माइडियाको नयाँ वर्ष अफर : घरायसी सामानको खरिदमा निश्चित उपहार र लक्की ड्रमार्फत दुबई घुम्न पाइने

माइडियाको नयाँ वर्ष अफर : घरायसी सामानको खरिदमा निश्चित उपहार र लक्की ड्रमार्फत दुबई घुम्न पाइने

A+ A A-

नयाँ वर्ष २०८० लाई स्वागत गर्दै नेपालमा माइडिया उत्पादनको आधिकारिक वितरक चौधरी ग्रुपले आफ्ना ग्राहकहरूका लागि आकर्षक नयाँ योजना ल्याएको छ । 'नयाँ वर्ष २०८० को बहार, दुबई घुम्ने मौका र पक्का उपहार' नामक योजना सो कम्पनीले ल्याएको हो ।

उक्त योजनाअन्तर्गत ग्राहकहरूले माइडियाका उत्पादनहरू खरिद गर्दा निश्चित उपहारहरू प्राप्त गर्नुका साथै लक्की ड्रमार्फत दुबई भ्रमण गर्ने अवसरसमेत पाउने कम्पनीले जनाएको छ ।

कम्पनीका अनुसार निश्चित उपहारहरूका लागि ग्राहकहरूले ६ र ७ केजीको वासिङ मेसिन र डबल डोर रेफ्रिजेरेटरकोे खरिदमा क्रम्पटन ड्राइ आइरन, ८ र ९ केजीको वासिङ मेसिन र शोकेसको खरिदमा १ लिटर माइडिया राइस कुकर, १० केजी वासिङ मेसिन र (८ केजी/६ केजी) वासर ड्रायरकोे खरिदमा १.८ लिटर माइडिया राइस कुकर प्राप्त गर्न सक्नेछन् ।

त्यस्तै, मल्टी डोर रेफ्रिजेरेटरको खरिदमा माइडिया इन्डक्सन कुकर र साइड बाई साइड रेफ्रिजेरेटरको खरिदमा माइडिया एयर फ्राइर प्राप्त गर्न सक्नेछन् । यो योजना गत तैत १७, २०७९ देखि नेपालभरि सीमित अवधिका लागि लागू गरिएको छ ।

माइडिया ब्रान्डले एयर ट्रिटमेन्ट (कमर्सियल र आवासीय वातानुकूलित समाधान), रेफ्रिजेरेसन, वासिङ मेसिन, लार्ज किचेन र खाना पकाउने उपकरण, साना भान्साका उपकरणहरू, पानीका उपकरणहरू, भुईंसम्बन्धी हेरचाह र लाइटिङमा विशेषज्ञता हासिल गरी घरेलु उपकरण उद्योगमा विश्वको सबैभन्दा व्यापक उत्पादनका विविधताहरू प्रदान गर्दै आएको छ ।

माइडिया ब्रान्ड माइडिया ग्रुपअन्तर्गतको घरेलु उपकरण व्यवसायभित्रका १० भन्दा बढी ब्रान्डहरूमध्ये एक हो । माइडिया ग्रुप जून २०२१ को ग्लोबल फर्च्युन ५०० मा २८८औँ स्थानमा रहन सफल कम्पनी हो । यस कम्पनीले नेपालमा २०२१ देखि चौधरी ग्रुपले माइडिया ब्रान्डका उत्पादनहरू आफ्नो च्यानल र आउटलेटहरूमार्फत देशभर वितरण गर्दै आएको छ ।

प्रकाशित मिति: बुधबार, वैशाख १३, २०८० १७:४८