जेठ १३ गते विराटनगरमा एनसेल कन्सर्ट हुँदै, दीपक वज्राचार्य, केकी अधिकारीलगायतले प्रस्तुति दिने

जेठ १३ गते विराटनगरमा एनसेल कन्सर्ट हुँदै, दीपक वज्राचार्य, केकी अधिकारीलगायतले प्रस्तुति दिने

A+ A A-

एनसेल आजियाटा लिमिटेडले विराटनगरको हाटखोला मैदानमा आगामी जेठ १३ गते शनिबार कन्सर्ट गर्ने भएको छ । कार्यक्रममा चर्चित कलाकार तथा सांगीतिक समुहका प्रस्तुतिहरू रहने कम्पनीले जनाएको छ ।

विशेष गरी विदेशमा रहेका दाजुभाइ तथा दिदीबहिनीहरूका नेपालमा रहेका परिवारका सदस्यहरू, आफन्तजन तथा साथीभाइसँग सांगीतिक कार्यक्रममार्फत खुसी साटासाट गर्ने उद्देश्यका साथ एनसेलले यो सांगीतिक कार्यक्रमको आयोजना गर्न लागेको हो । कार्यक्रम दिउँसो २ बजेबाट सुरु भई बेलुका ९ बजेसम्म सञ्चालन गरिने बताइएको छ ।

कम्पनीका अनुसार कार्यक्रममा चर्चित गायकगायिकाहरू दीपक वज्राचार्य र रिदम ब्यान्ड, आशिष राना (लाउरे), शिव परियार, द एलिमेन्ट्स, अस्मिता अधिकारी, सुनिल पण्डित, कलाकार केकी अधिकारीले आफ्ना विशेष प्रस्तुतिहरू राखेर दर्शकलाई मनोरञ्जन प्रदान गर्नेछन् । साथै, यो कन्सर्ट एनसेलको फेसबुक पेजबाट लाइभ अर्थात् प्रत्यक्ष प्रसारण हुनेछ । यसले गर्दा विराटनगरवासी मात्र नभई देश विदेशमा रहेका सम्पूर्ण नेपालीले कार्यक्रमको मनोरञ्जन लिन सक्नेछन् ।

यस कन्सर्टमा सहभागी हुन इच्छुक दर्शकले नजिकैको एनसेल सेन्टर वा आधिकारिक बिक्रेताको एनसेल पसल एपबाट अन्तर्राष्ट्रिय कलिङ प्याक, सहयात्री सिम खरिद वा ब्यालेन्स रिचार्ज गरी टिकट निःशुल्क पाउन सक्ने बताइएको छ ।

वैदेशिक रोजगारीमा जाने योजनामा रहेका नेपाली र उनीहरूका परिवारका सदस्यहरूलाई ध्यानमा राखी एनसेलले आकर्षक बन्डल सेवा, बोनस सुविधा र रोमिङ्का साथ ‘सहयात्री सिम’ स्टार्टर प्याक उपलब्ध गराउँदै आएको छ । यसैगरी, कम्पनीले विदेशका रहेका आफ्ना परिवारसँग सुलभदरमा सम्पर्कमा रहिरहन विभिन्न भ्वाइस प्याकहरू पनि उपलब्ध गराउँदै आएको छ ।

कार्यक्रमले विदेशमा रहेका नेपालीहरू र उनीहरूका नेपालमा रहेका परिवारलाई भरपूर मनोरञ्जन प्रदान गर्ने विश्वास एनसेलको छ । कार्यक्रममा राखिएको एनसेलको स्टलमार्फत कम्पनीले प्रदान गर्दै आएका सेवा तथा सुविधाहरूका बारेमा जानकारी लिन पनि सकिने बताइएको छ ।

प्रकाशित मिति: मंगलबार, वैशाख २६, २०८० १७:४९