नेपाली राष्ट्रिय महिला फुटबल टिमको आधिकारिक प्रायोजकमा युनिलिभर नेपाल

A+ A A-

नेपाली राष्ट्रिय महिला फुटबल टिमका लागि बहुराष्ट्रिय कम्पनी युनिलिभर नेपालले आधिकारिक प्रायोजन गर्ने भएको छ । त्यसका लागि युनिलिभर नेपाल र अखिल नेपाल फुटबल संघ (एन्फा)बीच सम्झौता भएको छ ।

उक्त सम्झौताले नेपाली खेलकुदमा महिलाको विकास र सशक्तीकरण र भविष्यमा पनि खेलकुदको क्षेत्रमा दिगो र सम्भावनाहरूको आधार तयार गर्न उल्लेखनीय योगदान पुग्ने युनिलिभर नेपालको विश्वास छ ।

युनिलिभर नेपालको अखिल नेपाल फुटबल संघ (एन्फा) सँगको साझेदारी नै युनिलिभर नेपालको नेपालमा सकारात्मक सामाजिक परिवर्तन र महिला सशक्तिकरणका लागि प्रतिबद्ध हुनुको सकारात्मक पक्ष हो । युनिलिभर नेपाल र अखिल नेपाल फुटबल संघ (एन्फा) एकसाथ उभिनाले खेलकुदमा महिलाहरूका लागि भविष्य अझ उज्यालो बनाउने र महिला फुटबल खेलाडीहरूको पुस्तालाई प्रेरित गर्ने विश्वास गरिएको छ ।

यस कम्पनीका ब्रान्डहरू लाइफ ब्वाय र डभले स्वच्छता, स्वास्थ्य, आत्म–सम्मानको प्रवद्र्धन गर्दै समाजद्वारा निर्धारित सौन्दर्य मापदण्डलाई चुनौती दिने कुरामा अग्रपङ्क्तिमा रहेका छन् । यी ब्राण्डहरूप्रतिको विश्वासलाई सदुपयोग गरेर युनिलिभर नेपालले समुदायहरूलाई सशक्त बनाउन र महिला खेलाडीहरूका लागि दिगो परिवर्तन सिर्जना गर्न आफ्नो प्रयास सदैव जारी राख्ने जनाएको छ ।

साथै, यस प्रायोजनमार्फत युनिलिभर नेपालले सबै पक्षमा महिला फुटबल टोलीलाई सहयोग र प्रवर्द्धन गर्न नजिकबाट काम गर्नेछ । साथै, उक्त टोली र महिला खेलाडीहरूको विकास र सफलतामा योगदान पुर्‍याउने एवं आगामी पुस्ताका महिला खेलाडीलाई प्रोत्साहित गर्दै भविष्यमा अन्तर्राष्ट्रिय मञ्चमा नेपाललाई अग्र स्थानमा पुर्‍याउने लक्ष्य पनि लिएको छ ।

युनिलिभर नेपाल, फुटबलमा मात्र नभई त्यसभन्दा बाहिर पनि सकारात्मक प्रभाव पार्न प्रतिबद्ध छ । यस कम्पनीले आफ्ना विभिन्न परियोजना एवं सन्देशहरूमार्फत न्याय, समानता र सामाजिक कल्याणको सशक्तीकरणमा बलियो अडान लिने गरेको छ ।

प्रकाशित मिति: बुधबार, साउन ३, २०८० १६:०४