’स्मार्ट छोरी’ अभियान सुरु

A+ A A-

दस हजार किशोरी र महिलाहरुलाई डिजिटल तथा वित्तिय साक्षरता प्रदान गर्ने उद्धेश्यका साथ खल्ती डिजिटल वालेट ले आजदेखि स्मार्ट छोरी अभियान सुरु गरेको छ ।
देशव्यापी रुपमा संचालित यस अभियानले किशोरी र महिलाहरुमाझपुगेर उनीहरूको जीवन र समुदायमा परिवर्तन ल्याउने लक्ष्य राखेको छ ।

नेपालमा घरका अधिकांश निर्णयहरु पुरुष सदस्यले मात्रै लिने गरेको सन्दर्भमा किशोरीहरुको करियरलाई सघाउ पुर्याउन अभियान सुरु गरिएको हो । स्मार्ट छोरी अभियानले उनीहरुलाई बिभिन्न जीवन उपयोगी सीप प्रदान गरी क्षमता अभिबृद्धि गर्ने र सशक्तीकरणमा टेवा पुर्याउने लक्ष्य लिएको छ ।

स्मार्ट छोरी खल्तीएप भित्र संचालित ई–लर्निङ प्लाटफर्म भएको जनाइएको छ । यो अभियानमा सहभागिहरुले सूचना तथा सञ्चार प्रविधीको सहि सदुपयोग गर्न सिक्नुका साथै डिजिटल भुक्तानी, अनलाईन सुरक्षा र वित्त व्यबस्थापन लगायतका कुराहरु सिक्ने बताइएको छ ।

स्मार्टफोन बोक्ने र इन्टरनेटको पहुँचमा रहेका १५ देखि ३५ वर्ष उमेर समूहका नेपाली किशोरी तथा महिलाहरु यो अभियानमा सामेल हुन सक्ने खल्ती एपले जनाएको छ । अभियानको घोषणा गर्दै ‘खल्ती’का निर्देशक तथा ’स्मार्ट छोरी’का संयोजक अमित अग्रवालले अधिकांशको ध्यान भौतिक पूर्वाधार विकास गर्ने तर्फ मात्रै रहेकाले त्यसले मात्रै डिजिटल नेपाल नहुने बताए ।

यो अभियानले नेपाल सरकारको स्मार्ट सिटि र डिजिटल नेपालको सपनालाई टेवा पुर्याउने अग्रवालको विश्वास छ ।

स्मार्ट छोरी अभियानमा कसरी सहभागीहुने ?

१५ देखि ३५ वर्षसम्मका किशोरी तथा महिलाहरुले ‘खल्ती डिजिटल वालेट’ एप डाउनलोड गरी उक्त एपको गृह पृष्ठमा दिइएको ‘स्मार्ट छोरी’ ब्यानरमा क्लिक गरी यो अभियानमा जोडिन सक्नेछन् । यो इ लर्निङ प्लाटफर्म महिला प्रयोगकर्ताहरुलाई मात्रै उपलब्ध हुनेछ ।
खल्ती एप गुगलप्ले स्टोर तथा एप स्टोरमा गई खल्ती टाइप गरेर (khalti.com/download) मार्फत डाउनलोड गर्न सक्नेछन् ।

प्रकाशित मिति: बिहीबार, फागुन ९, २०७५ ०५:४८