इप्पान चुनावः उपाध्यक्षमा भरत खत्री साझा उम्मेदवार

A+ A A-

स्वतन्त्र ऊर्जा उत्पादक संघ (इप्पान) को ३२ जेठमा हुने चुनावका लागि धमाधम उम्मेदवारी घोषणा भइरहेका बेला कार्यसमिति उपाध्यक्षमा भरत खत्री साझा उम्मेदवार बनेका छन् । खत्री हाल सचिव छन् । गणेश कार्की र किरण मल्ल प्यानल बनाएर चुनावी मैदानमा होमिएका छन् । खत्रीलाई दुवैले आफ्नो प्यानलमा राखेका छन् ।

सोमबार कार्कीले उम्मेदवारी घोषणा गर्न आयोजना गरेको कार्यक्रममा खत्री पनि उपस्थित थिए । खत्री कानुन व्यवसायीका साथै पर्यटन उद्यमीसमेत हुन् । उनी पछिल्लो समय जलविद्युत आयोजना निर्माणमा सक्रिय छन् । करिब १२ वर्षदेखि ऊर्जा क्षेत्रमा रहेका खत्रीले यो क्षेत्रका समस्या समाधानका लागि नीति निर्माण तहसम्म पहल गर्दै आएका छन् ।

खत्रीले अपी पावर कम्पनीबाट ऊर्जाको व्यवसायिक यात्रा सुरु गरेका हुन् । अपी पावरपछि जोशी हाइड्रो, हिमाल हाइड्रो दोलखा, पिपुल्स पावर कम्पनीलाई उनले सफल बनाइसकेका छन् । ९७ मेगावाटको निजी क्षेत्रको सबैभन्दा ठूलो इखुवा खोला जलविद्युत आयोजना खत्रीले निर्माण गरिरहेका छन् । सो आयोजना संखुवासभामा निर्माण भइरहेको छ । १४ दशमलव ५ मेगावाटको इसुवा खोला हाइड्रो, ४० मेगावाटको इसुवा पावर र कृष्ण पावर खत्रीको नेतृत्वमा निर्माण भइरहेका छन् ।

खत्रीका एजेण्डा

१ इप्पानको उद्देश्य र लक्ष्यअनुसार सम्बन्धित निर्देशित कार्य गर्ने ।

२ यथासक्य व्यवसायिक हक लक्षित विद्युत ऐन निर्माणमा लाग्ने ।

३ विगत लामो समयदेखि रोकिएको पीपीएहरू गर्न पहल गर्ने ।

४ विभिन्न समयमा हाइड्रो पावरको प्रोमोटर शेयर संरचना तथा शेयर लकइन अवधि सम्बन्धमा हुने गरेका वादविवादहरूको अन्त्य गर्ने ।