युक्रेनी सेनाले सीमा क्षेत्रमा ध्वस्त बनाइदिए चार रुसी सैन्य विमान (भिडियो)

युक्रेनी सेनाले सीमा क्षेत्रमा ध्वस्त बनाइदिए चार रुसी सैन्य विमान (भिडियो)

A+ A A-

युक्रेनी सेनाले रुसका चार सैन्य विमानलाई ध्वस्त बनाइदिएको छ । रुसको सञ्चारमाध्यम कोमरसान्टले रुसका दुई फाइटर जेट र दुई हेलिकोप्टर ध्वस्त भएको जानकारी दिएको हो ।

शनिबार युक्रेनको सीमा क्षेत्र नजिकै रहेको रुसको ब्रायन्स्क क्षेत्रमा युक्रेनी सेनाले क्षेप्यास्त्र प्रहार गरेर सु–३४ फाइटर बम्बर विमान र सु–३५ लडाकु विमानका साथै दुईवटा एमआई– ८ हेलिकोप्टर ध्वस्त बनाएकाे हाे ।

ती विमानहरू रुसको चर्नहिभ क्षेत्रमा बम र क्षेप्यास्त्र प्रहार गर्न गइरहेका थिए । तर, बीचमै युक्रेनी सेनाले क्षेप्यास्त्रले हानेर लडाकु विमान र हेलिकोप्टर खसाइदिएका हुन् ।

भिडियो

सार्वजनिक भएको भिडियो फुटेजहरूमा रुसका दुई हेलिकोप्टरलाई क्षेप्यास्त्रले हानेर खसाएको प्रस्ट देख्न सकिन्छ ।

One of the worst days ever for the Russian Air Force: Today, at least 4 aircraft- an Su-34 strike jet, an Su-35 fighter and two Mi-8 helicopters, were shot down by anti-air missiles over Bryansk Oblast within Russia.

So far it is unclear what kind of missiles were used. pic.twitter.com/LjipZShRWC
— ?? Ukraine Weapons Tracker (@UAWeapons) May 13, 2023

रुसले गतवर्ष युक्रेनमा अक्रमण गर्दा केही दिनमै युक्रेन कब्जा गर्ने अनुमानहरू भएका थिए तर नेटोसहित पश्चिमा राष्ट्रहरूबाट हतियार पाइरहेको युक्रेनले रुसको कडा प्रतिकार गरिरहेको छ । अहिले एक वर्षभन्दा बढी समययता दुवै देशबीच युद्ध जारी छ ।

हालै बाख्मुत शहरका विभिन्न हिस्साबाट आफूहरूले रुसी सेना लखेट्न सफल भएको युक्रेनले बताउन थालेको छ । यसैबीच जर्मनीले युक्रेनलाई थप ३ अर्ब अमेरिकी डलरको ट्यांक, लडाकु विमानविरुद्धका हतियार प्रणाली, गोलाबारुद प्रदान गर्ने प्रतिबद्धता जनाएको छ ।

राजधानी बर्लिनमा युक्रेनी राष्ट्रपति भोलोदिमिर जेलेन्स्कीको भ्रमणअगाडि जर्मनीले युक्रेनलाई हतियार सहयोग गर्ने घोषणा गरेको हो । रोयटर्स

प्रकाशित मिति: आइतबार, वैशाख ३१, २०८० १२:०७