जी माेटरले सार्वजनिक गर्‍याे नयाँ इटी-५ एसयूभीको मूल्य, ६२० किलोमिटर रेन्ज, आजैदेखि बुकिङ खुल्ला

जी माेटरले सार्वजनिक गर्‍याे नयाँ इटी-५ एसयूभीको मूल्य, ६२० किलोमिटर रेन्ज, आजैदेखि बुकिङ खुल्ला

A+ A A-

जी मोटर्सले नेपाल ल्याएको नयाँ ‘स्काइवेल’ इटी-५ को मूल्य सार्वजनिक गरिएकाे छ । नाडा अटो शोमा प्रदर्शनीका लागि तयार इटी-५ को मूल्य १ करोड ९ लाख रुपैयाँ तोकिएको जी मोटर्सका प्रबन्ध निर्देशक कैलाशबाबु गेलालले जानकारी दिए ।

बिहीबार नयाँ बानेश्वरकाे एभरेस्ट हाेटलमा आयाेजित ब्रान्ड सार्वजनिक कार्यकमा गेलालले इटी-५ आजैबाट बुकिङ खुल्ला भएको जानकारी पनि दिए । प्रिमियम एसयूभी रेन्जका हिसाबले पनि अहिलेसम्म नेपालमा आएको सबैभन्दा बढी रेन्जकाे मोडल भएकाे उनले बताए ।

कैलाशमणि गेलाल, प्रबन्ध निर्देशक, जी माेटर्स ।

इटी-५मा ८५.९७ किलोवाट आवरको हाइडेन्सीटी लिथिएम टर्नरी थर्मोस्ट्याटिक पावर ब्याट्री प्याक छ । यसले एकपटकको फुलचार्जमा ६२० किलोमिटर रेन्ज दिने डब्लूएलटीपी परीक्षणबाट प्रमाणित भएको छ ।

जी ईभीले नेपाल ल्याउने इटी-५ एसयूभीमा १५० किलोवाटको इलेक्ट्रिक मोटर छ । ठूलो ब्याट्री र मोटर तथा प्रिमियम फिचरले भरिपूर्ण एसयूभी भएकै कारण यसको मूल्य महँगो भएको कम्पनीले जनाएकाे छ । आगामी भदौ २६ गतेबाट सुरु हुने नाडा अटो शोमा भने एसयूभी प्रदर्शन गरिने कम्पनीको भनाइ छ ।

कार्यकारी निर्देशक पारसमणि गेलालका अनुसार, कम्पनीले काठमाडौंको नक्साल, भक्तपुरको राधेराधे र सुनसरीको इटहरीमा शोरुम सञ्चालनमा ल्याउँदै छ । भक्तपुरमा सुविधासम्पन्न शोरुम निर्माणको काम थालिसकेकाे उनले बताए । कम्पनीले थप नेटवर्क विस्तार गर्न विराटनगर, नारायणगढ र ललितपुरमा डिलर नियुक्त गरिसकेको कार्यकारी निर्देशक गेलालले जानकारी दिए ।

पारसमणि गेलाल, कार्यकारी निर्देशक, जी माेटर्स ।

२०७४ सालमा स्थापना भएको जी मोटर्सले यसअघि नेपाली बजारमा विभिन्न ब्रान्डका सवारी स्थानीय डिलरका रूपमा बिक्री गर्दै आएको छ । जी मोटर्सले काठमाडौं र इटहरीमा ८ वटाभन्दा बढी शोरुमबाट २ हजार उपभोकतालाई सेवा उपलब्ध गराइसकेको छ ।

पछिल्लो समय विद्युतीय सवारीप्रति बढ्दो उपभोक्ता चाहनालाई सम्बोधन गर्न जी मोटर्सले जी ईभीमार्फत स्वाइवेल ब्रान्ड आधिकारिक रूपमा ल्याएको कम्पनीका अध्यक्ष दुर्गाप्रसाद गेलालले जानकारी दिए ।