भाषा र डिप्लोमा कोर्स पढ्न विदेश जान राेकेपछि विद्यार्थी सडकमा, के हो एनओसी विवाद ?

भाषा र डिप्लोमा कोर्स पढ्न विदेश जान राेकेपछि विद्यार्थी सडकमा, के हो एनओसी विवाद ?

A+ A A-

डिप्लोमा तह र भाषा अध्ययनका लागि वैदेशिक अध्ययन अनुमतिपत्र (एनओसी) दिन सरकारले बन्द गरेपछि विद्यार्थीहरू आन्दोलित छन् । वैदेशिक अध्ययन स्वीकृतिसम्बन्धी निर्देशिका, २०७९ मा उच्च शिक्षा भन्नाले स्नातक तह वा सोभन्दा माथिको कोर्सलाई उल्लेख गरिएको छ । निर्देशिका गत चैतबाट लागू भएपछि एनओसी शाखाले डिप्लोमा तह र भाषा अध्ययनका लागि एनओसी दिन बन्द गरेको छ ।

तर, १२ कक्षा उत्तीर्ण गरी विदेशी विश्वविद्यालयमा अध्ययन गर्नेले भने एनओसी पाउनेछन् । डिप्लोमा तह र भाषाको अध्ययन गर्न विदेश जाने तयारी गरिरहेका विद्यार्थीहरू एनओसी नपाएपछि आन्दोलनमा उत्रिएका हुन् । नेपाल शैक्षिक परामर्श संघ (इक्यान) का अध्यक्ष प्रकाश पाण्डेका अनुसार नेपालबाट ५०/६० प्रतिशत विद्यार्थी भाषा र डिप्लोमा कोर्समा जाने गरेका छन् ।

‘निर्देशिकामा अव्यावहारिक प्रावधान राखिएको छ । भाषा र डिप्लोमा कोर्स पढ्न पाउने बाटोलाई रोकिएको छ,’ उनले भने, ‘अब महँगो शुल्कमा पढ भन्न खोजेको देखिन्छ ।’ विशेष गरी नेपालबाट जापानमा भाषा अध्ययनका लागि विद्यार्थी जाने गरेका छन् । ‘भाषा अध्ययन गरेपछि विश्वविद्यालयमा पढ्ने बाटो खुल्ने हो,’ उनले भने । १२ उत्तीर्ण गरेर जापानमा अध्ययन गर्न जाने विदेशी विद्यार्थीले जापनिज भाषा कम्तीमा १ देखि २ वर्ष पढेपछि मात्र स्नातक पढ्न पाइने प्रावधान छ ।

त्यसैगरी अस्ट्रेलिया, क्यानडा, न्युजिल्यान्डलगायतका देशमा डिप्लोमा र एड्भान्स डिप्लोमा कोर्स १२ कक्षा उत्तीर्ण भएपछि तथा स्नातक तहको अगाडि पढ्न सकिनेछ । तर, यो निर्देशिकाले रोक लगाएपछि विद्यार्थीसँगै सरोकारवालाहरूले विरोध जनाएका हुन् । शैक्षिक परामर्श संघहरूले निर्देशिका सच्याउन माग गर्दै शिक्षामन्त्री अशोक राईलाई ज्ञापनपत्रसमेत बुझाएका छन् ।

नेपालको संविधानले कक्षा १२ सम्म विद्यालय तहको शिक्षा भनेको छ । यसैलाई टेकेर निर्देशिका बनाइएको शिक्षा मन्त्रालयको भनाइ छ ।

ज्ञापनपत्र: