के हाे आँखा पाक्ने ‘कन्जन्टिभाइटिस’ रोग ? बढी जोखिम कसलाई ?

A+ A A-

पछिल्ला केही दिनयता आँखा पाक्ने रोग अर्थात् एक्युट कन्जन्टिभाइटिस देखिन थालेको छ । अहिले यो देशभर फैलिरहेको छ । यो एडिनो भाइरसका कारण लाग्ने एक सरुवा रोग हो ।

आँखाको सेतो भाग र ढकनीको भित्री भाग छोप्ने पातलो झिल्लीलाई ‘कन्जन्टिभ’ भनिन्छ । त्यसको संक्रमण नै आँखा पाक्ने रोग अर्थात् एक्युट कन्जन्टिभाइटिस भएको विज्ञहरूको भनाइ छ ।

आँखा रोग विशेषज्ञ डा. इन्दु प्रसाद ढुंगेलका अनुसार धेरैजसो व्यक्तिहरूमा एउटा मात्रै आँखामा देखा पर्ने यो रोग प्रत्येक वर्ष वर्षायाममा देखिने गर्छ । उनले भने, ‘यो पानी पर्न सुरु भएदेखि हुने गर्छ । धेरैलाई एउटै आँखामा मात्र हुने गरे पनि केहीलाई दुवै आँखामा हुन सक्छ ।’

यो रोगका कारण आँखाको ज्योतिमा समस्या त आउँदैन । तर, संक्रमण भइरहेका बेला जथाभावी औषधिको प्रयोग गरेको अवस्थामा भने आँखाको ज्योति गुम्न सक्ने डा. ढुंगेलले बताए । उनले भने, ‘यो भाइरल संक्रमण मात्र भएका कारण आँखाको भिजनमा समस्या आउँदैन । संक्रमण भएका व्यक्तिले जथाभावी औषधि प्रयोग गर्नु हुँदैन । त्यसो गरेमा आँखाको भिजन नै जान सक्छ ।’ त्यस्तै, आँखाको जाली सुन्थो चिप्रो लाग्यो भने तुरुन्तै नजिकैको आँखा अस्पतालमा पुग्न चिकित्सकहरूले सुझाएका छन् ।

बालबालिकालाई बढी जोखिम

सामान्य आँखा मात्रै रातो भएको अवस्थामा आफैँ निको भएर जाने डा. ढुंगेल बताउँछन् । आँखा पाक्नेबित्तिकै आँखा जाँच गराउनैपर्छ भन्ने छैन । यसको लक्षण देखिएको १-२ हप्तामा क्रमिक सुधार हुँदै जान्छ । र, २-३ हप्तामा यो रोग निको हुन्छ ।

तर, यसको संक्रमणबाट बालबालिकालाई जोगाउनुपर्ने उनको भनाइ छ । हुन त यो रोगको संक्रमण सबैलाई उत्तिकै हुने गर्छ । बालबालिकालाई संक्रमण भएमा उनीहरूको आँखामा जालो बस्ने भएका कारण बालबालिकालाई बढी जोखिम हुने डा. ढुंगेल बताउँछन् ।

कस्ता लक्षण ?