प्रधानमन्त्रीको भारत भ्रमण ऊर्जामा लगानी आकर्षित गर्ने र विद्युत् व्यापारमा केन्द्रित हुनेछः परराष्ट्रमन्त्री

प्रधानमन्त्रीको भारत भ्रमण ऊर्जामा लगानी आकर्षित गर्ने र विद्युत् व्यापारमा केन्द्रित हुनेछः परराष्ट्रमन्त्री

तस्वीरहरूः सुशील श्रेष्ठ/शिलापत्र

A+ A A-

परराष्ट्रमन्त्री एनपी साउदले प्रधानमन्त्री पुष्पकमल दाहाल 'प्रचण्ड'को भारत भ्रमण विद्युत्‌मा लगानी आकर्षित गर्ने र विद्युत् व्यापारमा केन्द्रित हुने बताएका छन् ।

मंगलबार मन्त्रालयमा पत्रकार सम्मेलन गरेर परराष्ट्रमन्त्री साउदले प्रधानमन्त्रीको भारत भ्रमणबारे जानकारी दिएका हुन् । 'विद्युत्‌मा लगानी आकर्षित गर्ने, ट्रान्समिसन लाइन बनाएर विद्युत् व्यापार गर्ने तथा बंगलादेशसँग विद्युत् व्यापार गर्नेमा ध्यान केन्द्रित छ,' मन्त्री साउदले भने, 'लङ्ट्रम पावर डिल गर्न कोसिस गर्दै छौँ । विद्युत्‌मा अर्बौं लगानी गरेपछि लगानीकर्ता आश्वस्त हुन सकून् ।'

प्रधानमन्त्रीको भारत भ्रमणबारे वार्ता र संवाद चलिरहेको साउदले जानकारी दिए । परराष्ट्रमन्त्रीका हिसाबले आफूले धेरै बोल्नु उचित नहुने पनि उनको भनाइ छ ।

'भोलिदेखि भ्रमण हुनेछ । पर्सि सघन भेटघाट छ । भारतीय प्रधानमन्त्री तथा राष्ट्रपतिसँग भेट हुने कार्यक्रम छ,' साउदले भने, 'मध्यप्रदेश जाने कार्यक्रम छ, दिल्ली जाने कार्यक्रम छ । परराष्ट्र मन्त्रालयले औपचारिक सूचना निकालेर भ्रमणबारे जानकारी दिनेछ ।'

भारतसँग परम्परागत सम्बन्ध रहेको र त्यो जनस्तरसम्म विस्तार भएको साउदले बताए । 'परम्परागत सम्बन्ध छ । दुवै देश प्राचीन् सभ्यताका हिस्सेदार हुन् । हामीबीचको सम्बन्ध जनस्तरमा छ,' साउदले भने, 'सरकारका बीचमा सुमधुर सम्बन्ध छ । उच्चस्तरीय भ्रमण आमनिर्वाचनपछि पहिलो हो ।'

चीनसँग हुने व्यापारको ठूलो हिस्सा हिन्द महासागरबाट भइरहेको उल्लेख गर्दै साउदले व्यापार सम्झौतालाई अन्तिम रूप दिने तयारी पनि भइरहेको जानकारी दिए । त्यस्तै, कृषि उत्पादनलाई ननरेसिपोकल बेसिसमा भारतीय बजारमा पठाउन सकियोस् भन्नेमा आफूहरूको ध्यान गएको उनको भनाइ छ ।

'ट्रेड सन्धि अध्यावधिक गर्नुपर्ने संवाद भएको छ । निर्क्योलमा पुग्न सक्यौँ भने सरलीकृत हुनेछ । भारतसँग दुईतिहाइभन्दा बढी व्यापार हुन्छ,' साउदले भने, 'नाका व्यस्त छ । नाकाका लागि सम्भाव्य ठाउँको कुरा गर्दै छौँ । महेन्द्रनगर, भैरहवा र विराटनगरको कुरा गर्दै छौँ ।'

त्यस्तै, सीमाको विषयमा पनि नेपालले आफ्नो कुरा राख्ने साउदले जानकारी दिए । 'सीमाहरूको विषयमा आफ्नो दृष्टिकोण राख्नेछौँ । कतिपय संयुक्त कुराहरू छन्, त्यसमा लङ्ट्रमका लागि निष्कर्षमा पुग्ने तयारी गरेका छौँ,' उनले भने, 'सूदूरपश्चिम र उत्तराखण्ड जोड्ने झुलाघाट पुल निर्माणको कुरा कार्यान्वयनमा जाने कुरा हुनेछ ।'

तयारी अवस्थामा रहेका आईसीपीहरूको उद्घाटन गर्ने र नयाँ शिलान्यास हुन सक्ने पनि उनले जानकारी दिए । त्यस्तै, थाती रहेका अन्य विषयमा पनि प्रधानमन्त्रीको भ्रमणमा छलफल हुने परराष्ट्रमन्त्री साउदले जानकारी दिए ।

प्रकाशित मिति: मंगलबार, जेठ १६, २०८० १५:४५

शिलापत्र संवाददाता

प्रतिक्रिया दिनुहोस्

भर्खरै

राजनीतिले लगानीकर्तामाझ उत्साह भर्न सक्नुपर्छ: राष्ट्रपति पौडेल

१६ औँ योजनाले एकीकृत पूर्वाधार निर्माणलाई जोड दिएको छ: प्रधानमन्त्री प्रचण्ड

माधव नेपाल भन्छन्- योजना छनोटको प्राथमिकीकरणमा सरकार चुक्यो

प्रचण्ड सरकारमा सहभागी हुँदै नाउपा, रञ्जितानिकट चौधरी मन्त्री बन्ने

अनन्त ब्रह्माण्डमा हाम्रो हैसियत, ४ अर्ब माइल टाढाबाट देखिएको पृथ्वी

लोकप्रिय

सरकार ढाल्न कांग्रेसले दाेहाेराे संवाद थालेपछि प्रचण्डले तयार पारे तीन विकल्प

डेढ महिनामै प्रचण्डले भन्न थाले- उता अप्ठेरो भयो भनेर यता आइयाे, यता झन् टाल्नकै हैरान

बुद्धनगरमा कांग्रेस–एमालेका चार नेताकाे वार्ता, बालकाेट पुग्दासम्म गगन थापा निराश

२५ अर्ब किलोमिटर टाढाबाट आयो पृथ्वीमा सन्देश, उत्साहित भए नासाका वैज्ञानिक

इरान र इजरायलः कसको शक्ति कति ?

विचार

चीनमा एउटै भूकम्पले लिएको थियो ८ लाख ३० हजारको ज्यान (भिडियो)

तीन जनाको मुट्ठीमा ३ करोड जनताको लोकतन्त्र

बीसौँ शताब्दीका प्रभावशाली नेता लेनिन (भिडियो)

ब्लग

सधैँ हाँसीखुसी देखिने गाउँकी काकी, डाक्टर र अर्जुन मैनालीले राेजेकाे गलत बाटाे

छोटो तर मनमोहक पदयात्रा 'लाङटाङ'

एक जनमुखी प्रधानपञ्चको नाममा

शिक्षा

डिस्कोर्स डबलीले काठमाडौंमा दुईदिने ‘विचार उत्सव’ आयोजना गर्ने

कोहलपुरमा आठ कक्षाको परीक्षामा अनियमितताः शाखा प्रमुखसहित दर्जन बढी कारबाहीमा

शिक्षामन्त्री सुमनाले थाहा पाऊन्- नि:शुल्क शिक्षा ऐनले यसरी बनाउँदै छ नागरिकलाई ‘बेसहारा’