नाडा अटो शोमा अरबानिया लञ्च हुँदै, १४ र १८ सिट क्षमतामा उपलब्ध अरबानियाका यस्ता छन् विशेषता

नाडा अटो शोमा अरबानिया लञ्च हुँदै, १४ र १८ सिट क्षमतामा उपलब्ध अरबानियाका यस्ता छन् विशेषता

A+ A A-

नाडा अटो शोमा भारतमा अत्यधिक माग रहेको तथा नेपालमा पनि सर्वाधिक चासो र पर्खाइमा रहेको बहुप्रतीक्षित फोर्स कम्पनीको अरबानिया (Urbania) माइक्रो बसको अनावरण तथा बुकिङ खुल्ला गरिने भएको छ । नेपालका लागि फोर्स मोटर्को आधिकारिक आयातकर्ता आयाम इन्टरकन्टिनेटल प्रालिले उक्त माइक्रोबस लञ्च गर्न लागेको हो ।

यो बस नेपालमा आयातित माइक्रोबसहरूमध्येमा सबैभन्दा प्रिमियम सुविधायुक्त रहेको छ भने कारजस्तै आरामदायी र सुविधासम्पन्न रहेको कुरा कम्पनीले जनाएको छ । विशेषत: पर्यटन तथा होटल व्यवसायी, टुर्स एण्ड ट्राभल्स, ठूला कम्पनीहरू, कूटनीतिक निकायहरू, सरकारी तथा गैरसरकारी संस्थाहरूका लागि यो माइक्रोबस उपयुक्त हुने देखिन्छ । यो माइक्रोबस विश्व प्रसिद्ध मर्सिडिज बेन्जको डिजाइनमा बनेको तथा सोही कम्पनीको इन्जिन, गेयरबक्स तथा एक्सल जडान गरिएको छ ।

Nada (2)1694152997.jpg

अरबानिया सुरक्षाका दृष्टिकोणले सम्पूर्ण रेटिङहरूमा अब्बल मानिएको छ । ड्युल एयर ब्यागयुक्त यस गाडीमा एरोडायनामिक क्र्यास एण्ड रोलोबर प्रोटेक्सन, डब्बल स्किन बडी कन्स्ट्रक्सन, स्टाइलिस डीआरएल हेड ल्याम्प, न्यू ट्रान्सफर लिफ, ट्रिपल एसी सिस्टम, अलराउण्ड भिजिबिलिटी स्क्रिन, टेलिस्कोपिक स्टेरिङ, हरेक सिटमा आइफोन तथा एन्ड्रोइड दुवैका लागि चार्जिङ पोर्टको व्यवस्था भएको, सेन्ट्रल डोर लकिङ विथ रिमोट किलेस इन्ट्री, हिल होल्ड कन्ट्रोल, क्यामरा बेस रिभर्स पार्क सिस्टम, फलोमी होम फिचर, कोल्याप्सिबल स्टेरिङ कोलुम आदिजस्ता अत्याधुनिक विशेषताहरू यस बसमा रहेका छन् । साथै, लेटेस्ट जेनेरेसनको एबीएस तथा ईएसपीजस्ता अन्य आधुनिक सुरक्षा प्रणालीसमेत यस गाडीमा जडान गरिएको कम्पनीले बताएको छ ।

आकर्षक र सुविधासम्पन्न माइक्रोबस भएकाले एकपटक यात्रा गरेपछि पुन: यात्राका लागि रोजाइमा पर्ने कम्पनीको भनाइ छ । स्लाइडिङ डोरसहितका तीन ढोकायुक्त यस माइक्रोबस १४ र १८ सिट क्षमतामा उपलब्ध गराइएको छ भने यसमा अति आरामदायी रिक्लाइनिङ सिटहरू रहेका छन् ।

Nada (3)1694153123.jpg

सहज इन्ट्री र एक्जिट, पर्याप्त वुट स्पेस, पर्याप्त हाइट साथै बस्न सहजताका लागि फ्रन्ट बम्पर डिजाइन, कुनै दुर्घटना भैहालेमा पनि हेड इन्जुरी कम होस् भन्नका लागि त्यहीअनुसारको ड्यासबोर्ड डिजाइन यस बसमा गरिएको छ । यस गाडीमा ठूलो सिङ्गल विन्डो रहेकाले आकर्षक दृश्यहरूको अवलोकन गर्न सकिन्छ । यस बसको सुरुवाती मूल्य ८२ लाख ९९ हजार रुपैयाँ तोकिएको छ । यो मूल्य केही समयका लागि मात्र लाऊू हुनेसमेत कम्पनीले जानकारी गराएको छ ।

साथै, नाडा अटो शोमा बुकिङ गर्नेहरूका लागि आकर्षक छुट सुविधासमेत उपलब्ध हुने कम्पनीले जनाएको छ । फोर्स मोटर्सको नेपालका २२ वटा प्रमुख स्थानहरूमा डिलर तथा सर्भिस सेन्टरहरू रहेका छन् ।

प्रकाशित मिति: शुक्रबार, भदौ २२, २०८० ११:५४