इभेण्ट सोलुसनको दसैं मेला असोज २ गतेदेखि, सम्पूर्ण तयारी पूरा

A+ A A-

दसैंको अवसर पारेर असोजको पहिलो सातादेखि राजधानीको भृकुटीण्डपमा स्टक क्लियरेन्स मेला आयोजना हुने भएको छ । इभेण्ट सोलुसन प्रालिको आयोजनामा आगामी असोज २ देखि ६ गतेसम्म उक्त मेला सञ्चालन हुने भएको हो । मेलाको सम्पूर्ण तयारी पूरा भएको आयोजकले जानकारी दिएका छन् ।

मेलामा सस्तो मूल्यमा एकै छानामुनि स्वदेशी तथा विदेशी सामानहरू खरिद गर्न सकिने आयोजक संस्था इभेण्ट सोलुसन प्रालिका प्रबन्ध निर्देशक विजयसागर प्रधानले बताए । चाडपर्वको अवसर पारेर हरेक वर्ष यस्तो ग्राहकमुखी मेला आयोजना गर्दै आएको उक्त कम्पनीले यस पटकको मेला सोही निरन्तरता भएको आयोजकले बताएका छन् ।

‘दसैंको बेला सस्तो मेला’ भन्ने नाराका साथ आयोजना हुने उक्त ५ दिने मेलामा दसैंका लागि आवश्यक सम्पूर्ण सामग्रीहरू विक्रीवितरण हुने प्रबन्ध निर्देशक प्रधानले जानकारी दिए ।

आयोजकका अनुसार मेलामा नेपाल, भारत, पाकिस्तान, बंगलादेश, चीन, थाइल्याण्ड र जापानका उत्पादनहरू राखिनेछ । साथै, मेलामा विभिन्न किसिमका बम्पर छुट अफरसमेत राखिएको छ ।

आयोजक संस्थाका बजार निर्देशक नवीन भट्टले भने, ‘अफरैअफरको व्यापारिक मेला, सपिङ गर्ने यही हो बेला’ भन्ने अर्को नारासहित सञ्चालन हुने सो मेलामा बाहिरी बजारको तुलनामा अत्यन्त सस्तो मूल्यमा सामान खरिद गर्न सकिन्छ । मेलामा घरायसी प्रयोजनका सम्पूर्ण सामग्री, छालाका उत्पादनहरू, खानाका परिकार तथा उत्पादन, कपडा, जुत्ता, ह्याण्डिक्राफ्ट, इलेक्ट्रोनिक्सलगायत सामग्रीका सयभन्दा बढी स्टलहरू रहनेछन् ।’

दसैंका लागि आवश्यक सम्पूर्ण उपभोग्य सामग्रीहरू एकै ठाउँबाट विशेष छुटमा उपलब्ध गराउने लक्ष्यका साथ आयोजना गरिएको मेलामा ‘फिक्स्ड प्राइज’का साथै विशेष अफरहरू सञ्चालन गरिनेछ । मेलाको प्रवद्र्धन नेपाल चेम्बर अफ कमर्शले गर्ने आयोजकले बताएका छन् ।

अर्को मेला पनि एकै समयमा

आयोजकका अनुसार स्टक क्लियरेन्स मेलासँगै अलग्गै प्रदर्शनीस्थलमा नेपालमा उत्पादित धागो तथा कपडाको एक्स्पो पनि सञ्चालन हुनेछ । ‘नेपाल यार्न एण्ड टेक्सटायल एक्स्पो २०१९’ नामको सो मेला नेपाल धागो उत्पादक संघले आयोजना गरेको हो । सो मेलाको व्यवस्थापन पनि इभेण्ट सोलुसन प्रालिले नै गर्नेछ । मेलाको सबै तयारी पूरा भएको छ ।

मेलामा काठमाडौं, भक्तपुर, ललितपुर र आसपासबाट उपभोक्ताहरू बताइएको छ । इभेण्ट सोलुसन प्रालिका अध्यक्ष सुनील भण्डारीले भने, ‘दसैंको सपिङ गर्न उपभोक्ताहरूले बजारमा भौंतारिइरहनु नपरोस् भन्ने उद्देश्यले एकै छानामुनि क्लियरेन्स मेला आयोजना गर्न लागेका हौं ।’
६० हजार उपभोक्ता किनमेलका लागि मेलामा आउने आयोजकको दाबी छ । एक्सपोको प्रवर्द्धन नेपाल नेपाल चेम्बर अफकमर्श, ललिपुर चेम्बर अफ कमर्स र भक्तपुर चेम्बर अफ कमर्सले गर्ने आयोजकले बताएका छन् ।

प्रकाशित मिति: सोमबार, भदौ २३, २०७६ ०१:५६