सामसुङ नेपालद्वारा ग्यालेक्सी जेड फ्लिप ५ र जेड फोल्ड ५ सार्वजनिक गर्न रिटेलर मिट

सामसुङ नेपालद्वारा ग्यालेक्सी जेड फ्लिप ५ र जेड फोल्ड ५ सार्वजनिक गर्न रिटेलर मिट

A+ A A-

काठमाडौंमा ग्यालेक्सी जेड फ्लिप ५ र जेड फोल्ड ५ को सफलतापूर्वक अनावरण गरेपछि सामसुङ नेपालले काठमाडौंमा २०८० साउन ३२ गते रिटेलर मिट कार्यक्रमको आयोजना गरेको छ । रिटेलर मिटमा नयाँ फोल्डयोग्य उपकरणहरूका साथमा कारोबार गर्ने प्रतिष्ठित ९० जनाभन्दा बढी व्यापारी साझेदारहरूको उपस्थिति थियो ।

उक्त कार्यक्रमका दौरान हालै बिक्री शुभारम्भ गरिएका नयाँ मोडलहरू ग्यालेक्सी जेड फोल्ड ५ र ग्यालेक्सी जेड फ्लिप ५ का विशेषताहरू जस्तै; पकेटेबिलिटी, कभर स्क्रिन, फ्लेक्स मोड, वाइड स्क्रिन, इमर्सिभभिउइङ, सेल्फी र आईपीएक्स ८ का खुबीहरू दर्शाउनुका साथै तिन्का बारेमा छलफल गरिएको थियो ।

दुवै ग्यालेक्सी जेड फ्लिप ५ र ग्यालेक्सी जेड फोल्ड ५ लाई धेरै टिकाउपनाको अपेक्षा पूर्ति गर्ने गरी सावधानीपूर्वक निर्माण गरिएको छ । मुख्य स्क्रिन सक डिस्पर्सन तहका साथ जडान गरिएको छ र अत्यधिक सलिड डिस्प्लेका लागि पुनः डिजाइन गरिएको छ ।

साथै, आईपीएक्स ८ को समर्थन, आर्मर अलुमिनियम फ्रेमहरू र गोरिल्ला ग्लास भिक्टसको प्रयोग फ्लेक्स विन्डो र पछाडि कभर दुवैतिर गरिएको छ । ग्यालेक्सी जेड फ्लिप ५ र ग्यालेक्सी जेड फोल्ड ५ ले ग्राहकहरूलाई अपेक्षाकृत संरक्षण प्रदान गर्छ, जसलाई फ्लेक्स हिन्जले थप विस्तार गरेको छ । यो नयाँ एकीकृत हिन्ज मोडलमा बाह्य असरहरूलाई फैलाउने दुई रेलको संरचनाको विशेषता छ । यसको खोज उद्देश्यमूलक रूपमै अधिकतम दिगोपनाका लागि गरिएको हो । उत्पादनको जीवनचक्र बढाउन हरेक उपकरण ५ वर्षको सुरक्षा अद्यावधिक र ओएस स्तरोन्नतिको ४ पुस्ताका साथ उपलब्ध छ ।

ग्यालेक्सी जेड फ्लिप ५ ले स्व–अभिव्यक्तिका लागि निर्मित खल्ती आकारको उपकरणमध्येबाट स्टाइलिस, उत्कृष्ट फोल्ड गर्न योग्य अनुभव प्रदान गर्ने कम्पनीको दाबी छ । ग्यालेक्सी जेड फ्लिप ५ तीन प्रकारका रङहरू मिन्ट, लाभेन्डर र कालोमा उपलब्ध छ । यो एकै प्रकार (८ प्लस २५६ जीबी) मा मात्र उपलब्ध छ र यसको मूल्य १ लाख ३९ हजार ९ सय ९९ रुपैयाँ तोकिएको छ ।

ग्यालेक्सी जेड फोल्ड ५ वाइड स्क्रिनयुक्त अल्टिमेट प्रोडक्टिभिटी भएको मोबाइल हो । निमग्न प्रदान गर्दै, वाइड स्क्रिन र धेरै समय चल्ने ब्याट्रीसहितको सबैभन्दा पातलो हल्का फोल्ड गर्न मिल्ने ग्यालेक्सी जेड फोल्ड ५ जहाँ पनि लैजान सजिलो छ ।

साथै, ग्यालेक्सी जेड सिरिजमा सबैभन्दा शक्तिशाली पर्फर्मेन्स प्रदान गर्छ । ग्यालेक्सी जेड फोल्ड ५ कालो र हल्का नीलो २ प्रकारका दामी रङहरूमा पाइनुका साथै १२ जीबी मेमोरीसहितका २५६ जीबी र ५१२ जीबी भण्डारण क्षमता भएको गरी २ प्रकारमा उपलब्ध छन् । ग्यालेक्सी जेड फोल्ड ५ (१२ प्लस २५६ जीबी) को मूल्य २ लाख २६ हजार ९ सय ९९ र ग्यालेक्सी जेड फोल्ड ५ (१२ प्लस ५१२ जीबी) को मूल्य २ लाख ३९ हजार ९ सय ९९ रुपैयाँ कायम गरिएको छ ।

यी मोडलहरूको प्रि–अर्डर गत साउन २२ गतेदेखि नै सुरू भइसकेको छ । यसका साथै हरेक फोल्डयोग्य डिभाइसको प्रि–अर्डरमा ग्राहकहरूले २५ हजार रुपैयाँसम्मको छुटका साथै अन्य छुटाउनै नहुने आकर्षक उपहारहरू पनि दिइने कम्पनीले जनाएको छ ।

प्रि अर्डर उपहारहरू:

यसका साथै ग्राहकहरूले सामसुङ इन्स्टा फाइनान्स प्रयोग गरी शून्य प्रतिशत ब्याजमा प्रतिमहिना ७ हजार रुपैयाँसम्मको न्यूनतम ईएमआई तिरेर फोन किन्न सकिने कम्पनीको भनाइ छ । सामसुङ इन्स्टा फाइनान्स २२ वटा सामसुङ एक्स्पेरियस स्टोरका साथै देशभरिका २०० भन्दा बढी पसलहरूमा उपलब्ध छ ।

यसैगरी, यदि ग्राहकहरूले आफ्नो मोबाइलको स्तरोन्नति गर्न चाहेमा एक्सेन्ज सुविधा पनि उपलब्ध गराइएको छ । पुरानो मोबाइलको मूल्यांकन गरेर त्यो मूल्यबराबरको रकम नयाँ फोल्डेबल मोबाइल किन्दा घटाइनेछ । सामसुङले एकपटकका लागि एनएलजी इन्स्योरेन्ससँगको सहकार्यमा ब्रेकेज बीमा सेवा पनि उपलब्ध गराएको छ भने एक वर्षभित्रमा एकपटकका लागि प्रोटेक्टिभ फिल्म बदल्ने सेवा पनि प्रदान गरेको छ ।

प्रकाशित मिति: आइतबार, भदौ ३, २०८० १४:१४