मुस्लिम समुदायमा इदको रौनक (तस्वीरहरू)

A+ A A-

इस्लाम धर्मावलम्बीहरूले आज शनिबार आफ्नाे महान् पर्व इद उल फित्र धुमधामका साथ मनाइरहेका छन् । शुक्रबार साँझ चन्द्रमा देखिएपछि मुसलमानहरूले शनिबार इद मनाएका हुन् ।

जनकपुरधामका मुस्लिम समुदायले नजिकैको इर्दगाहमा गएर नमाज पढे । यसपछि मुस्लिम समुदायका सदस्यहरूले एकअर्कालाई अंकमाल गरी 'इद मुबारक' भन्दै शुभकामना आदनप्रदान गरे । यस अवसरमा वडा नम्बर ८, पुरानो इर्दगहामा पुगेर जनकपुरधामका मेयर मनोजकुमार साहले पनि सबैलाई शुभकामना दिए ।

याे पनि..

थाहा पाउनोस् कसरी तय गरिन्छ इद मनाउने दिन ?

नेपालमा मात्रै हाेइन, भारत, पाकिस्तान, बंगलादेशलगायतका देशमा बस्ने मुस्लिम समुदायले पनि यही समयमा इद मनाइरहेका स्थानीय माैलनामोफति अहमद हुसेनले जानकारी दिए । इस्लामिक महिना रमजानको अन्तिम दिन शुक्रबार साँझ चन्द्रमा देखिएपछि एक महिनादेखि राेज (ब्रत) बस्दै आएका मुस्लिम समुदायमा इदको रौनक छाएको थियाे ।

इदमा सवैई (खानेकुरा), खीर तथा अन्य मीठो परिकार पनि खाने गर्ने गरिन्छ । त्यस्तै मुस्लिम समुदायले परिवारका प्रत्येक सदस्यका लागि नयाँ लुगाकपडा खरिद गर्छन् । जनकपुरधाम उपमहानगरपालिकाका पूर्वमेयर तथा राजनीतिकर्मी असगर अली भन्छन्, ‘इदको नमाज पढ्नुअघि घरका प्रत्येक सदस्यका लागि नयाँ लुगाकपडा लगाउनु जरुरी छ तर गरिब, असहायलाई धनी मुस्लिमहरूले जकातको रूपमा लत्ताकपडा तथा खानपिनको समाग्रीहरू सहयोग गरिदिने प्रचलन छ ।’

इदकाे नमाज पढनुअघि रोजामा भएको कमीकजोरी वा रोजालाई शुद्धिकरण गर्न प्रतिव्यक्ति दुई किलो ४५ ग्रामको दरले गहुँ परिवारका सबै सदस्यले फित्रराको रूपमा वा त्यतिबराबरको रकम अनिवार्य मदरसा तथा गरिबका लागि दान गनुपर्ने चलन छ ।