सनराइज बैंकद्वारा धनगढीको एक स्कुललाई ३ थान प्रोजेक्टर र पालिकालाई ३० थान डस्टबिन सहयोग

सनराइज बैंकद्वारा धनगढीको एक स्कुललाई ३ थान प्रोजेक्टर र पालिकालाई ३० थान डस्टबिन सहयोग

A+ A A-

सनराइज बैंकले धनगढीको एक स्कुललाई प्रोजेक्टर र उपमहानगरपालिकालाई डस्टबिन सहयोग गरेको छ ।

बैंकले आफ्नो संस्थागत सामाजिक उत्तरदायित्वअन्तर्गत धनगढी उपमहानगरपालिका– ५, हसनपुरको ऐश्वर्य विद्या निकेतनलाई ३ थान प्रोजेक्टर र धनगढी उपमहानगरपालिकालाई ३० थान डस्टबिन हस्तान्तरण गरेको हो ।

बुधबार आयोजित एक कार्यक्रममा बैंकका नायब महाप्रबन्धक रबिनकुमार नेपालले स्कुलका प्रधानाध्यापक प्रेमनिधि ओझालाई प्रोजेक्टरहरू हस्तान्तरण गरेका हुन् ।

त्यस्तै, सोही दिन आयोजित अर्को एक कार्यक्रममा बैंकका नायब महाप्रबन्धक नेपालले धनगढी उपमहानगरपालिकाका मेयर गोपाल हमाललाई डस्टबिनहरू हस्तान्तरण गरेका हुन् ।

बैंकले ऐश्वर्य विद्या निकेतनमा प्रभावकारी शिक्षा सञ्चालनका लागि ती प्रोजेक्टर हस्तान्तरण गरिएको बैंकका नायब महाप्रबन्धक रविनकुमार नेपालले बताए ।

सो अवसरमा प्रधानाध्यापक ओझाले कक्षा १० देखि १२ सम्मका विद्यार्थीलाई प्रविधिमैत्री शिक्षा प्रदान गर्नका लागि प्रोजेक्टरले मद्दत पुर्‍याउने बताए ।

Sunrise Bank- 21684312066.jpg

त्यस्तै, बैंकले उपलब्ध गराएका डस्टबिनहरूले सर्वसाधारणलाई फोहोर व्यवस्थित ठाउँमा फाल्न प्रोत्साहन गर्नुका साथै धनगढी उपमहानगरपालिकाका चोक र सडकपेटीमा ती डस्टबिनहरू राखिने बैंकका नायब महाप्रबन्धक नेपालले बताए ।

धनगढी उपमहानगरपालिकाका मेयर हमालले सनराइज बैंकको यस सहयागले स्मार्ट धनगढी बनाउने परियोजनामा टेवा पुर्‍याएकोमा बैंकलाई धन्यवाद ज्ञापन गरे ।

यसका साथै बैंकले धनगढी त्रिनगर विद्यालयमा विद्यार्थीहरूलाई आफ्नो साइकल सुरक्षित रुपमा राख्न सहज होस् भनी १०० वटा क्षमताको साइकल स्टायान्डसमेत बनाएको छ ।

प्रकाशित मिति: बुधबार, जेठ ३, २०८० १६:५३