एनसेलको कम्बो प्याक, ९९८ मा अनलिमिटेड अल नेट भ्वाइस कल, प्रत्येक दिन २ जीबी डेटा र ४०० अल नेट एसएमएस

एनसेलको कम्बो प्याक, ९९८ मा अनलिमिटेड अल नेट भ्वाइस कल, प्रत्येक दिन २ जीबी डेटा र ४०० अल नेट एसएमएस

A+ A A-

एनसेलका ग्राहकहरूले अब कुनै पनि नेटवर्कमा अनलिमिटेड भ्वाइस कलसहित दैनिक रूपमा डाटा र एसएमएस सेवाको फाइदा लिँदै सधैँ कनेक्टेड रहन पाउने भएका छन् ।

एनसेल आजियाटा लिजिटेडले अन नेट र अफ नेट दुवैमा सेवाको फाइदा लिन सकिने गरी दुई आकर्षक कम्बो प्याकहरू सञ्चालनमा ल्याएको छ ।

अफ नेट अर्थात् एनसेलबाहेक अन्य नेपाली मोबाइल सेवाप्रदायक कम्पनीको नम्बरमा सुलभ दरमा कल गर्न ग्राहकले अल नेट कम्बो प्याक लिन सक्छन् । यस प्याकमा ग्राहकले अनलिमिटेड अल नेट भ्वाइस कल, प्रत्येक दिन २ जीबी डाटा र ४०० वटा अल नेट एसएमएस सेवा करसहित ९९८ रुपैयाँमा लिन सक्छन् । ग्राहकले *17118*7*3# डायल गरी सजिलै यो प्याक लिन सक्ने कम्पनीले जनाएको छ ।

त्यसैगरी, अन नेट अर्थात् एनसेलका नम्बरहरूमा कल गर्न भ्वाइस सेवा आवश्यक रहेका ग्राहकहरूले अझ सुलभ दरमा कुराकानी गर्न प्रतिदिन १ जीबी डाटा, २०० वटा एसएमएससहित अन नेट अनलिमिटेड सेवा करसहित मात्र ७९८ रुपैयाँमा लिन सक्छन् । यो प्याक *17118*7*2# डायल गरी लिन सकिने कम्पनीले जनाएको छ ।

यी दुवै कम्बो प्याकको समयवधि २८ दिन रहेको कम्पनीको भनाइ छ ।

अनलिमिटेड भ्वाइस कलसहित डाटा र एसएमएस सेवा बन्डल भएकाले यी दुवै प्याकहरूले ग्राहकहरूलाई ठूलो महत्त्व राख्ने एनसेलले जनाएको छ । एनसेलका अनुसार यी प्याकमार्फत ग्राहकले अझै सुलभ दरमा अफ नेट, अन नेट भ्वाइस, डाटा र एसएमएस सेवा लिन सक्छन् ।

एनसेल आजियाटा लिमिटेड नेपालको पहिलो निजी मोबाइल सेवाप्रदायक कम्पनी हो । सन् २००४ मा स्थापित यस कम्पनीले उच्च गुणस्तरीय आधुनिक सेवा प्रदान गर्दै प्रत्येक नेपालीलाई आफ्नो नेटवर्कमार्फत जोड्न, आफ्ना ग्राहक र साझेदारहरूलाई लाभ प्रदान गर्न अनवरत रूपमा काम गर्दै आएको छ ।

एनसेलले एक जिम्मेवार कर्पोरेट नागरिकका रूपमा व्यावसायिक सामाजिक जिम्मेवारी (सीएसआर)अन्तर्गत स्वास्थ्य, शिक्षा, वातावरणलगायतका विभिन्न क्षेत्रमा १ अर्ब ७५ करोड रूपैयाँभन्दा बढी लगानी गरेको छ । यस कम्पनीले १ करोड ६० लाखभन्दा बढी ग्राहकलाई आफ्नो नेटवर्कमार्फत सेवा प्रदान गर्दै आएको छ ।

प्रकाशित मिति: सोमबार, साउन ८, २०८० १३:५८