल प्रमुख अतिथिका रुपमा आमन्त्रित थिए ।

प्रा.डा. विनिल अर्यालले भने, ‘आईटी शिक्षामा विद्यार्थीहरूलाई आफूसँग भएको अन्तरनिहित क्षमता प्रस्फुटन गर्न चाहिने एथेष्ट अवसर यस कार्यक्रमले दिएको र आगामीविश्व आईटी शिक्षा र आईटीविज्ञले गर्नेमा दुई मत नभएको कुरा तपाईंहरूमाझ राख्न चाहन्छु ।’

PUBG (1)1695031318.jpeg

तीनदिवसीय प्रतियोगिताको मुख्य आकर्षण ह्याकाथन सेन्टजेभियर्स कलेजले जितेको थियो भने उपविजेताको उपाधि सगरमाथा कलेज र तेस्रो स्थान न्यु समिट कलेजलाई गएको थियो । विज्ञ परामर्शदाताको प्रत्यक्ष निगरानी र परामर्शमा ३० घण्टा अवधिमा बनाइएको परियोजनालाई निर्णायकको भूमिकामा रहेका विभिन्न विषयविज्ञ विश्वकाजी श्रेष्ठ, रोशन खत्री, अभिषेक कोइराला, ईआर प्रविन चौहानको निर्णयका आधारमा विजेता घोषणा गरिको थियो ।

कार्यक्रमलाई मुख्य प्रायोजन गर्ने नेपाल टेलिकम, आइडिया स्टुडियो र भर्टिगोलगायत सम्पूर्ण प्रायोजक तथा प्रत्यक्ष परोक्ष रूपमा कार्यक्रम सफल बनाउन सहयोग गर्नुहुने सबैलाई धन्यवाद दिँदै कलेजका प्रिन्सिपल चोकराज दवाडीले कार्यक्रम समापन गरेका हुन् ।

प्रकाशित मिति: सोमबार, असोज १, २०८० १९:१९