नाडा अटो शो २०२३ मा ५ सयभन्दा धेरै टाटा टियागो ईभीको बुकिङ

A+ A A-

नेपालका लागि टाटा मोटर्सको एक मात्र आधिकारिक वितरक सिप्रदी ट्रेडिङ प्रालिले यही भदौ २६ गतेबाट ३१ गतेसम्म भृकुटीमण्डपस्थित प्रदर्शनीस्थलमा आयोजना भएको १५औँ संस्करणको नाडा अटो शो २०२३ मा सार्वजनिक गरेको टाटा टियागो ईभी, टाटा नेक्सन ईभी एक्स जेड प्लस र टाटा पन्चले उत्कृष्ट प्रदर्शन गरेका छन् ।

विशेषतः सुरुवाती मूल्य २१.९९ लाखमा नेपाली बजारमा सार्वजनिक गरिएको टियागो ईभीको अटो शोको ६ दिनमा ५०० भन्दा धेरै बुकिङ भएको कम्पनीले जनाएको छ । साथै, नाडा अटो शोमा नै लन्च गरिएको टाटा नेक्सन ईभी एक्स जेड प्लस र टाटा पन्चको बुकिङ पनि उल्लेखनीय छ ।

सिप्रदीका प्यासेन्जर भेहिकल बिजनेस युनिटका प्रमुख सावन्त जंग सिजापति भन्छन्, 'नाडा अटो शोमा जुन प्रकारको उत्साह सर्वसाधारण अटोपारखीले टाटा मोटर्सका गाडीहरूमा देखाउनुभयो, त्यसले हामीमा थप ऊर्जा थपिदिनुभएको छ । साथै, जुन हिसाबले टाटा मोटर्सका गाडीहरूप्रति चासो मात्र नभएर बुकिङ पनि गरिदिनुभएको छ, त्यसले हामीले नेपाली जनताको चाहनाअनुसारका गाडीहरू ल्याउन सफल भएको महसुस गरेका छौँ र भविष्यमा पनि बजारको मागअनुसारका गाडीहरू नेपालमा भित्र्याउने दृढ़ संकल्प लिएका छौँ । नाडा अटो शो २०२३ मा टाटा मोटर्सको स्टलमा आएर हाम्रो आत्मविश्वास बढाइदिनुभएकोमा सम्पूर्ण ग्राहकवर्ग, मिडियाकर्मी र आयोजक सबैलाई विशेष धन्यवाद दिन चाहन्छौँ ।'

टाटाका गाडीहरू उत्कृष्ट विशेषतायुक्त रहेको र अत्याधुनिक जिपट्रन प्रविधियुक्त टियागो ईभीमा पाँचवटा मुख्य विशेषताहरू रहेको कम्पनीले जनाएको छ । यी गाडीहरूमा कार्य कुशलता, प्रविधि, विश्वास, चार्जिङ र आरामदायिता पाउन सकिने बताइएको छ । क्रुज कन्ट्रोलसहितको टियागो ईभीमा अत्याधुनिक टेलिम्याटिक्स, कन्ट्रयास्ट रुफ, पूर्ण स्वचालित क्लाइमेट कन्ट्रोल, प्रोजेक्टर अटो हेड ल्याम्पलगायत विशेषताहरू रहेका छन् ।

Tata Tiago (1)1695023093.jpg

यस्तै, अर्को गाडी नेक्सन ईभी एक्स जेट प्लस को ब्याट्री क्षमता ४०.५ किलोवाट र रेञ्ज ४५३ किलोमिटर रहेको छ । टियागो ईभी जस्त अत्याधुनिक जिपट्रन प्रविधि भएको यस एसयुभीको बनावट आकर्षक रहेको छ । आरामका लागि पावर विन्डो र पूर्ण स्वचालित क्लाइमेट कन्ट्रोललगायत अन्य विशेषताहरू भएको नेक्सन ईभी एक्स जेट प्लसले अन्यभन्दा उत्कृष्ट सुरक्षाको प्रत्याभूति गर्दछ । सुरक्षाका लागि यसमा एन्टी–लक ब्रेकिङ्ग सिस्टम, चाइल्ड सेफ्टी लक, ट्रयाक्सनजस्ता व्यवस्थाहरू छन् ।

त्यसैगरी, टाटाको 'न्यु फरेभ' रेञ्ज अन्तर्गतको टाटा पन्चका चार आधारस्तम्भहरू हुन् आकर्षक डिजाइन, विशेष कार्यक्षमता, फराकिलो इन्टेरियर र पूर्ण सुरक्षा । नयाँ युगसुहाउँदो सोच र प्रविधिमा आधारित यो गाडीले ग्राहकहरूको बदलिँदो इच्छा एवं आकांक्षाहरूको परिपूर्ति गर्दछ । टाटा पन्च हाल भारतीय बजारमा सबैभन्दा बढी बिक्री भइरहेको सब कम्प्याक्ट एसयूभीका रूपमा पनि परिचित छ ।

प्रकाशित मिति: सोमबार, असोज १, २०८० १४:०६