सामसुङ इनोभेसन क्याम्पसको पहिलो ब्याचको कोडिङ र प्रोग्रामिङ कोर्स पूरा

A+ A A-

सामसुङको फ्ल्यागसिप सीएसआर प्रोग्राम सामसुङ इनोभेसन क्याम्पसले त्रिभुवन विश्वविद्यालय इन्स्टिच्युट अफ इन्जिनियरिङअन्तर्गतको पुल्चोक क्याम्पसको पहिलो ब्याचका विद्यार्थीहरूको कोडिङ र प्रोग्रामिङको कोर्स समाप्त भएको छ । प्रोग्रामअन्तर्गत अर्को ब्याचका विद्यार्थीहरूले विश्वविद्यालयमा आर्टिफिसियल इन्टेलिजेन्स कोर्स सुरु गर्नेछन् ।

विद्यार्थीहरूलाई कोर्स पूरा गरेको प्रमाणपत्र प्रदान गरिएको समारोहमा माननीय शिक्षा राज्यमन्त्री प्रमिला कुमारी, सामसुङको दक्षिण–पश्चिम एसिया, नेपाल कार्यालयका प्रमुख माननीय सुङ जुन पार्क र त्रिभुवन विश्वविद्यालय इन्स्टिच्युट अफ इन्जिनियरिङका प्राध्यापक तथा डीन डा. शशिधरराम जोशीको उपस्थिति थियो ।

'विद्यार्थीहरूको उत्साहजनक सहभागिता र विश्वविद्यालयबाट ठूलो सहयोगका साथ हाम्रो कोडिङ र प्रोग्रामिङ कोर्सको पहिलो ब्याच पूरा गर्न पाउँदा हामी धेरै उत्साहित छौँ । हामी प्रतिष्ठित त्रिभुवन विश्वविद्यालय इन्जिनियरिङ इन्स्टिच्युटसँग भविष्यका प्राविधिक आर्टिफिसियल इन्टेलिजेन्स, इन्टरनेट अफ थिंग्स र बिग डाटा डोमेनहरूमा विद्यार्थीहरूलाई उन्नत बनाउनका लागि दीर्घकालीन साझेदारीको अपेक्षा गर्दछौँ । हाम्रो उद्देश्य सधैँ सक्षम नेपाली युवाहरूलाई भविष्यका लागि राम्रोसँग अनुकूल बनाउनु र नेपालको बढ्दो अर्थतन्त्रमा विशेष गरी आविष्कार र प्रविधिको सन्दर्भमा योगदान पुर्‍याउने रहेको छ,' सामसुङ दक्षिण–पश्चिम एसियाका नेपाल कार्यालयका प्रमुख सुङ जुन पार्कले भने ।

सामसुङले सन् २०२२ को डिसेम्बरमा त्रिभुवन विश्वविद्यालय इन्स्टिच्युट अफ इन्जिनियरिङ पुल्चोक क्याम्पसमा आफ्नो ग्लोबल सीएसआर कार्यक्रम सामसुङ इनोभेसन क्याम्पसको उद्घाटन गरेको थियो । यस कार्यक्रमअन्तर्गत सामसुङले नेपालका युवाहरूलाई आर्टिफिसियल इन्टेलिजेन्स, इन्टरनेट अफ थिंग्स, बिग डाटा, कोडिङ र प्रोग्रामिङजस्ता प्राविधिक सीपहरूमा तालिम दिने योजना थियो, जसले नेपालमा बलियो प्रविधि र नवप्रवर्तन इकोसिस्टमको विकासमा योगदान पुर्‍याउनेछ । कोर्स छनोट हुनका लागि एल्गोरिदम, डाटा स्ट्रक्चर र प्रोग्रामिङको ज्ञान हुनुपर्छ ।

कोर्सको एक भागको रूपमा, युवाहरूलाई वास्तविक रोजगारीको सीपहरू र मागअनुसारको प्राविधिक सीपहरू प्रदान गरिनेछ । यसले उनीहरूको डिजिटल साक्षरता, सिक्ने क्षमता, रचनात्मकता र रोजगारीमा सुधार ल्याउनेछ ।

त्रिभुवन विश्वविद्यालय इन्स्टिच्युट अफ इन्जिनियरिङका प्राध्यापक तथा डीन डा. शशिधर राम जोशीले भने, 'नेपालमा यो प्रतिष्ठित कोर्स सञ्चालन गर्न पाउँदा त्रिभुवन विश्वविद्यालय इन्स्टिच्युट अफ इन्जिनियरिङ आभारी छ । यो हाम्रा विद्यार्थीहरूको विकास र उत्थानका लागि सहायक हुनेछ । हामीले कोडिङ र प्रोग्रामिङ कोर्स पूरा गर्‍यौँ, जसका लागि हामी निक्कै आभारी छौँ । त्रिभुवन विश्वविद्यालय इन्स्टिच्युट अफ इन्जिनियरिङमा यो कोर्स सञ्चालन गरेकोमा सामसुङलाई हृदयदेखि धन्यवाद दिन चाहन्छु ।'

प्राविधिक प्रशिक्षणका साथसाथै यस कोर्सले विद्यार्थीहरूको रोजगारी र उनीहरूको ज्ञानलाई प्रयोगमा ल्याउने क्षमता बढाउनका लागि उनीहरूलाई सफ्ट स्किल तालिम पनि प्रदान गरिएको छ । यसले समस्या समाधान गर्ने क्षमताहरूलाई पनि निखार्छ । साथै, विद्यार्थीहरूलाई नवीन विचारकर्ता बन्न पनि सक्षम बनाउँछ ।

इन्स्टिच्युट अफ इन्जिनियरिङमा सामसुङ इनोभेसन क्याम्पसअन्तर्गत प्रस्तावित कोर्सहरूको एक भागको रूपमा विद्यार्थीहरूले प्राक्टिकल प्रोजेक्ट कम्पोनेन्ट पनि पार गर्नुपर्छ । यसमा विद्यार्थीहरूलाई सामाजिक महत्त्वका प्रोजेक्टहरू प्रस्तुत गर्न चुनौती दिइनेछ, जसमा एआई, बिग डाटा, कोडिङ, प्रोग्रामिङ र आईओटीलगायत मुख्य पर्छन् ।

सामसुङ इनोभेसन क्याम्पस, जुन सामसुङको 'टुगेदर फर टुमोरो !' को ग्लोबल सीएसआर भिजनको हिस्सा हो । यो सन् २०१९ मा सुरु भएको थियो । यसले मानिसहरूलाई सक्षम बनाउँदै, विद्यार्थी र बेरोजगार युवाहरूलाई चौथो औद्योगिक क्रान्तिको मुख्य प्रविधिहरूमा अनुभव गर्न तालिम दिन्छ, उनीहरूलाई अर्को पुस्ताको दक्ष जनशक्ति बन्नका लागि तयार बनाउँछ ।

सामसुङ आफ्नो सीएसआर पहलहरूमार्फत समुदायहरूलाई सकारात्मक रूपान्तरण गर्न र मानिसहरूको लागि राम्रो जीवन सिर्जना गर्न नवप्रवर्तन प्रयोग गर्नमा विश्वास गर्दछ । शिक्षामार्फत युवाहरूलाई सशक्तीकरण गर्नु भनेको हामीले हाम्रा युवाहरूलाई साहसी भई भविष्यको सामना गर्न तयार गर्ने उत्तम तरिकाको एक माध्यम सिकाउनु हो ।

प्रकाशित मिति: बिहीबार, जेठ ११, २०८० १९:३२