महासंघमा चन्द्र प्रसाद ढकालका एक सय दिन: के भयो, के हुँदैछ ?

A+ A A-

नेपाल उद्योग वाणिज्य महासंघका अध्यक्ष चन्द्र प्रसाद ढकाल नेतृत्वमा आएको एक सय दिन पूरा भएको छ । आफू नेतृत्वमा आएको एक सय दिन पुगेको अवसरमा उनले महासंघले सुरु गरेका काम र आगामी दिनमा गर्ने कामबारे ब्रिफिङ गरेका छन् ।

उनले पदाधिकारीहरू र सभापति निरन्तर काममा जुटेको बताएका छन् । उनले भनेका छन्, ‘यसबीचमा राजधानी र बाहिर जब फेयर आयोजना गरिएको थियो । विभिन्न अध्ययन अनुसन्धानको काम सुरु भएको छ । उहाँहरूले सरकारका उच्च पदस्थ अधिकारीहरूसँग छलफल सुरु गर्नुभएको छ । म आशावादी छु सकारात्मक नतिजा आउने नै छ ।’

महासंघको विधान संशोधन प्रक्रिया पनि यो अवधिमा सुरु भएको ढकालले बताएका छन् । उनले भनेका छन्, ‘हामीले विधान संशोधन प्रक्रियालाई पनि अगाडि बढाएका छौँ । यसअघि तयार भएको मस्यौदामा नै थप छलफल गरी अगाडि बढाउने योजना हाम्रो छ । यसका लािग सुझाव संकलन गर्न पदाधिकारीहरूलाई जिम्मेवारी दिइएको छ । उहाँहरूले आप्mनो क्षेत्रबाट सुझाव लिएर आएपछि पदाधिकारी समितिको वैठकमा छलफल हुनेछ । पदाधिकारीहरूले नै अपनत्व लिएर छलफल गरी अगाडि बढाउँदा कार्यान्वयनमा लग्न सहज हुने हुँदा यसपटक अध्यक्षको नेतृत्वमा नै पदाधिकारीले संशोधनको जिम्मा लिंदैछन् ।’

ढकालले ६–६ महिनामा समिति फोरमका सभापति एवं सदस्यहरूको कार्य सम्पादन मुल्यांकन हुने व्यवस्था पनि गरिएको बताएका छन् । सोहीअनुसार आवश्यकता परेमा परिवर्तन पनि गरिने उनले बताएका छन् । उनले भनेका छन्, ‘सबै परिषद्, समिति र फोरममा सचिवालयबाट संयोजन गर्ने प्रमुख तोकिइसकेको छ । परिषद्, समिति र फोरमको मासिक कार्ययोजना अनुसार काम हुनुपर्नेछ ।’