टाटा नेक्सन म्याक्स अब नेपाली बजारमा, यस्ता छन् विशेषता

A+ A A-

टाटा मोटर्सले आजबाट नेक्सन ईभी म्याक्सको नेपाली बजारमा बिक्रीवितरण शुभारम्भ गरेको छ । कम्पनीको सर्वोत्कृष्ट ढंगले बिक्री भइरहेको नेक्सन ईभीको विस्तारित स्वरूप यो नयाँ गाडी ७.२ किलोवाट चार्जिङको व्यवस्थासहित ४६ लाख ४९ हजार रुपैयाँको आकर्षक मूल्यमा उपलब्ध गराइएको कम्पनीले जनाएको छ ।

उत्कृष्ट एवं दिगो 'मोबिलिटी'मा विश्वास राख्ने ग्राहकहरूलाई लक्षित नेक्सन ईभी म्याक्सले देशको समग्र विद्युतीय सवारीसाधनको बजारलाई नयाँ उचाइमा पुर्‍याउने अपेक्षा गरिएको छ । उच्च भोल्टेजको उच्चतम जिपट्रन प्रविधियुक्त यो विद्युतीय गाडी इन्टेन–टिल, डेटना र प्रिसटिन गरी तिनवटा आकर्षक रङ्गहरूमा उपलब्ध छ । त्यसैगरी, स्ट्यान्डर्ड रङ्गको रूपमा डुएल टन बडी पनि उपलब्ध छ ।

४०.५ किलोवाट–प्रतिघण्टा क्षमता भएको लिथिएम ब्याट्री प्याक जडित यो गाडीको ब्याट्रीको क्षमता अन्य ब्याट्रीहरूभन्दा ३३ प्रतिशतले बढी रहेको कम्पनीको दाबी छ । यसले १०० किलोवाटबराबरको शक्तिको अतिरिक्त पेडल थिच्नेबित्तिक्कै २५० एनएम टर्क पैदा गर्छ ।

कम्पनीका अनुसार यस गाडीमा प्रयोग हुने ७.२ किलोवाटको एसी फास्ट चार्जर घर वा कार्यालयमा जडान गर्न सकिन्छ । जसले ६.५ घन्टाको छोटो अवधिमा नै चार्ज हुन्छ । नेक्सन ईभी म्याक्सको ब्याट्री कुनै पनि ५० किलोवाटको डीसी फास्ट चार्जरको माध्यमबाट केवल ५६ मिनेटमा ८० प्रतिशतसम्म चार्ज हुन्छ ।

'नेपाली ग्राहकहरूले अत्यधिक रुचाएका नेक्सन र टिगोर मोडेलका ईभीहरूको साथ टाटाले विगत केही समयदेखि नेपालको विद्युतीय सवारीसाधनको विकास एवं विस्तारमा अग्रणी भूमिका खेलिरहेको छ । यसै सन्दर्भमा नेक्सन ईभी म्याक्सको बजारमा बिक्रीवितरण आरम्भसँगै यस्तो भूमिका अझ सुदृढ हुने हामीले अपेक्षा गरेका छौँ,' टाटा मोटर्स पेसेन्जर भेहिकल लिमिटेड एवं टाटा पेसेन्जर इलेक्ट्रिक मोबिलिटी लिमिटेडका प्रबन्धनिर्देशक सैलेश चन्द्रले भने, 'अत्याधुनिक जिपट्रन प्रविधियुक्त नेक्सन ईभी म्याक्समा जस्तोसुकै मौसम र सडक अवस्थामा यात्रा गर्न सकिन्छ । साथै, रेञ्ज, आराम र बनावटजस्ता दृष्टिकोणले पनि यो सर्वोत्कृष्ट छ ।'

त्यस्तै, सिप्रदी ग्रुप अफ कम्पनीजका अध्यक्ष सिद्धार्थशमशेर जबरा नेक्सन ईभी म्याक्स नेपाली ग्राहकहरूको बदलिँदो आवश्यकता एवं इच्छालाई परिपूति गर्ने एक नवीन सौगात भएको बताए । उनले भने, 'यो गाडी सिप्रदी र टाटा मोटर्सबीचको न्यानो साझेदारीमा एक नयाँ कोसेढुंगा सावित हुनेमा विश्वस्त हुन्छ ।'

नेक्सन ईभी म्याक्सको सेन्ट्रल कन्सोलमा व्यापक परिमार्जन गरी एक्टिभ मोड डिस्प्ले, मकरानाबिज इन्टेरियर र अगाडि बस्ने यात्रुका लागि भेन्टिलेसनसहितको लेदरेट सिट, एयर प्युरिफायर, वायरलेस स्मार्ट फोन चार्जिङजस्ता सुविधाहरू भएको ज्वेवेल्ड सेन्ट्रल नबको व्यवस्था छ । नेक्सन ईभी म्याक्स इको, सीटी र स्पोर्ट्स गरी तीनवटा मोडलमा उपलब्ध रहेको कम्पनीले जनाएको छ ।

यस गाडीमा मल्टी–मोड रिगेनको विशेषता छ,जसले चालकलाई फ्लोर कन्सोल रहेको स्विच मार्फत रिजेनेरेटिभ ब्रेकिङ्गको लेभललाई सहजतरिकाले मिलाउन सहयोग गर्दछ । ड्राइभिङ अवस्थाअनुरूप रिगेनको चार विभिन्न लेबलहरू मध्ये एक प्रयोग गर्न सकिन्छ । लेभल ० मा शुन्य रिक्युपरेटिभ ब्रेकिङदेखि लेभल ३ सम्म जसमा एउटै पेडल प्रयोग गरी गाडी हाँक्न सकिन्छ ।

नेक्सन ईभी म्याक्समा एक अर्को अभूतपूर्व विशेषता छ,जसमायसको ब्रेक ल्याम्प रिगेन निश्चित लेभलमा पुगेपछि बल्दछ । यसले सडकका अन्य चालकहरूलाई सचेत गराउन मद्दत गर्दछ । यस विद्युतीय एसयूभीमा सुरक्षाको निम्ति आई–भीबीएसीसहितको ईएसपी, हिलहोल्ड, इलेक्ट्रोनिक पार्किङ ब्रेक र चारवटा डिस्क ब्रेकलगायतका गुणहरू छन् । ८वर्ष वा १६०,००० किलोमिटरको वारेन्टी भएको ब्याट्री र मोटर टिकावट र विश्वसनीयताका लागि आईपी६७द्वारा प्रमाणित पनि छ ।

प्रकाशित मिति: बुधबार, वैशाख २७, २०८० २०:१८