ओपोद्वारा ‘बडा दसैं’ एसएमएस क्याम्पेनको घोषणा

A+ A A-

स्मार्टफोन ब्राण्ड ओपोले ‘बडा दसैं एसएमएस क्याम्पेन’ विशेष उपहार योजनाको घोषणा गरेको छ । उपहार योजनाअन्तर्गत उपभोक्ताले क्याम्पेन अवधिभर फोनको आईएमईआई एसएमएस गरी योजनामा सहभागिता जनाउन तथा उपहार जित्ने अवसर प्राप्त गर्नेछन् ।

‘वैश्विक कम्पनीका रुपमा ओपोले सधैं नै स्थाीयकरणमा विश्वास गर्दै आएको छ । नेपाल हाम्रा लागि विशेष प्राथमिकता बोकेको बजार हो । यहाँको संस्कृति, परम्परा र विविधतामा रहेको सादगी वास्तवमै प्रेरणादायी छ । स्थानीय महान चाड दसैं उपभोक्तासँग खुसी साट्दै मनाउने सोचका साथ हामीले यो क्याम्पेनको घोषणा गरेका छौं,’ ओपो नेपालका प्रमुख कार्यकारी अधिकृत बबी ट्राओले भने ।

क्याम्पेन अवधिभर कुनै पनि ओपो फोनको खरिद गरी उपभोक्ताले उपहार योजनामा सहभागिता जनाउन सक्छन् । सहभागिताका लागि उपभोक्ताले ओपो स्पेस आईएमईआई उल्लेख गरी ३३००१ नम्बरमा एसएमएस पठाउनुपर्ने हुन्छ । यसरी प्राप्त एसएमएसमार्फत हरेक हप्ता २ जना भाग्यशाली विजेताको छनोट गरिने ओपोले जनाएको छ । छनोटमा परेकामध्ये एकले, बाली वा बाकु (निर्धारित हप्ता र पुरस्कारका आधारमा) भ्रमण जित्न सक्नेछन् । त्यसैगरी, अर्का विजेताले दसैंमा घर जान र फर्किन लाग्ने सवारी साधनको भाडा खर्च जित्न सक्ने कम्पनीले जानकारी दिएको छ ।

उपहार योजना अवधिभर, लगातार पाँच हप्तासम्म, हरेक हप्ताको अन्त्यमा एउटा लक्क िड्रको आयोजना गरिने छ । लक्की ड्रका विजेताको घोषणा क्रमशः सेप्टेम्बर ७, १४, २१, २८ र अक्टोबर ५ मा गरिनेछ । क्याम्पेन अवधिभर, लक्कि ड्रमा विजेताका रुपमा छनोटमा नपरेका सहभागीलाई स्वतः अर्को लक्की ड्रका लागि सहभागिताको अवसर प्रदान गरिने बताइएको छ । तसर्थ, एकपटक सहभागिता जनाइसकेपछि सहभागीले अन्तिम लक्की ड्रसम्म जित हात पार्ने अवसर प्राप्त गर्नेछन् । सेप्टेम्बर १ देखि सञ्चालनमा ल्याइएको उक्त उपहार योजना अक्टोबर ४, २०१९ सम्म निरन्तर चल्नेछ ।

एफ११ सिरिज र आर१७ प्रोमा ‘प्राइस ड्रप’ अफर

दसैंको अवसरमा कम्पनीले ‘बडा दसैं एसएमएस’ क्याम्पेनका साथै आफ्ना बेष्ट सेलिङ मोबाइल फोनहरु एफ११ सिरिज र आर१७ प्रोमा ‘प्राइस ड्रप’ अफरपनि सार्वजनिक गरेको छ । यो अफरअन्तर्गत अब एफ११ प्रोको मूल्य ४१ हजार ९ सय ९०, एफ११ को ३१ हजार ९ सय ९० र आर१७ प्रो ५९ हजार ९ सय ९० निर्धारण गरिएको छ ।

पहिले यी मोबाइलको मूल्य क्रमशः ४७ हजार ९ सय ९०, ३५ हजार ४ सय ९० र ७५ हजार ९ सय ९० रहेको थियो । नयाँ मूल्य सूचि सेप्टेम्बर २ देखि नेपालभर लागू हुने कम्पनीले जानकारी दिएको छ ।

प्रकाशित मिति: मंगलबार, भदौ १७, २०७६ ००:०७