एलजी ओलेड टीभी एक दशकसम्म शीर्षमा, चालु वर्षको पहिलो त्रैमासमा पनि ६० प्रतिशत बजार हिस्सा

एलजी ओलेड टीभी एक दशकसम्म शीर्षमा, चालु वर्षको पहिलो त्रैमासमा पनि ६० प्रतिशत बजार हिस्सा

A+ A A-

एलजीलाई नेतृत्व र ओलेड टीभी बजारमा निरन्तर प्रभुत्वका लागि मान्यता दिइएको छ । यस वर्ष उत्कृष्टता र ग्राहक अनुभव नवीनताको एक दशक मनाउँदै एलजी ओलेड आफ्नो बेजोड कन्ट्र्यास्टका साथै पर्फेक्ट ब्ल्याक, ट्रु–टु–लाइफ कलरहरू, अभूतपूर्व लचकता र पातलोपनको माध्यमबाट प्रिमियम टीभी खण्डमा पहिलो प्राथमिकतामा रहन पुगेको छ ।

बजार अनुसन्धान फर्म ओम्डियाका अनुसार, कुल ढुवानीबाट बजारको लगभग ६० प्रतिशत हिस्सा ओगटेर २०२३ को पहिलो त्रैमासमा एलजी ओलेड बजारमा अरु प्रतिस्पर्धी ब्राण्डहरूभन्दा अघि रहेर शीर्ष स्थानमा रहेको छ ।

१३० भन्दा बढी राष्ट्रहरूमा बिक्री भइरहेको एलजी ओलेड टीभी विश्वबजारमा सबैभन्दा धेरै ठाउँमा उपलब्ध ओलेड टीभी हो । गत वर्ष एलजी ओलेड टीभीहरूको संचित कुल ढुवानी (२०१३ मा उपलब्ध भएदेखि) १५ मिलियन एकाइको आँकडा नाघेको थियो ।

एलजीले पहिलो त्रैमासमा ७० इन्च र माथिका अल्ट्रा–लार्ज ओलेड टीभीहरूको बजारको ७० प्रतिशतभन्दा बढी हिस्सा ओगटेको छ । कम्पनीले ९७ इन्चको एलजी सिग्नेचर ओलेड एम (मोडल एम३) जस्ता इन्डस्ट्री–लिडिङ सोलुसन्सहरूका साथ अल्ट्रा–लार्ज प्रिमियम टीभी खण्डमा आफ्नो बलियो स्थितिलाई सुदृढ गर्दैछ, जुन मोडल विश्वकै पहिलो कन्ज्युमर टीभी हो । यसले ४के १२० हर्जसम्मको रियल–टाइम भिडियो र अडियो ट्रान्समिसन उपलब्ध गराउँछ ।

पहिलो त्रैमासमा एलजीको ओलेड टीभी र एलसीडी टीभीको संयुक्त ढुवानी लगभग ५.५ मिलियन एकाइहरू थिए, जसमा ओलेड टीभीको हिस्सा मात्र ७ लाख ३८ हजार एकाइ थियो । यसबाहेक एलजीले सन् २०२३ को पहिलो त्रैमासमा आम्दानीका आधारमा विश्वव्यापी टीभी बजारको १७.१ प्रतिशत हिस्सा ओगटेको छ ।

गत वर्षको यही त्रैमासिकको तुलनामा कम्पनीको विश्वव्यापी टीभी बजार हिस्सा थोरै घटेको छ । यसको प्रमुख कारण भनेको विश्वबजारमा आएको मागको कमी र एलजीको स्टक रिस्क म्यानेजमेन्टमा प्राथमिकता बढ्नु नै हो । तैपनि एलजी ओलेड टीभीको बिक्री अत्यधिक छ, जुन कम्पनीको सन् २०२३ को पहिलो त्रैमासमा टीभीको बिक्री ३० प्रतिशतभन्दा बढी छ ।

पहिलो त्रैमासमा विश्वव्यापी टीभी ढुवानी घटेर ४६.५२ मिलियन एकाइ पुगेको छ, जुन सन् २००९ को यही त्रैमासिकमा देखिएको थियो । यद्यपि, सन् २०२३ को तेस्रो त्रैमासिकसम्ममा यसमा सुधार आउनेमा ओमिडा आशावादी छ । र, वर्षको अन्त्यसम्ममा ढुवानी बढेर २०५.५१ मिलियन एकाइ पुग्ने प्रक्षेपण गरेको छ, जुन पछिल्लो वर्षको तुलनामा थोरै बढी हुन्छ ।

ओलेड टीभी सेग्मेन्टले पनि यस वृद्धिको फाइदा उठाउने आशा गरिएको कम्पनीले जनाएको छ । सन् २०२२ मा ३६.७ प्रतिशत बजार हिस्सा रहेकोमा यस वर्षको अन्त्यसम्ममा ओलेड टीभीले प्रिमियम टीभी बजारको ४६.१ प्रतिशत राजस्व संकलन गर्ने ओमिडाले प्रक्षेपण गरेको छ । विगत केही वर्षदेखि ओलेड टीभी बजारमा प्रतिस्पर्धा बढेकाले गर्दा ओलेड टीभीहरूको बजार बढ्ने आकलन गरिएको छ ।

एलजीले ४२ देखि ९७ इन्चसम्मका ८के र ४के प्रिमियम डिजाइनसहितका ओलेड टीभीहरू बजारमा ल्याएको छ । सहज र सुविधायुक्त फिचरहरू रहेका एलजी टीभीहरूले ग्राहकलाई विशेष अनुभव प्रदान गर्ने कम्पनीको दाबी छ ।

एलजी प्रिमियम ओलेड टीभी लाइनअपमा एलजी ओलेड इभो शृङ्खलाहरू प्नि समावेश छन् । यसले उज्यालो, जीवन्त भिजुअल दिने र एलजी लाइफस्टाइल स्क्रिनले आकर्षक पिक्चर क्वालिटीको अनुभव प्रदान गर्ने कम्पनीले बताएको छ । यस वर्ष विश्वका ४० राष्ट्रहरूमा एलजी ओलेड अब्जेट कलेक्सनपोसे, लाइफस्टाइल स्क्रिन परिवारको सदस्यता उपलब्ध हुनेछ ।

११ वर्षदेखि एलजी ओलेड वार्षिक सीईएस इन्नोभेसन अवार्डमा सम्मानित भएको छ र थुप्रै ‘बेस्ट टीभी अफ द इयर’ को उपाधि पनि पाएको छ ।

प्रकाशित मिति: बुधबार, जेठ २४, २०८० २०:१४