कोरोनाले टुहुरा बनेका बालबालिकालाई छात्रवृत्ति उपलब्ध गराउन 'बार्बी' चलचित्रको प्रिमियर

कोरोनाले टुहुरा बनेका बालबालिकालाई छात्रवृत्ति उपलब्ध गराउन 'बार्बी' चलचित्रको प्रिमियर

A+ A A-

कोभिड– १९ महामारीबाट आमाबाबु/अभिभावकहरू गुमाएका नेपालभरका बालबालिकाहरूलाई माध्यमिक तह (एसईई) सम्मको शिक्षाका लागि छात्रवृत्ति उपलब्ध गराउन अंग्रेजी चलचित्र 'बार्बी'को हालै प्रिमियर गरियो ।

एफएमएनडब्लू छात्रवृत्ति कार्यक्रमका लागि आर्थिक सहयोग जुटाउने उद्देश्यले डीएम फाउन्डेसन (मुनाफा वितरण नगर्ने संस्था) र एफएमएनडब्लू (पूर्वमिस नेपाल )को सहकार्यमा क्यूएफएक्स सिनेमा, सिभिल मलमा उक्त फिल्मको प्रिमियर गरिएको हो ।

डीएम फाउन्डेसन र एफएमएनडब्लू (पूर्वमिस नेपाल) को सहकार्यमा कोभिड-१९ बाट आफ्ना आमाबाबु/अभिभावकहरू गुमाएका नेपालभरका बालबालिकाहरूको पारिवारिक आर्थिक अवस्था हेरी फाउन्डेसनको कोष रकमअनुसार हालसम्म १३ जना बालबालिकालाई छात्रवृत्ति प्रदान गरिसकिएको फाउन्डेसनले जनाएको छ । सो संख्यालाई अझ वृद्धि गराउने उद्देश्यका साथ यस चलचित्रको प्रिमियर गरिएको हो ।

चलचित्र प्रिमियरका लागि डाबर नेपाल, हल्दिराम्स, ब्रिज सिमेन्ट, ऊर्जा ज्वेलर्स, शुभश्री कलेज, वाउ पपकर्न, भेदा सैलुन, माकुसे, भेटायोरइभाश कन्सल्टिङजस्ता प्रख्यात ब्रान्ड तथा कम्पनीले प्रायोजन गरेका थिए ।

कार्यक्रममा आईएमएस ग्रुपका प्रमुख कार्यकारी अधिकृत दिकेश मल्होत्राले चलचित्र प्रिमियरमा उपस्थित भई टिकट किन्ने दर्शक एवं प्रायोजन र साथ सहयोग गर्ने सबै ब्रान्डलगायत एफएमएनडब्लू (पूर्वमिस नेपाल) लाई धन्यवाद दिए । उनले डीएम फाउन्डेसन र एफएमएनडब्लू (पूर्वमिस नेपाल)को छात्रवृत्ति कार्यक्रम देशव्यापी गर्नका निम्ति यस्ता खालका परोपकारी कार्यले कोरोनाका कारण टुहुरा बनेका बालबालिकालाई उचित शिक्षा प्रदान गर्न महत्त्वपूर्ण सहयोग पुग्ने विश्वास व्यक्त गरे ।