मधेश प्रदेशमा सार्वजनिक वित्तीय व्यवस्थापन कार्यक्रम सुरु

A+ A A-

यूएसएआईडीको सहयोगमा मधेश र लुम्बनी प्रदेशमा सार्वजनिक वित्तीय व्यवस्थापन कार्यक्रम शुक्रबा शुभारम्भ गरिएको छ । संघीय, प्रदेश र स्थानीय तहको वित्तीय व्यवस्थालाई सुदृढ गर्ने उक्त कार्यक्रमको शुक्रबार मधेश प्रदेशका मुख्यमन्त्री सरोज कुमार यादव र नेपालका लागि अमेरिकी राजदूत डिन थम्पसनले संयुक्त रुपमा शुभारम्भ गरे । दुई करोड अमेरिकी डलर (करिव २ अर्ब ६२ करोड रुपैया)को बजेट रहेको सो कार्यक्रमको कार्यक्रमको अवधि ५ वर्षको रहने छ ।

कार्यक्रमको शुभारम्भ गर्दै मुख्यमन्त्री यादवले नेपालको विकास निर्माणदेखि लोकतन्त्र स्थापनामा अमेरिकाको सहयोग महत्वपूर्ण रहेको बताए । उनले वित्तीय व्यवस्थापन कार्यक्रमले मधेशमा विकास र सम्वृद्धि टेवा पुग्ने बताए । कार्यक्रममा नेपालका लागि अमेरिकी राजदूत डिन थम्पसनले राजनीतिकर्मीहरू उत्तरदायी भए मात्र नेपालमा लोकतन्त्र फष्टाउने बताए ।

बलियो लोकतान्त्रिक समाज संचालनका पार्दशिता र बजेट संकलन, लगानी र खर्च कसरी हुन्छ भन्ने बुझाइ नेपालमा लोकतान्त्रिक समाजको दुरुष्ट संचालनमा भूमिका खेल्ने उनले बताए ।

सोही कार्यक्रममा बोल्दै यूएसएआईडी नेपालकी प्रमुख सेपिडे केभान्शाडले भनिन्, ‘हामी स्थानीय पालिकाको बजेटमा महिलाको आवश्यकतालाई प्राथमिमकमा राख्न चाहन्छाँै । महिलाहरूको सिप तालिम व्यवासयका अवसरहरू, किशोरी तथा आमाहरूका लागि शिक्षा र स्वास्थ्य जस्ता अधारभूत कार्यक्रमलाई अगाडि लग्नुपर्छ ।’

सार्वजनिक वित्तीय व्यवस्थापन क्रियाकलापअनुसार यूएसएआईडी र नेपाल सरकारले राष्ट्रिय सार्वजनिक वित्तीय संस्था र प्रणालीलाई सुढृड गरी उन्नतीतर्फ लगिने उद्देश्य रहेको छ ।