मेस्सी मेनियाः अबकाे म्याच 'अहिलेसम्मकै महँगो मेजर लिग सकर गेम'

A+ A A-

‘मेसी मेनिया’ चाँडै सकिने कुनै छाँटकाँट छैन । अनलाइन मार्केटप्लेस टिकपिकका अनुसार, इन्टर मियामी र लस एन्जिलस फुटबल क्लबबीच आइतबार हुने म्याचको टिकट अहिलेसम्मकै महँगो छ ।

औसत मूल्य करिब ६ सय ९० डलर छ, जुन एमएलएस गेमको औसत टिकट मूल्यको तुलनामा ५ सय २७ प्रतिशतले बढी हाे । यसकाे मूल्य फुटबल सुपरस्टार लियो मेसी लिगमा सामेल हुनुअघि १ सय १० डलर थियाे ।

खेलकाे केही दिनअघि, मेसीलाई गत वर्षको एमएलएस कप विजेताहरूसँग हेर्न सबैभन्दा सस्तो टिकट मूल्य ७ सय ८५ डलर हुने छ । मेस्सीबिनाकाे मूल्यमा तीव्र गिरावट आयाे । टिकपिकका अनुसार, एलएएफसी गेमका लागि सबैभन्दा सस्तो टिकट ८० प्रतिशतले कम महँगो थियाे, एक सिटका लागि १ सय ५१ डलर ।

यद्यपि, यो टिकटको मूल्यको अधिकतम सीमा हुन सक्छ । टिकपिकका डेपुटी सीईओ ब्रेट गोल्डबर्गका अनुसार, बजारमा मूल्यलाई अहिलेकै जस्ताे स्थिर गर्ने प्रयास भइरहे पनि बढ्दो मागका कारण मूल्य बढ्ने सम्भावना पनि छ ।

यसबाहेक, एलएएफसी लिगमा सबैभन्दा लोकप्रिय एमएलएस टिममध्ये एक हो । त्यसैले माग सधैं धेरै हुन्छ । कारणबारे गोल्डबर्गले भने, ‘शहरमा आउने संसारका सबैभन्दा ठूलो एथलिटमध्ये एक हुन् ।

एमएलएसमा आवद्ध भएपछि मेसीको उपस्थितिले नियमित रूपमा टिकटको मूल्य बढिरहेको छ । मेसीले आफ्नो नियमित सिजनको सुरुवात गरेकाे गत साताको खेलमा न्युयोर्क रेड बुल्सको टिकटको मूल्य सामान्यभन्दा करिब १००० प्रतिशत बढी थियो । मेस्सी मेनिया मैदानभन्दा पर पनि फैलिएको छ । एप्पलका अनुसार, जुलाईमा मेसी आवद्ध भएपछि उसको सकर स्ट्रिमिङ प्याकेजको सदस्यता बढेको छ । एडिडासले पनि मेसीको जर्सीको माग अभूतपूर्व रहेको र अक्टुबरसम्म अर्डर ब्याकलग भएको बताएकाे छ । सीएनएनबाट

प्रकाशित मिति: शनिबार, भदौ १६, २०८० ०४:००