भदौ १५ भित्र भ्रातृ संस्थालाई पूर्णता दिने कांग्रेस केन्द्रीय समितिको निर्णय कार्यान्वयन भएन, लागू भएन कार्यतालिका

भदौ १५ भित्र भ्रातृ संस्थालाई पूर्णता दिने कांग्रेस केन्द्रीय समितिको निर्णय कार्यान्वयन भएन, लागू भएन कार्यतालिका

A+ A A-

नेपाली कांग्रेसमा निर्णय गर्छ तर कार्यान्वयन गर्न हिच्किचाउँछ । यसैक्रममा यसपटक केन्द्रीय समितिको निर्णय कार्यान्वयन समयावधि उलंघन हुने भएको छ ।

गत साउन १० गते सम्पन्न कांग्रेस केन्द्रीय समिति बैठकले वार्षिक कार्य तालिका पारित गरेको थियो । जसअनुसार भदौ १५ गतेभित्र पार्टीका विभाग, भ्रातृ तथा शुभेच्छुक संस्थालाई पूर्णता दिनुपर्ने हो । तर केन्द्रीय समिति बैठक सम्पन्न भएको एक महिना बितिसक्दा पनि कांग्रेसले विभाग, भ्रातृ तथा शुभेच्छुक संस्था गठन गर्न सकेन । भ्रातृ संस्थाहरूमा विवाद देखिएको छ । नेविसंघ र महिला संघको विवाद मिलाउन नेताहरूलाई समेत गाह्रो परिरहेको छ ।

केन्द्रीय समिति बैठकले पार्टीका २२ वटा विभाग थप गरेर ७० बनाउने निर्णय गरेको थियो । भएका पुराना विभागले समेत कहिले पूर्णता पाउने भन्ने अनिश्चित बनेको बेला नयाँ विभागको गठन झन अन्योलमा छ ।

‘केही ढिलाई भएको हो । काम भैरहेको छ । सम्भव भएका जति विभागलाई पूर्णता दिँदै जाने र नयाँ विभागको कामहरू भैरहेको छ । भ्रातृ तथा शुभेच्छुक संस्थाका हकमा पनि काम भैरहेको छ । छिट्टै नै पूर्णता पाउँछ,’ प्रचार विभाग प्रमुख मीन विश्वकर्माले भने ।

विधानअनुसार पार्टी सञ्चालन नगरिएको भन्दै नेतृत्वको आलोचना हुँदै आएको छ । कांगेसको संस्थापन पक्षका नेता आगामी असोज ४ गते बस्ने केन्द्रीय समिति बैठक अघि पार्टीका विभाग, भ्रातृ तथा शुभेच्छुक संस्थाले पूर्णता पाउने दाबी गर्छन् ।

‘कार्यान्वयनमा ढिला भएको छ यो हाम्रो कमजारी पक्ष हो । यसलाई स्वीकार गर्नैपर्छ । चाँडो भन्दा चाँडो हटाउनुपर्छ । असोज २ गते अर्को केन्द्रीय कार्यसमिति बैठक अघि कार्यान्वयन होला । के कति कार्यान्वयन भयो भनेर हेर्न त पर्छ,’ प्रतिनिधिसभाका प्रमुख सचेतक रमेश लेखकले भने ।

कार्यतालिका कार्यान्वयन गर्न सभापति शेरबहादुर देउवा अनइच्छकु देखिएपछि ८२ सालभित्र गर्ने भनेर तय गरिएको १५ औं महाधिवेशन पनि प्रभवित त हुने होइन भन्ने आशंका जिल्ल सभापतिहरूमा देखिन थालेको छ । ‘तालिका कार्यान्वयन हुनुुपर्छ । भैरहेको छैन । ८२ सालभित्र १५ औँ महाधिवेशन समयमा नै हुनुपर्छ,’ सांसद तथा धादिङ जिल्ला सभापति रामनाथ अधिकारीले भने ।

पार्टीको संस्थापन र इतर पक्षबीच भ्रातृ संस्थाहरूको गठनको कारण बढेको असन्तुष्टिले विभाग गठनलाई पनि प्रभावित बनाएको हो । सरकारको काम, संसदको काम र वर्षाको मौसमले पार्टीको काम प्रभावित गरेको बाहना कांग्रेस नेताहरूलाई छ ।

‘हामी निर्णय गर्छौं तर व्यवहारमा उतार्न सक्दैनौँ । यो संस्कार नबदलेसम्म समाज पनि बदल्न सक्दैनौं । हामी कुरा कम काम बढी गर्ने संस्कृतितिर जानुपर्छ,’ सहमहामन्त्री बद्री पाण्डेले भने ।

प्रकाशित मिति: शुक्रबार, भदौ १५, २०८० १५:०३

शिलापत्र संवाददाता

प्रतिक्रिया दिनुहोस्

भर्खरै

मधेशका ९ सांसद सम्पर्कमा रहेकाे अशाेक राई पक्षकाे दाबी, के हाेला प्रदेश सरकार ?

रविबारे संसदीय छानबिन समिति बनाउन प्रचण्ड तयार, कांग्रस भन्छ–पहिले राजीनामा

धरानमा पानीको दु:ख : मेयरको कार्यकक्ष घेर्न पुगे स्थानीय

नयाँ जसपामा दुई अध्यक्ष, एक सहअध्यक्ष, चार उपाध्यक्ष (सूचीसहित)

रेणु र इस्तियाकले नसकेको जसपा विभाजन अशोक राईको नेतृत्वमा

लोकप्रिय

केपी ओलीलाई शेखर काेइरालाकाे प्रस्ताव- पहिले तपाईं प्रधानमन्त्री हुनुस्, त्यसपछि मलाई बनाउनुस्

सत्ता गठबन्धनमा माधव नेपालको कचकचलाई एमालेले सुदूरपश्चिमबाट फर्काएकाे जवाफ

बालकोट वार्ता: प्रचण्डलाई बाहिर राखेर कांग्रेस-एमालेको सरकार बनाउने शेखरको प्रस्ताव, ओलीले गरे अस्वीकार

श्रीमती रञ्जितासँगकाे सहमति भंग भएपछि रेशम विक्षिप्त, २० मिनेटमा सात स्टाटस

इलाम २ः प्रारम्भिक मतपरिणाममा एमाले र 'पूर्वएमाले'बीच टक्कर

विचार

वाम से रामः इलाम र बझाङकाे उपचुनावले कम्युनिस्टको पश्चिम बङ्गाल यात्रामा अस्थायी विरामकाे संकेत

को थिए जनमतसङ्ग्रहका हिरो ? (भिडियो)

स्कुल छाड्‌ने मुख्य कारण- जीवन एकातिर, शिक्षा अर्कोतिर

ब्लग

'बोक्सीको घर' हेरेपछि निदाउनै सकिनँ

कसरी हटाउने सार्वजनिक सवारीको बेथिति ?

सधैँ हाँसीखुसी देखिने गाउँकी काकी, डाक्टर र अर्जुन मैनालीले राेजेकाे गलत बाटाे

शिक्षा

संस्कृत विश्वविद्यालयमा सञ्चारमन्त्री शर्मालाई शिक्षाविद्को कोटा, एमाले र माओवादीबीच भागवण्डा

स्कुल छाड्‌ने मुख्य कारण- जीवन एकातिर, शिक्षा अर्कोतिर

सरकारी स्कुलप्रतिको नकारात्मक धारणा बदलेर यसरी उत्कृष्ट बन्यो ज्ञानोदय मावि