कनेक्ट आईपीएसको ‘रिफर अ फ्रेन्ड’ आफर : रिफररले २५ र रिफरीले ५० रुपैेयाँ पाउने

कनेक्ट आईपीएसको ‘रिफर अ फ्रेन्ड’ आफर : रिफररले २५ र रिफरीले ५० रुपैेयाँ पाउने

A+ A A-

कनेक्ट आईपीएसले ‘रिफर अ फ्रेन्ड’ अफर बजारमा ल्याएको छ । कम्पनीले आफ्ना साथी, परिवार तथा आफन्तजनहरूलाई कनेक्ट आईपीएसमा रजिष्टर हुन रिफर गर्दा रिफररले २५ रुपैयाँ र रिफरीले ५० रुपैयाँ प्राप्त गर्न सक्ने अफर सार्वजनिक गरेको हो ।

यही भदौ १७ गतेदेखि मंसिर १६ गतेसम्म लागू हुने यो योजनामा रिफरीले आफ्नो बैंकखाता भेरिफाई गराएपछि मात्र रिफररले २५ र रिफरीले ५० रुपैेयाँ पाउन सक्ने कम्पनीले जनाएको छ ।

अफरको फाइदा लिन रिफररले आफ्ना साथी तथा आफन्तजनहरूलाई आफ्नो रेफरल कोड दिनुपर्ने हुन्छ । रिफरीले भने कनेक्ट आईपीएसमा नयाँ युजर रजिष्टर गर्दा उक्त रिफरल कोड दाखिला गरी बैंक खाता लिङ्क गरेर सेल्फ भेरिफाई वा नजिकैको बैंकमा गएर भेरिफाई गरेपश्चात् रिफररले २५ रुपैयाँ आफ्नो बैंक खातामा र रिफरीले ५० रुपैयाँ आफ्नो बैंक खातामा प्राप्त गर्नेछ ।

रिफररले आफ्नो रिफरल कोडसँगै लिङ्क पनि शेयर गर्न सक्नेछ र रिफरीले उक्त लिङ्क क्लिक गरी www.connectips.com वा मोबाइलएपमार्फत नयाँ युजर बनाउन सक्नेछ ।

रिफरीको लिङ्क गरिएको खाता भेरिफाई भएपश्चात् मात्र रिफरल रकम खातामा प्राप्त हुने हुँदा रिफरीले अफर अवधिभित्र खाता भेरिफाई गराइसक्नुपर्ने हुन्छ ।

कनेक्ट आईपीएस,बैंकका ग्राहकहरूका लागि एकै प्ल्याट्फर्ममार्फत एकभन्दा बढी खाता लिङ्क गरी फण्ड ट्रान्स्फरलगायत विभिन्न भुक्तानीहरू गर्नका निम्ति एक सजिलो माध्यम हो । कनेक्ट आईपीएसको वेबमार्फत प्रति कारोबार रु २० लाखसम्म र यसको मोबाइलएपमार्फत प्रतिकारोबार २ लाख रुपैयाँसम्मको भुक्तानी गर्न सकिन्छ ।

कनेक्ट आईपीएसमार्फत मोबाइल रिचार्ज, बिजुलीको बिल, टेलिफोनको बिल, इन्टरनेटको बिल, स्कुल फी, हायर पर्चेज, सरकारी राजस्व, लोकसेवा, ट्राफिक फाइन, शेयर कारोबार, नेपालपे क्यूआरलगायत थुप्रै प्रकारका भुक्तानीहरू गर्न सकिन्छ । कनेक्ट आईपीएसमार्फत चालु आर्थिक वर्षको जेठ मसान्तसम्म ५० सदस्य बैंक वित्तीय संस्थामार्फत ४,१२६ अर्बबराबरको ५ करोड ५ लाखभन्दा बढी भुक्तानी कारोबार फर्छ्योट भइसकेको छ ।

प्रकाशित मिति: शुक्रबार, भदौ २९, २०८० १३:१३