नाडा अटो शोको स्टलमा देखियो जनकपुरधाम, वुलिङको स्टलमा बुकिङ गर्ने ग्राहकको भिड

नाडा अटो शोको स्टलमा देखियो जनकपुरधाम, वुलिङको स्टलमा बुकिङ गर्ने ग्राहकको भिड

A+ A A-

नेपाली बजारमा वुलिङ एयर ईभी बिक्री–वितरण गरिरहेको वज्र ग्रुपअन्तर्गतको ईभी नेपाल मोटर्सले नाडा अटो शोमा फरक शैलीमा स्टल राखेर आउने ग्राहकलाई 'बाई वान गेट वान फ्यासिलिटी' उपलब्ध गराउँदै आइरहेको छ ।

कम्पनीका अनुसार, बाई वान गेट वान फ्रि फ्यासिलिटीअन्तर्गत ३०० किमि वुलिङ किन्ने ग्राहकले थाइल्यान्ड भ्रमणको अवसर पाउनेछन् भने ग्राहकले वुलिङको स्टलबाट त्यहीँ बसेर ईएमआई १७,९२५ फाइनान्सको सुविधा र गाडी एस्क्चेन्जको सुविधा पनि पाउनेछन् ।

नाडा अटो शोमा रहेको वुलिङको स्टलमा राखिएको तस्वीर प्रदर्शनीमा देशको संस्कृतिको जगेर्ना गर्ने र देशमा आन्तरिक तथा बाह्य पर्यटन प्रवर्द्धन होस् भनेर कम्पनीले तस्वीर प्रदशनीमा राखेको छ, जसमा जनकपुरधाम, कुमारी, स्वयम्भु, वसन्तपुर दरबार, डमरु इत्यादि सम्पूर्ण कुरा समावेश गरिएको छ ।

Nada auto show1694934475.jpg २०० र ३०० किलोमिटर रेन्ज दिने दुई भेरियन्टमा वुलिङ एयर ईभी उपलब्ध गराइएको छ । यसको मूल्य क्रमशः २० लाख ९९ हजार र २६ लाख ९९ हजार रुपैयाँ छ । नाडा अटो शोमा वुलिङको स्टलमा बुकिङ गर्ने ग्राहकको भिड छ भने अहिलेसम्म ५९ वटा बुकिङ भइसकेका छन् । १०० को स्पिडमा कुदाउन मिल्ने र रिमोटबाट नै अन अफ हुने इन्डोनेसियन प्रोडक्ट वुलिङ हो ।

भृकुटीमण्डपमा सञ्चालन भइरहेको नाडा अटो शो आज आइतबारसम्म अन्तिम दिन हो र अन्तिम दिनसम्म कम्पनीले १ सयवटा बुकिङ लिने लक्ष्य बनाएको छ ।

वुलिङ ईभीले इन्डोसियामा एसएआईसी र जीएमसँगको ज्वाइन्ट भेन्चरमा विभिन्न सवारीसाधन उत्पादन गर्ने गरेको छ । वुलिङ एयर ईभीचाहिँ इन्डोनेसियालगायत विश्वमा नै लोकप्रिय रहेको इलेक्ट्रिक कार हो ।

ग्लोबल स्मार्ट इलेक्ट्रिक भेइकल (जीएसईभी) प्लेटफर्ममा वुलिङ एयर ईभी बनेको छ । यही प्लेटफर्ममा होङ गुवाङ मिनी ईभी र बाओजुन किवी ईभीसमेत बनेका छन् । वुलिङ एयर ईभी फोर सिटर र थ्री डोर ह्याचब्याक हो । सिटी ड्राइभिङका लागि उपयुक्त सो इलेक्ट्रिक कार ३० किलोवाट क्षमताको छ भने यसमा भएको लिथियम आइरन फस्फेट ब्याट्रीले ३ सय किलोमिटरसम्मको रेन्ज दिन्छ ।

अत्याधुनिक उपकरण प्रयोग गरिएको र उकालो तथा ओरालो जस्तोसुकै कठिन सडकमा पनि यसलाई चलाउन सकिन्छ ।

Nada- 21694931643.jpg

रिमोटबाटै सञ्चालन गर्न सकिने, सजिलै घरमा चार्ज गर्न सकिने र १०० रुपैयाँ खर्चमा ३०० किलोमिटर चलाउन सकिने यो इलेक्ट्रिक कार चढ्दा खर्चको बचत हुने, इन्धन हाल्न नपर्ने, सर्भिस र पार्ट्स खर्च नहुने तथा वातावरणसमेत स्वच्छ राख्न सहयोग पुग्ने कम्पनीको भनाइ छ । वज्र ग्रुप ३१ वर्ष पुरानो व्यापारिक घराना हो ।

यस कम्पनीले नेपाली बजारमा छिट्टै अर्को नयाँ मोडेलको Wuling BINGO four door EV पनि नेपाली बजारमा लन्च गर्ने तयारी गरेको कम्पनीका एसिस्टेन्ट जनरल म्यानेजर एन के शरदले जानकारी दिए । यो कार नेपालभर रहेका ५१ भन्दा बढी नेपाल विद्युत् प्राधिकरणका चार्जिङ स्टेसनबाट सजिलै ३ घन्टामा फुल चार्ज गर्न सकिने र यो संसारकै बलियो सिटी कार रहेको कम्पनीको दाबी छ ।

प्रकाशित मिति: आइतबार, भदौ ३१, २०८० १२:५३