पुलमुनि पाँच दिनदेखि आमरण अनशनमा छन् सांसद सञ्जय गौतम, सरकार भने अझै बेखबर !

A+ A A-

नेपाली कांग्रेसका सांसद सञ्जय गौतमले माग सम्बोधन नभएसम्म आमरण अनशन नटुंगिने बताएका छन् । गुलरिया र बारबर्दिया जोड्ने भत्केको पुल पुनःनिर्माण गर्नुपर्ने उनको मुख्य माग छ । सांसद गौतम शनिबारदेखि १५ बुँदे माग राखेर अनशनमा छन् ।

गुलरिया र बारबर्दिया नगरपालिका जोड्ने बबई नदीस्थित जब्दिघाटको पुल २०७४ साल साउन २८ गते भासिएको थियो । २०७९ साल असोज २० गते आएको बाढीले स्पानसहित बगाएपछि आउजाउ पूर्ण रूपमा ठप्प छ ।

प्रदेशसभाका सांसद स्थानीय जनप्रतिनिधिको साथ रहेको गौतमले बताए । ‘यो बर्दिया जिल्लाको समग्र विकासको एजेण्डा र समृद्धिको मुद्दा हो । राष्ट्रिय रूपमा पनि भ्रष्टाचारमा दोषीले सजाय पाऊन्, निर्दोष नफसून् भन्ने हो,’ उनले शिलापत्रसँग भने ।

जब्दिघाटको पुलले बाँधको काम गरिरहेकाले तत्काल हटाउन गौतमको माग छ । ‘पुल भत्किएपछि नदीमा बाँधको काम गरेको छ । यसले सदरमुकाम डुब्ने जोखिम छ । जति कराए पनि कसैले सुनेन,’ उनले भने ।

५० हजार हेक्टरमा सिँचाइ पुग्ने आयोजनामा बजेट कटौती गरेको गौतमले बताए । भुरीगाउँ-तेलपानी सडक सञ्जाल निर्माण सुरु हनुपर्ने, मध्यवर्ती क्षेत्रका जनता जंगली जनावरबाट जनता आतंकित भएकाले जीवन बीमा गर्नुपर्ने, गुलरिया मूर्तिहा नाका तुरुन्त सुचारु गर्नुपर्नेलगायतका मागहरू राखेका छन् ।

‘नाका सञ्चालन गर्न नेपाल सरकारले ध्यान दिएको छैन,’ उनले भने । सांसदहरूले माग सम्बोधन गर्न तदारुकता देखाए पनि सरकारले अहिलेसम्म चासो नदिएको उनले बताए । माग सम्बोधन नभएसम्म आमरण अनशन जारी रहने गौतमले बताए ।

‘माग सम्बोधन नभए बर्दिया जिल्ला डुब्छ । जिल्लालाई ईश्वरले आएर पनि बचाउन सक्दैनन् । यसमा सम्झौता गर्ने ठाउँ नै छैन । सांसद भएको नाताले म टुलुटुलु हेरेर बस्न सक्दिनँ,’ उनले भने ।

यस्ता छन् सांसद गौतमका माग