नाडा अटो शोमा निशानले गर्‍यो अटोमोटिभ इन्भेन्सन तथा प्रोडक्सन कारको प्रदर्शन

नाडा अटो शोमा निशानले गर्‍यो अटोमोटिभ इन्भेन्सन तथा प्रोडक्सन कारको प्रदर्शन

A+ A A-

निशान गाडीको आधिकारिक बिक्रेता पायोनियर मोटो कर्पले निशान गाडीका नयाँ संस्करणहरू नाडा अटो शो २०२३ मा प्रदर्शन गरेको छ । निशान गाडीको जेरो इमिसन सेकेन्ड जेनेरेसन निशान लिफ इलेक्ट्रिक गाडी, नाभारा प्रो फोर एक्स गाडीको विशेष 'लाइफ स्टाइल एडिसन'का साथै नयाँ निशान म्याग्नाइटको नयाँ एएमटी भेरियन्ट (Nissan Magnite AMT EZ-Shift) सार्वजनिक गरिएको हो ।

नेपाली बजारको आवश्यकताअनुरूप अत्याधुनिक अटोमोटिभ प्रविधि प्रदान गर्ने आफ्नो प्रतिबद्धताका साथ नेपालमा ४ वर्षपछि भइरहेको नाडा अटो शोमा निशानले सहभागिता जनाएको हो ।

पायोनियर मोटो कर्प प्राइभेट लिमिटेडका प्रबन्ध निर्देशक सन्दीपकुमार शारडाका अनुसार, 'हाम्रा नेपाली ग्राहकहरूको रोजाइ र प्राथमिकताअनुरूप आधुनिक मोबिलिटी सोलुसन प्रदान गर्ने प्रतिबद्धताका साथ नाडा अटो शोमा निशानका नयाँ गाडीहरू प्रदर्शन गरेका हौँ । हामीले सार्वजनिक गरेका नयाँ गाडीहरू (इनोभेटिभ प्रोडक्ट्सहरू)ले ग्राहकको आवश्यकता तथा रोजाइ पूरा गर्नुका साथै नयाँ ड्राइभिङ अनुभव प्रदान गर्ने विश्वास लिएका छौँ ।'

निशान इन्डिया, सीबीयू र साउथ एसिया व्यापार इकाइका निर्यात प्रमुख रघु नाथले भने, 'नेपाल निशानका लागि प्रमुख बजार हो । हामी 'डायनामिक पर्फर्मेन्स'का साथै सुरक्षा र आरामलाई सुनिश्चित गर्न उत्कृष्ट श्रेणीका कारहरू ल्याउन जारी राख्नेछौँ । निशानले चाँडै नै यस चाडपर्वको अवसरमा सबै नयाँ एक्स-ट्रेल ई-पावर सार्वजनिक गर्दै छ, जसले शहरको ट्राफिकमा पनि आरामदायी ड्राइभिङ अनुभव प्रदान गर्नेछ । निशान एक्स-ट्रेलको यो हाइब्रिड ई-पावर संस्करणले उत्कृष्ट कार्यकुशलता, आधुनिक सुविधा र आरामदायी इलेक्ट्रिक ड्राइभिङ अनुभव प्रदान गर्दछ ।'

निशन नाभारा (Nissan Navara) को विशेष लाइफ स्टाइल एडिसनले उत्कृष्ट डायनामिक पर्फर्मेन्स, परिष्कृत ह्यान्डलिङ र इन्धन (फ्युल) इफिसियन्सी प्रदान गर्दछन् । साथै, यो गाडीमा, राम्रो एनभीएच (नोइज, भाइब्रेसन र हार्सनेस) कन्ट्रोल उपलब्ध छ, जसले ड्राइभिङ अनुभव आरामदायी बनाउँछ ।

नाभाराको यो विशेष संस्करणमा नयाँ डिजाइन गरिएको फ्रन्ट बम्पर, निशानको ट्रेडमार्क भी–मोसन ग्रिल, नयाँ हेडल्याम्प तथा नाभारा ब्रान्डिङको स्पोर्टी क्रोम ट्रिम समावेश छन् । धेरै टोइङ क्षमता र उच्च ग्राउन्ड क्लियरेन्सले गर्दा यो गाडी निकै आकर्षक देखिन्छ । नयाँ थ्रि-स्पोक स्टेरिङ ह्विल, नयाँ टीएफटी मिटर र ७ इन्चको मल्टी-इन्फर्मेसन डिस्प्लेका साथमा इन्टेरियरमा स्पोर्टी अनुभव प्रदान गर्दछ ।

निशान लिफ ईभीले तीन प्रमुख विषयमा उत्कृष्ट अनुभव प्रदान गर्दछ:

इन्टेलिजेन्ट पावर

निशान इन्टेलिजेन्ट मोबिलिटीका साथ निशान लिफले उत्कृष्ट पावर डेलिभरी प्रदान गर्छ । निशान लिफमा ४० किलोवाट आवरको लिथियम-आयन ब्याट्री छ । न्यु युरोपियन ड्राइभिङ साइकल (एनईडीसी) मापदण्डका अनुसार उक्त ब्याट्रीले पूर्ण चार्जमा ३११ किलोमिटरसम्मको रेन्ज प्रदान गर्छ । निशान लिफलाई अल-इलेक्ट्रिक ई-पावरट्रेनले चलाउँछ, जसले ११० किलोवाट वा १५० पीएसको अधिकतम आउटपुट र ३२० एनएम इन्स्टेन्ट टर्क प्रदान गर्छ ।

१४० किमि प्रतिघण्टाको उच्च गतिमा पुग्न सक्ने निशान लिफलाई शून्य बाट १०० किलोमिटर प्रतिघण्टाको गतिमा जान जम्मा ७.९ सेकेन्ड लाग्छ । चार्ज गर्न सजिलो र सुविधाजनक हुने गरी निशान लिफमा धेरै चार्जिङ विकल्पहरू प्रदान गरिएको छ । निशान लिफसँगै आउने युनिभर्सल चार्जिङ केबलको साथ घरको वाल-आउटलेटमार्फत १५ देखि १८ घण्टामा पूर्ण चार्ज गर्न सकिन्छ । क्विक-चार्जिङ स्टेसनहरूमा जाने हो भने निशान लिफलाई ४० देखि ६० मिनेटमा पूर्ण चार्ज गर्न सकिन्छ ।

इन्टेलिजेन्ट ड्राइभिङ

निशान लिफको ई-पेडल गाडीचालकहरूका लागि एउटा स्वागतयोग्य नवीनता हो । यो सुविधाले चालकहरूलाई एक्सिलेटरमा लगाइएको दबाब बढाएर वा घटाएर केवल एउटा पेडल प्रयोग गरी गाडी स्टार्ट गर्न, गति बढाउन, घटाउन र रोक्न सहज बनाउँछ । जब एक्सिलेटर पूर्ण रूपमा रिलिज हुन्छ, रिजेनेरेटिभ ब्रेक र फ्रिक्सन ब्रेकले स्वचालित रूपमा कारलाई रोक्छ । यसो हुँदा खुट्टा एक पेडलबाट अर्कोमा सर्ने आवश्यकता कम भई ड्राइभिङ सरल र थप सुविधाजनक हुन्छ । निशान लिफको यो विशेषता शहर ट्राफिकका लागि निकै उपयुक्त हुन्छ ।

निशान लिफमा 'इन्टेलिजेन्ट' ड्राइभिङ असिस्टेन्स सुविधाहरू पनि भरिएको छ, जसले चालकहरूलाई ड्राइभिङ गर्दा थप आत्मविश्वास प्रदान गर्छ । यी सुविधाहरूमा इन्टेलिजेन्ट क्रुज कन्ट्रोल, इन्टेलिजेन्ट अराउन्ड भ्यु मोनिटर, हाई बिम असिस्ट र हिल स्टार्ट असिस्ट समावेश छन् । यसमा इन्टेलिजेन्ट इमर्जेन्सी ब्रेकिङ, इन्टेलिजेन्ट ड्राइभर अलर्टनेस, रियर क्रस ट्राफिक अलर्ट, ब्लाइन्ड स्पट वार्निङ, लेन डिपार्चर वार्निङ, इन्टेलिजेन्ट लेन इन्भेन्सन र इन्टेलिजेन्ट ट्रेस कन्ट्रोलजस्ता विशेषताहरू छन्, जसले चालक र यात्रु दुवैको सुरक्षा सुनिश्चित गर्न मद्दत गर्छ ।

निशान लिफमा 'डुअल-टोन बडी' र यसको प्रतिष्ठित 'फ्लोटिङ रुफ' सहितको आकर्षक डिजाइन छ । 'ईभी ब्लु एक्सेन्ट' र भी–मोसन ग्रिलले गाडीलाई अझ आकर्षक बनाउँछ । साथै, भित्र इन्टेरियरमा पाँच जनाका लागि पुग्ने फराकिका सिट रहेका छन् ।

इन्टेलिलेन्ट इन्टिग्रेसन

निशान लिफसँग भेहिकल–टु–एभ्रिथिङ (भी२एक्स) प्रविधि पनि छ, जसको साथमा लिफ ब्याट्रीबाट पावर, घर र उपकरणहरूमा प्रयोग गर्न वा पावर ग्रिडमा फिर्ता गर्न 'Bi-directional charging’ गर्न मिल्छ ।निशान लिफ ३ वर्षको वा पहिलो १ लाख किलोमिटर (जुन पहिले आउँछ) को गाडी वारेन्टी र ८ वर्षको वा पहिलो १ लाख ६० हजार किलोमिटर (जुन पहिले आउँछ) को ब्याट्री वारेन्टीसहित आउँछ ।

बिग, बोल्ड र ब्युटिफुल निशान म्याग्नाइटको नयाँ भेरियन्ट रङमा विभिन्न रङको विकल्पसहित प्रदर्शन गरिनेछ । सेसेल्स, बंगलादेश, युगान्डा र ब्रुनाईमा हालैको निर्यातको साथ, सबै नयाँ म्याग्नाइट भारतबाट १५ विश्वव्यापी बजारहरूमा निर्यात गरिन्छ । हालका वर्षहरूमा निशान इन्डियाले आफ्नो प्राथमिक निर्यात बजार युरोपबाट साउदी अरेबिया, संयुक्त अरब इमिरेट्स, ओमान, कतार, बहराइन र कुवेतजस्ता मध्यपूर्वी देशहरूमा सारेको छ ।

पायोनियर मोटो कर्प प्रालिले सन् २०१४ देखि जापान, थाइल्यान्ड र भारतमा निशानको प्लान्टबाट गाडी आयात गर्छ । निशानका नेपालभर १३ वटा आधिकारिक डिलरसिपहरू रहेका छन् ।

प्रकाशित मिति: बिहीबार, भदौ २८, २०८० १७:०५