जनकपुरबाट सुरु भयाे ‘कांग्रेस रुपान्तरण अभियान’

A+ A A-

नेपाली कांग्रेस रुपान्तरण अभियान बिहीबार मधेश प्रदेश, जनकपुरबाट सुरु भएको छ । नेपाली कांग्रेसभित्र देखिएका कमीकमजोरी, विकृति विसङ्गतिको अन्त्य गर्दै पार्टीमा व्यापक सुधार, परिवर्तन र आमूल रुपान्तरणका लागि मेचीदेखि माहाकालीसम्म सातै प्रदेशमा बृहत् भेला र अन्तर्क्रिया गर्न अभियान सुरु गरिएको हो ।

यो अभियानले समग्रमा नेपाली कांग्रेसलाई बलियो, सशक्त र सुदृढ बनाउनुका साथै रुपान्तरण अभियानले पार्टीमा नयाँ आशा, कार्यकर्तामा नयाँ भरोसा र आमजनतामा नयाँ विश्वास जगाउने नेताहरूले दाबी गरेका छन् ।

अभियानमा केन्द्रीय सदस्य मधु आचार्य र चन्द्रमोहन यादव, नेताहरू गुरूराज घिमिरे, लक्ष्मणलाल राय यादव, भूपेन्द्रजंग शाही, रञ्जित कर्ण, राजेन्द्र अमात्य, जगदीश्वरनरसिंह केसी, जिप्छी यादव, श्याम पटेल, देवराज चालिसे, विष्णुदेवी पाण्डे, नरेश यादवलगायत सहभागी छन् ।

नरेन्द्र नेम्वाङ, भूपेन्द्र थापा, वंशीलाल तामाङ, उज्ज्वल बराल, विनोद कायस्थ, कौशलराय यादव, धर्मेन्द्र नेम्वाङ, विनोद खनाल, सुवास लोहनी, दिनेश यादव, सुवास पोखरेल, चिरञ्जीवी हमाल, डिल्ली सुवेदी, युवराज पाण्डे, उमेश मिश्र, कृश्र सिंह, राजेश रौनियार, सैलेन्द्र यादव, मनोजा चौधरी, पिन्टु सिंह, नन्द नेम्वाङलगायत पनि अभियानमा सहभागी छन् ।

जनकपुरमा बिहीबार अभियानले स्थानीय नेता तथा कार्यकर्तासँग अन्तर्क्रिया गरेको छ । देशको वर्तमान राजनीतिक अवस्था, कांग्रेस नेतृत्वले लिएको नीति, पार्टी सभापति शेरबहादुर देउवाको कार्यशैलीका विषयमा पनि छलफल भएको छ ।

प्रकाशित मिति: बिहीबार, जेठ ११, २०८० १५:२८