नाडा अटो शोमा टाटाका बहुप्रतीक्षित तीनवटा गाडीहरू सार्वजनिक

A+ A A-

टाटा मोटर्स प्यासेन्जर भेहिकलद्वारा नाडा अटो शोलाई लक्षित गरी बहुप्रतीक्षित तीनवटा गाडीहरू टाटा टियगो ईभी, टाटा नेक्सन ईभी एक्सजेडप्लस र टाटा पन्च सार्वजनिक गरिएको छ ।

टाटा मोटर्सको नेपालका लागि एक मात्र आधिकारिक वितरक सिप्रदी ट्रेडिङ प्रालिले टाटाका बहुप्रतीक्षित गाडीहरू टाटा टियगो ईभी र टाटा पन्च नेपाली बजारमा सार्वजनिक गरेको छ । राजधानीको भृकुटी मण्डपस्थित प्रदर्शनी हलमा आजदेखि सुरु भएको १५औँ संस्करणको अटो शो 'टाटा मोटर्स जेन्युइन आयल नाडा अटो शो २०२३' मा यी उत्पादनहरूको बिक्रीवितरण शुभारम्भ गरिएको हो ।

अत्याधुनिक जिपट्रन प्रविधियुक्त टियगो ईभीमा पाँचवटा मुख्य विशेषताहरू रहेका छन । जसमा कार्य कुशलता, प्रविधि, विश्वास, चार्जिङ र आरामदायिता रहेका छन । क्रुज कन्ट्रोलसहितको टियगो ईभीमा अत्याधुनिक टेलिम्याटिक्स, कन्ट्रयास्ट रुफ, पूर्ण स्वचालित क्लाइमेट कन्ट्रोल, प्रोजेक्टर अटो हेडल्याम्पलगायत विशेषताहरू रहेका छन् । यो गाडीको इन्टेरिएर आरामदायी तथा एक्स्टेरियर आकर्षक रहेको छ । यस टियगो ईभी सीमित अवधिका लागि सुरुवाती मूल्य २१.९९ लाख राखिएको छ भने अन्य भेरियन्टहरूको मूल्य तालिकामा दिइएको छ: Table- 11694589225.jpg

यस्तै, अर्को गाडी नेक्सन ईभी एक्सजेडप्लसको ब्याट्री क्षमता ४०.५ किलोवाट र रेञ्ज ४५३ किलोमिटर रहेको छ । टियगो ईभीजस्तै अत्याधुनिक जिपट्रन प्रविधि भएको यस एसयूभीको बनावट आकर्षक छ । आरामका लागि पावर विन्डो र पूर्ण स्वचालित क्लाइमेट कन्ट्रोललगायत अन्य विशेषताहरू भएको नेक्सन ईभी एक्सजेडप्लसले अन्य गाडीभन्दा उत्कृष्ट सुरक्षाको प्रत्याभूति गर्ने कम्पनीको दाबी छ । सुरक्षाका लागि यसमा एन्टी–लक ब्रेकिङ सिस्टम, चाइल्ड सेफ्टी लक, ट्रयाक्सनजस्ता व्यवस्थाहरू छन् ।

नेक्सन ईभी म्याक्स एक्स जेड प्लसको सुरुवाती मूल्य ४५.९९ लाख राखिएको छ ।

त्यसैगरी, टाटाको 'न्यु फरेभ' रेञ्जअन्तर्गतको टाटा पन्चका चार आधारस्तम्भहरू हुन्– आकर्षक डिजाइन, विशेष कार्यक्षमता, फराकिलो इन्टेरियर र पूर्ण सुरक्षा । नयाँ युगसुहाँउदो सोच र प्रविधिमा आधारित यो गाडीले ग्राहकहरूको बदलिँदो इच्छा एवं आकांक्षाहरूको परिपूर्ति गर्दछ । टाटा पन्च हाल भारतीय बजारमा सबैभन्दा बढी बिक्री भइरहेको सब कम्प्याक्ट एसयूभीका रूपमा पनि परिचित छ । टियगो ईभीको बजारमूल्य तालिकामा दिइएको छ: Table- 31694590953.jpg

'नेपालकै प्रख्यात नाडा अटो शोमा भाग लिई टाटाका अत्याधुनिक गाडीहरू नेपाली ग्राहकहरूसमक्ष प्रस्तुत गर्न पाउँदा हामी अत्यन्त हर्षित छौँ,' 'टाटा मोटर्सको इन्टरनेसनल बिजनेस हेड मयंक वाल्डी भन्छन्, 'हरित यातायातको विकासमा निरन्तर नयाँ/नयाँ आयामहरू थप्दै जाने हाम्रो प्रतिबद्धतालाई टाटा टियगो ईभीले प्रतिनिधित्व गर्छ ।'

उनले थपे, 'टाटा पन्चले नेपाली बजारमा हाम्रो 'एसयूभी पोर्टफोलियो' लाई थप बलियो एवं बृहत् बनाउँदै जाने प्रयासलाई दर्शाउँछ । यी दुवै गाडीहरूले नेपाली ग्राहकहरूको मन र मस्तिष्कमा अमिट छाप छोड्नेछन् भन्नेमा टाटा पूर्ण आश्वस्त छ ।'

त्यसैगरी, सिप्रदी ट्रेडिङका प्रमुख कार्यकारी अधिकृत राजनबाबु श्रेष्ठ भन्छन्, 'टाटा टियगो ईभी र टाटा पन्चले टाटा र सिप्रदीको नेपाली ग्राहकवर्गको ड्राइभिङ अनुभवलाई नवीन र दिगो ढंगले रुपान्तरण गर्ने साझा प्रतिबद्धताको प्रतिनिधित्व गर्छ । टाटा मोटर्ससँगको सहकार्यमा नेपालको समग्र यातायात क्षेत्रको विद्युतीकरण र यसको हरित भविष्यका लागि योगदान गर्न पाउँदा सिप्रदी खुसी र गौरवान्वित महसुस गर्छ ।'