२० साउनमा अनिवार्य अवकाश पाउने र २० असारदेखि बिदामा बस्नुपर्ने कार्कीले कति दिन हाँक्लान् सर्वोच्च अदालत ?

२० साउनमा अनिवार्य अवकाश पाउने र २० असारदेखि बिदामा बस्नुपर्ने कार्कीले कति दिन हाँक्लान् सर्वोच्च अदालत ?

A+ A A-

आगामी २० साउनबाट अनिवार्य अवकाशमा जान लागेका कायममुकायम प्रधानन्यायाधीश हरिकृष्ण कार्की छोटो समयका लागि सर्वोच्च अदालतको प्रधानन्यायाधीश बन्ने पक्कापक्कीजस्तै छ ।

३२ जेठमा संसदीय सुनुवाइ गरेर कार्कीलाई प्रधानन्यायाधीशमा अनुमोदन गर्न लागिएको हो । कानुनी व्यवस्थाअनुसार प्रस्तावित प्रधानन्यायाधीशको नाम अनुमोदन नगर्न संसदीय सुनुवाइ समितिको कम्तीमा दुईतिहाइ मत आवश्यक पर्छ । समितिमा रहेको मतका आधारमा हेर्दा कार्की छोटो समयका लागि प्रधानन्यायाधीश बन्ने देखिन्छ ।

‘प्रस्तावित व्यक्ति अनुमोदन हुने/नहुने भन्ने विषय समितिले निर्णय गर्ने विषय हो । प्रस्तावित व्यक्तिसँग समेत छलफल गरिसकेपछि समितिको बैठकले नियमावली बमोजिम दुई/तिहाइबाट अस्वीकृत भएन भने अनुमोदन भएको मान्नुपर्ने संवैधानिक व्यवस्था छ,’ संघीय संसद सचिवालयका प्रवक्ता सहसचिव एकराम गिरी भन्छन् ।

समितिको संरचनामा सत्तापक्षका सांसदहरूको बहुमत भएकाले कार्की प्रधानन्यायाधीशमा अनुमोदन हुने देखिन्छ । प्रधानन्यायाधीशले अनिवार्य अवकाशमा जानुभन्दा १ महिनाअघि बिदा बस्ने अभ्यास रहेकाले प्रधानन्यायाधीश बनेपछि कार्कीले २० असारसम्म मात्र नियमित काम गर्नेछन् ।

संवैधानिक परिषद्ले प्रधानन्यायाधीशमा कार्कीको नाम सिफारिस गरेपछि समितिले सुनुवाइ थालेको थियो । अनि समितिले कार्कीविरुद्ध उजुरी आह्वान गर्‍यो । प्रवक्ता गिरीले समितिमा २९ वटा उजुरी परेको र त्यसको छानबिन र अनुसन्धान भइरहेको जानकारी दिए ।

कार्कीलाई प्रधानन्यायाधीश बनाउन नहुने भन्दै एक बहालवाला जिल्ला न्यायाधीश डा. श्रीकृष्ण भट्टराईलगायतले उजुरी दिएका थिए । संसदीय सुनुवाइ समितिले ३१ जेठमा उजुरीकर्ताहरूसँग छलफल गर्ने भएको छ । यसपछि प्राप्त उजुरीमध्ये योग्य उजुरीलाई सुनुवाइको समयमा प्रश्नको रूपमा लगिने गिरी बताउँछन् ।

संवैधानिक परिषद्ले कार्कीलाई भावी प्रधानन्यायाधीशमा सिफारिस गरे पनि संसदीय सुनुवाइ समिति गठन नहुँदा सुनुवाइ हुन सकेको थिएन । १४ जेठमा संघीय संसदको संयुक्त बैठक र संयुक्त समिति कार्यसञ्चालन नियमावली पारित भएसँगै सुनुवाइ समिति गठनको बाटो खुलेको थियो । सदनले सोही दिन समिति गठन गर्‍यो ।

सुनुवाइ समितिले १७ जेठमा सार्वजनिक सूचनामार्फत १० दिनको समय दिई कार्कीविरुद्ध उजुरी आह्वान गरेको थियो । उक्त समयमा २९ वटा उजुरी दर्ता भएका छन् । कसैले व्यक्तिगत र कसैले संयुक्त रूपमा उजुरी दिएको समिति सचिवालयले जनाएको छ । जसमध्ये ५ उजुरी इमेलमार्फत आएका छन् भने २४ वटा उजुरी लिखित छन् ।

उजुरीमा कार्की प्रधानन्यायाधीशमा नियुक्ति हुन अयोग्य रहेको दाबी गरिएको छ । प्रधानन्यायाधीशमा सिफारिस भएका व्यक्तिविरुद्ध जोकोहीले पनि उजुरी दिन सक्ने व्यवस्था छ । तर, बहालवाला न्यायाधीश नै आफैँ उजुरी बोकेर संसदीय सुनुवाइ समितिमा पुगेको सम्भवतः यो पहिलो घटना हो ।

उजुरीकर्ताहरूले रोलक्रममा जुनियरलाई राजनीतिक आडमा सर्वोच्च प्रवेश गराएर प्रधानन्यायाधीश बनाउन लागिएको, कार्यक्षमताको अभाव, स्वार्थ बाझिने मुद्दा सुनुवाइ गरेको, न्यायिक विचलन देखिने गरी काम गरेको, शैक्षिक योग्यतालगायतका प्रश्न उठाएका छन् ।

ऐनअनुसार पदमा नरहने चिट्ठी पाइसकेको व्यक्ति त्योभन्दा माथिको पदमा जान नमिल्ने कतिपय उजुरीकर्ताको भनाइ छ । १९ साउनदेखि उमेरहदका कारण अनिवार्य अवकाशमा जानुपर्ने कार्कीलाई सिफारिस गरिएको भन्दै उजुरी परेका छन् ।

२५ वैशाखमा संवैधानिक परिषद्ले कार्कीलाई प्रधानन्यायाधीशमा सिफारिस गरेको थियो । संसदीय सुनवाइ समितिले अनुमोदन गरेपछि राष्ट्रपतिले प्रधानन्यायाधीशलाई नियुक्त गर्ने संवैधानिक व्यवस्था छ । संसदीय सुनुवाइ समितिको सोमबार बसेको बैठकले प्रधानन्यायाधीशमा प्रश्तावित कार्कीको सुनुवाइ ३२ जेठमा गर्ने र त्यसै दिन प्रस्ताव अनुमोदन गर्नेलगायतको कार्यतालिका परिमार्जनसहित पारित गरेको छ । कार्यतालिकामा उजुरीकर्ताहरूसँग छलफलका लागि ३० जेठ बुधबार बिहान ११ बजेको समय तोकिएको छ ।

प्रकाशित मिति: मंगलबार, जेठ ३०, २०८० २०:५१

शिलापत्र संवाददाता

प्रतिक्रिया दिनुहोस्

भर्खरै

साहित्यकार राजेन्द्र बिमल अस्वस्थ, शहीद गंगालालमा भर्ना

भारु र चाँदीसहित एक भारतीय महिला पक्राउ

तीन लाख शरणार्थीले छाडे रफाह, जमिनी आक्रमणको तयारीमा इजरायली सेना

रातो मछिन्द्रनाथ रथ तान्न सुरू

सुष्मा र प्रमोदको रोइला भजन ‘गठबन्धन’ सार्वजनिक

लोकप्रिय

जसपा विभाजनसँगै वैकल्पिक गठबन्धनको च्याप्टर क्लोज, अब के गर्छ कांग्रेस ?

जसपा विभाजनले प्रचण्डलाई राहत, माधव नेपालकाे सपना चकनाचुर

कलंकीबाट हराएकी स्नेहा सात दिनपछि पशुपतिमा भेटिइन्

सन्दीप लामिछानेको मुद्दामा कसरी जोडिए पारस ? यस्ता छन् परिघटना

अमेरिका शयरमा रहेका उपेन्द्रलाई अशाेक राई र प्रदीप यादवकाे ‘सरप्राइज’, कसरी बन्यो पार्टी फुटाउने गोप्य डिजाइन ?

विचार

नगरवधू आम्रपाली कसरी भिक्षु भइन् ?

खुसीको कुरा, नेपालीको आयु बढ्यो तर हेरचाह गर्ने कसले ?

इलाम- २ को उपनिर्वाचनपछि रास्वपा नेतृत्वले बुझाेस्- सधैँसधैँ आँधीहुरी आउँदैन

ब्लग

गोसाइँकुण्ड यात्राले स्वस्थ छु, चुस्त छु भन्ने भ्रमबाट मुक्त गरायो

म गे हुँ भनेर थाहा पाउँदा आमालाई सुर्ता भयो, 'अब यसलाई समाजले कति दुःख देला नि'

'बोक्सीको घर' हेरेपछि निदाउनै सकिनँ

शिक्षा

युनिग्लोब स्कुल कमलादीले ५० भन्दा धेरै विद्यालयका शिक्षकलाई तालिम दिँदै

एनसीआईटी कलेजमा डिप लर्निङको विषयमा तीनदिने प्रशिक्षण, ४० जनाभन्दा बढी शिक्षकको सहभागिता

केयूकाे भाषा तथा आमसञ्चार विभागले अन्तर्राष्ट्रिय सङ्गोष्ठी गर्दै