सेल्लुसिटीले भित्र्यायो 'प्रोमेट' ब्रान्डका उपकरण, खरिदकर्ता दुई जनालाई सुनको सिक्का

सेल्लुसिटीले भित्र्यायो 'प्रोमेट' ब्रान्डका उपकरण, खरिदकर्ता दुई जनालाई सुनको सिक्का

A+ A A-

नेपाली बजारमा भिभो मोबाइललगायत एंकर र नोइजजस्ता मोबाइल उपकरणको आयातकर्ता र वितरक सेल्लुसिटी अन्तर्राष्ट्रिय प्रालिले ताइवानको परिचित 'प्रोमेट' ब्रान्डका सामग्रीलाई नेपाल भित्र्याएको छ । कम्पनीले आफ्ना ग्राहकहरूसमक्ष उच्च गुणस्तरीय उपकरणको पहुँच बढाउनका निम्ति उक्त ब्रान्डका सामानहरू भित्र्याएको जनाएको छ ।

सन् २०१७ मा स्थापना भएसँगै नेपाली बजारमा प्रवेश गरेको सेल्लुसिटी अन्तर्राष्ट्रिय प्रालिले मोबाइल तथा अन्य प्रविधिका उपकरणहरूको बढ्दो मागलाई पूरा गर्दै आइरहेको छ । पूर्वदेखि पश्चिमभर प्रभावकारी वितरण सञ्जाल भएको सेल्लुसिटी अन्तर्राष्ट्रिय प्रालिले अनलाइन माध्यमबाट प्रोमेटका उपकरणहरू वितरण गर्ने सोच बनाउँदै दराज अनलाइन स्टोरसँग सहकार्य गरेको हो ।

प्राविधिक रूपले जानकार र उच्च गुणस्तरका उपकरण खोज्ने उपभोक्ताहरूको आवश्यकतालाई पूरा गर्ने उद्देश्यले नेपालमा ताइवानको 'प्रोमेट' भित्र्याउन लागिएको कम्पनीको भनाइ छ ।

सन् २००१ मा स्थापना भएर बजारमा आफ्ना उपकरणहरू उपलब्ध गराउँदै प्रोमेटले हाल सम्म लाखौँ ग्राहकहरूको माया र प्रविधि क्षेत्रका थुप्रै पुरस्कारहरू पनि प्राप्त गरिसकेको छ । स्मार्टफोन केस, ब्लुटुथ स्पिकर, एप्पल मोबाइलका उपकरण, डाटा केबल, कार चार्जर, इयर पड्स, हेडफोन र यूएसबी हबलगायत स्मार्ट वाचहरू पनि उत्पादन गर्दै आएको यस कम्पनीका सामानहरू गुणस्तरीय र टिकाउ हुने कम्पनीको दाबी छ ।

उत्पादनमा नवीनता, गुणस्तर र ग्राहक केन्द्रित सेवालाई प्राथमिक्तामा राख्दै उच्च गुणस्तर प्रविधिद्वारा प्रयोगकर्ताको जीवनलाई सहज बनाउने लक्ष्य बोकेको प्रोमेटलाई नेपाल भित्र्याउँदै सेल्लुसिटी अन्तर्राष्ट्रिय प्रालिले प्रोमेटका सामग्रीको खरिदमा प्रयोगकर्तालाई आकर्षक अफर पनि दिने भएको छ ।

नेपालमा प्रोमेटको आगमनको उत्सव मनाउन जेठ २४ गते काठमाडौंस्थित सोल्टी होटलमा सेल्लुसिटी अन्तर्राष्ट्रिय प्रालिले उद्घाटन कार्यक्रम सम्पन्न गर्दै आफ्ना अफरहरू सार्वजनिक गरेको छ ।

स्मार्टफोन केस, ब्लुटुथ स्पिकर, एप्पल मोबाइलका उपकरण, डाटा केबल, कार चार्जर, इयर पड्स, हेडफोन यूएसबी हबलगायत सम्पूर्ण उपकरणमा २४ महिना र स्मार्ट वाचमा १२ महिनाको वारेन्टी दिँदै जेठ ३२ गतेसम्मको उद्घाटन अवधिभर दराज फ्लास सेलमार्फत आफ्ना सामग्री खरिद गर्ने दुई जनालाई एक/एकवटा सुनको सिक्का दिनेछ ।

त्यस्तै, पहिलो १५० ग्राहकलाई ३० प्रतिशत छुट र लक्की ड्र मार्फत पाँच जनालाई प्रोमेटका सामग्री केवल ९९ रुपैयाँमा प्रदान गर्ने पनि योजना कम्पनीले ल्याएको छ । एक हप्ता लामो यो अफर दराज अनलाइन स्टोरमा फ्लास सेल नामले जेष्ठ ३२ गतेसम्म लागू रहनेछ ।

प्रकाशित मिति: बिहीबार, जेठ २५, २०८० १८:०५