दराजले तीन वर्षभित्र नेपालमा एक लाख रोजगारी सृजना गर्ने

A+ A A-

अनलाइन सपिङमा ख्यातीप्राप्त दराजले १० भदौमा काठमाडौँको मरियट होटेलमा प्रेस सम्मेलन आयोजना गरेको थियो । उक्त सम्मेलन दराजका ग्लोबल सीईओ, ब्यार्के मिकेल्सन, दराज नेपालका प्रबन्धक लिनो अर्लिङ्ग र जय कविले सञ्चालन गरेका थिए ।

उक्त कार्यक्रममा मुख्य वक्ताका रुपमा नेपाल सरकार उद्योग, वाणिज्य तथा आपूर्ति मन्त्रालयका उपसचिव बुद्धिप्रसाद उपध्याय, शाखा अधिकृत आश्विनकुमार पोखरेल, नबिल बैंकका सहायक सीईओ अनिल खनाल, सामसङका महाप्रबन्धक आइ एम बिज प्रणय रत्न स्थापित र सोनाम गियर्सका सीईओ तथा संस्थापक ताशी चोम्बे को सहभागिता रहेको थियो ।उक्त सम्मेलनमा दराजको ‘डिजिटल युगमा सबैलाई जहाँबाट पनि व्यापार गर्न सहज बनाउने’ साथै नेपाल मा २०२२ सम्म १ लाख रोजगारीकाे अवसर सृजना गर्ने उद्देश्य सार्वजनिक गरिएको थियो । हाल २५ सय भन्दाबढी बिक्रेता दराजको प्रबिधिको प्रयोग गर्दै आएका छन् ।

‘दराज एउटा मल, बजार, र कम्युनिटी पनि हो जुन सबै तपाईंको खल्तिभित्रै समावेश हुनसक्छ । दराजले दुई लाख पचास हजारभन्दा बढी सामान सयभन्दा बढी खण्डहरुमा विभाजित गरी उपभोक्तासामु पुर्याएको छ ।

आज ७५ हजारभन्दा बढी नेपाली दराजको दैनिक प्रयोग गर्दछन् । नेपालमा दराजले पाँच हजारभन्दा बढीलाई रोजगरी दिएको दराजका ग्लोबल सीईओ ब्यार्के मिकेल्सनले बताए । ‘दराज युनिभर्सिटीमार्फत हरेक महिना ५ सय नयाँ बिक्रेता दराजमा समावेश गर्दर्छौं,’ उनले भने, ‘हाम्रो भविष्यको बारेमा हामीले खुला भएर संसारसँग कुरा गरेको यो पहिलो पल्ट हो । हामी विश्वासका साथ भन्न सक्छौं कि डिजिटल क्रान्ति, औद्योगिक क्रान्ति भन्दाकम हुने वाला छैन । अब आउने १०/२० वर्षमा डिजिटल प्रविधि हाम्रो संस्कृति, राजनीतिदेखि लिएर समाजको हरेक पक्षलाई असर गर्नेछ । हाम्रो उद्देश्य यस परिवर्तनलाई स्वागत मात्र गर्ने हैन, हामी यो परिवर्तनलाई सक्रिय रुपमा आफैं लिएर नेपाललाई अगाडि लैजाने उद्देश्य राख्दछौं ।’पत्रकार सम्मेलन मा दराज का प्रबन्ध निर्देशक लिनो अर्लिङ्ग र जय कविले दराज ले २०२२ सम्म पूरा गर्ने ६ महत्वाकांक्षी लक्ष्यबारे बालेका थिए ।

उनीहरुले प्रस्तुत गरेका ६ लक्ष्य :

हरेक वर्ष इकमर्स उद्योगमा सय प्रतिशतभन्दा बढी वृद्धि
२० हजार बक्रेतालाई दराज युनिभर्सिटीद्वारा ट्रेन गरी समावेश गर्ने
उपभोक्ताका लागि सामान वितरण तथा आपूर्ति प्रक्रियालाई डिजिटलाइज गर्ने जसबाट उक्त प्रक्रियाको हरेक कदम उपभोक्तालाई वास्तविक समयमै थाहा हुन्छ
उत्कृष्ट सुविधाजनक, सहज, तथा समय सान्दर्भिक भएर दराज प्रयोगकर्ताहरुको संख्या ५० लाखसम्म पुर्याउने
५० लाख उपभोक्तासामु डिजिटल पेमेन्ट अर्थात् अनलाइन भुक्तानी सुविधा पुर्याउने
१ लाख रोजगारी सृजना गर्ने
दराजले नयाँ वर्षदेखि नै नविल बैंकसँगको सहकार्यमा कार्ड प्रि–पेमेन्टको सुविधा ल्याएको थियो

दसैंको अवसरमा दराजले २९ भदौदेखि १२ असोजसम्म थुप्रै ब्रान्डमा थुप्रै छुट ल्याउने बताएको छ ।